Blog Deportes Carlos Miguel Fútbol Sala

“Con tódolos ingredientes para un partidazo” P.Eloy – DCM

2012-02-09T19:40:00.002+01:00

Un dos caprichos do calendario ligueiro deste ano, foi deixar para a última xornada ligueira o xa clásico enfrontamento entre P.Eloy e DCM. Se a tempada pasada tivese ocorrido o mesmo, o último encontro do ano houbese deparado un enfrontamento directo de infarto para decidir o campión da liga.
A historia de paralelismos entre estes dous equipos comezou cando ambos remataron campións dos seus respectivos grupos de 3ª división. Enfrentáronse no torneo de campións e remataron emparellados no mesmo grupo de 2ª. Esa tempada, ambos remataron en metade da táboa, 5º o Eloy e 7º o DCM. O ano pasado, ambos conseguiron o ascenso á máxima categoría, o Parquets quedou campión e os nósos segundos.
Este ano continúa a historia de paralelismos pero levada á máxima expresión; o obxectivo de ambos equipos volve coincidir; esta tempada toca loitar pola permanencia. Pero ademáis, ambos chegan co mesmo número de puntos, de victorias, empates e derrotas, mesmo golaverage xeral e mesma traxectoria (melloría nos últimos encontros).
A única diferenza estatística entre ambos é que o P.Eloy domina o cómputo xeral dos duelos directos entre ambos equipos. Venceu ó DCM no torneo de campións, nos dous enfrontamentos da tempada 2009 e na ida da tempada pasada. Na volta, o DCM logrou por primeira vez vencer ós amarelos cun axustado 3-2.

Pero ademáis desa rivalidade histórica, nesta xornada hai en xogo tres puntos fundamentais para ambos clubes. 3 puntos que permitirían ó vencedor, rematar a primeira volta cun notable e ó derrotado cun aprobado raspadiño. 3 puntos que significan un colchón de tranquilidade con respecto ó pozo.

En defintiva, agárdonos un partidazo.

O P.Eloy terá unha baixa por acumulación de cartóns, pero dispón dun amplo plantel para suplila. En anos anteriores, o peso do equipo recaía no Vasco, un xogador temido polos nósos nestes enfrontamentos. Pero esta tempada, un dos seus homes máis novos, Jorge, explotou como un dos xogadores máis decisivos desta liga, botándose o seu equipo ás costas e sendo imprescindible para o Eloy durante todos os minutos de cada encontro.
O DCM deberá prestar especial atención a estes homes, pero sen dúbida, o que realmente buscará o equipo será que sexa o rival quen teña que preocuparse do xogo e dos xogadores dcmistas e non ó revés.
Se os nósos xogan ó alto nivel que acadaron encontros atrás, poderán saír vencedores, pero calqueira factor que baixe un ápice ese nivel, pode servir en bandexa o encontro para os amarelos.

A resolución deste partidazo o DOMINGO ÁS 19:00 HORAS NO PAVILLÓN DE LAVADORES, AGARDÁMOSVOS!

“Unha parte para cada equipo e reparto de puntos” DCM 2¬2 NovoVidal

2012-02-05T21:21:00.002+01:00

O DCM salva un importante punto nun encontro no que aproveitou a relaxación inicial de Novo Vidal e o seu alto nivel de confianza para irse cun 2-0 ó descanso. Na segunda metade o equipo amosou estar todavía moi verde para aspirar a algo máis que a permanencia e ante a reacción do 5º clasificado, rematou pedindo a hora.

Debutaba o DCM en partido oficial no pavillón do Berbés nun encontro difícil pero non imposible trala melloría dcmista nas últimas datas.
O rival, NovoVidal, segundo equipo menos goleado da división, saía algo relaxado, e o DCM aproveitouno para ter as mellores ocasións da primeira metade.
Esas ocasións chegaron máis por forza que por xogo, e é que a maior parte delas foron de saque dende o curruncho. Dispuxo dun gran número de corners o equipo e sendos rexeites ós lanzamentos e estivo moi preto do gol en máis dun deles. Errou un feixe pero acabou anotando un, subindo o 1-0 ó electrónico; Yago sería o goleador.
Seguíu traballando o equipo, e NovoVidal non daba reaccionado.
O segundo tanto dcmista sí que chegaría tirando dunha xogada de toque, dunha das xogadas nas que se traduce a melloría do equipo nos últimos partidos e que hoxe apenas empregaron. Lanzaba a porta o Novo Vidal, o rexeite quedaba para Vare quen optaba por confiar na saída en curto en lugar do pelotazo. Emi controlaba con seguridade en banda, xogaba de novo para Vare e marchaba cun gran desmarque en velocidade dando opción ó pase ó oco do defensa dcmista. Pani acompañaba pola banda contraria, Emi servíalle un pase da morte, pero o disparo de Pani petaba na madeira, por fortuna o rexeite caía para Emi quen enviaba ás redes un contragolpe de luxo. 2-0. Chegábase ó descanso.

Novo Vidal cambiou na segunda metade. Optou pola presión en toda a cancha e iso afogou ó DCM, amosando que aínda que o equipo é mellor neste 2012, ten todavía moitas carencias. Aguantou ben o DCM os primeiros quince minutos, pero apenas tiña posesión de balón e non conseguía saír en contragolpes. NovoVidal atopábase co 2-1 tras un córner moi mal defendido polos nósos. E minutos despois, chegaría o empate tras unha perda de balón en ataque e un grave erro de entendemento entre Vare e Xmon que deixaban só ó atacante rival, 2-2. Ese gol acabou de reactivar ós visitantes e acabou de afundir ós Dcmistas que comezaron a ter erros propios das primeiras xornadas. Saques de banda co equipo mal colocado que xa costaron máis dun gol noutros partidos, precipitación na saída de balón, incapacidade para recuperar un só balón, lentitude á hora de baixar a defender e iso provocou que o rival comezara a atopar moitos ocos e dispuxo de clarísimas ocasións. De ahí ó final outro bo feixe de ocasións para NovoVidal, pero a madeira salvou ós nósos en ata tres ocasións e impedíu que o marcador se movese.

Observando os resultados que nos deixa a xornada, o punto sumado, adquire unha importancia vital. Era un punto inagardado na teoría, xa que enfronte estaba un dos mellores equipos da liga, pero tralo 2-0 inicial, as sensacións ó rematar o partido eran agridoces. A victoria estivo no peto, pero ó final acabou moito máis preto dos visitantes.

Este é o punto número 15 para os dcmistas, que deixa a clasificación apretadísima. ParquetsEloy venceu a Jesús Cao e tamén chega ós 15 puntos, ó igual que Wapichi que empatou con Urba os Cabazos. Só 3 puntos separan a estes equipos do descenso (a falta de xogarse o Xestas-T.Cahersa).
Isto fai que o vindeiro partido ante o P.Eloy adquira máis importancia se cabe. Ambos equipos chegan cos mesmos puntos e o mesmo número de victorias, empates e derrotas. Incluso empatan no golaverage xeral -4.
Fermoso partido o que nos agarda. Ata entón boa semana a todos!

"A melloría dcmista, a exame" DCM - NovoVidal

2012-02-02T21:22:00.004+01:00

A penúltima xornada da primaira volta, enfrontará a un motivado DCM contra o 5º clasificado da división, un Novo Vidal que é ademáis o segundo equipo menos goleado da categoría. Difícil exame para os nósos, que amosará ata onde chega a melloría dcmista das últimas datas.

O Novo Vidal, rematou oitavo clasificado na tempada pasada, aínda que cunha sanción de -6 puntos por incomparecencia. Chega a este encontro tras tres victorias consecutivas, pero deixouse puntos importantes anteriormente tras caer ante Xestas e UrbaOsCabazos, agardemos que tamén o faga ante o DCM.

Os nósos chegan pletóricos de moral tralo seu último gran encontro ante Navia Fs que os afastou dos postos de descenso. Aínda así, o equipo segue demasiado preto do pozo, e debe seguir sumando para non xogar con fogo.
Neste 2012, o DCM deu mostras dunha gran melloría, pero non sabemos se será suficiente para derrotar a equipos punteiros da división como é o NovoVidal. Saberemos a resposta o domingo ás 10 no pavillón do Berbés.
O equipo podería contar para este partido con todos os seus xogadores por primeira vez na tempada. Jorge estará baixo paus. Quique será fixo na defensa. Vare tamén entrará seguro na convocatoria aínda que seguirá con molestias no dedo mancado a semana pasada. Chape e Xmon tamén poderían estar a disposición se non hai novidades para completar a parcela defensiva. Arriba, moito potencial ofensivo, Pani, Pablo, Emi e Yago.

¿Será suficiente a melloría Dcmista para sacar puntos ó 5º clasificado?
Non perdan a resposta o domingo ás 10h no Berbés.

Saúdos!

“A melloría Dcmista tradúcese nunha gran vitoria” Navia Fs 1-6 DCM

2012-01-30T16:26:00.007+01:00

O DCM confirma na decimo-terceira xornada a súa gran melloría nas últimas datas cun contundente triunfo ante un rival directo pola permanencia. Os nósos foron superiores ó Navia e consiguen alonxarse temporalmente dos postos de descenso.

Este DCM é outro. Sae ós encontros confiando de cheo nas súas posibilidades. Xa non se conforma con sacar puntos senon que quere tamén mandar e dominar. Onte o conseguíu dende o primeiro minuto ante un Navia que se víu superado e sorprendido ante o gran partidos dos nósos.
Proba desa autoconfianza é o primeiro gol do equipo no día de onte, onde tras pasar o balón por todo o equipo, os dous homes defensivos do equipo encargáronse de culminar a xogada.

Todo o mundo atópase máis confiando e iso tradúcese en máis movementos e máis desmarques. Así, explícase que Quique se atopase desmarcado en liña de fondo e Vare tras recibir no centro do campo, tirase con él unha fermosa parede que Quique devolvía convertida nun pase da morte ante a chegada dende atrás do 5 Dcmista. 0-1. Tamén ten gran parte de culpa destes goles que están chegando de xogada, o traballo nos adestramentos, que aporta gran sincronización entre homes como Quique, Vare, Emi e Pablo á hora de efectuar estas xogadas en partidos ligueiros.
O equipo xa estaba por diante no marcador, pero quería máis. Intres despois, Emi servía un bo pase dende atrás para Vare, quen de costas tocaba o esférico deixando a Pani nun man a man co cancerbeiro, que éste transformaba no 0-2.
Non se conformou o DCM e seguíu buscando a porta rival. Chegou algún pequeno erro defensivo que non soubo aproveitar o rival, pero a maior parte das ocasións foron dos rosiñas, que lanzaron á madeira, viron como lle curtaban un contragolpe letal a Pablo por falta previa e mereceron aumentar a súa conta, pero o electrónico non se moveu.

Pouco cambiou o decorado na segunda metade. Emi facía o terceiro gol Dcmista, Pani o 4º tras gran asistencia de Jorge de saque de porta, de novo Emi o quinto e Yago redondeaba o resultado co sexto gol.

Entretanto, Pani errara unha pena máxima a favor e o Navia marcaba o da honra tamén dende o punto de penalti despois de que un disparo rival petase no brazo de Vare.

O partido servíu tamén para que Yago se acoplase de novo o equipo e o fixese cunha boa actuación e un gol.
Tamén Chape regresaba tras un longo parón, e respostou fantásticamente a pesares de acusar algo de falta de ritmo.
As únicas notas negativas, os dous fortes golpes sufridos por Pablo (un deles tras unha dura entrada dentro da área que o colexiado asubiou fóra da mesma, recibindo numerosos apupos dende a bancada; agradecemos dende aquí a presenza das nosas afeccionadas nesa fría mañán de domingo)

e a lesión de Vare en dúas falanxes do pé, que lle impiden de momento caminar con normalidade pero que xa está a tratar coa intención de chegar ó vindeiro encontro.

Con estes tres puntos, o DCM chega ós 14 en 13 xornadas, e agarda xa o vindeiro encontro ante Novo Vidal (un dos equipos punteiros da clasificación) coa intención de prolongar a boa xeira de xogos e inciar tamén unha xeira de resultados positivos consecutivos.

AS FOTOS DO ENCONTRO NO SEGUINTE ENLACE CORTESÍA DA NOSA FOTÓGRAFA OFCIAL:
https://picasaweb.google.com/102545914651497041447/120229NaviaDCM?authkey=Gv1sRgCMa15eGyrIiW2wE#

“Oportunidade para alonxarse do pozo” Navia FS – DCM

2012-01-26T19:09:00.001+01:00

Esquecidos xa os parabéns recibidos polo equipo tralo seu último bo partido ante o líder da categoría, a táboa clasificatoria devolve ós nósos á terra e amosa a dura realidade de atoparse moi preto do pozo.
Nesta decimoterceira xornada, agárdonos un choque ante outro rival directo pola permanencia, o Navia FS, penúltimo clasificado a un só punto dos nósos.

Quen consiga levar os tres puntos escapará un chisco do perigo e terá alomenos unha semana de tranquilidade. Quen saia derrotado mercará moitos boletos para permanecer nos derradeiros postos da clasificación durante bastante tempo.

O DCM agarda trasladar as boas sensacións das últimas xornadas ó seu casilleiro, e é que necesita aproveitar o seu bo momento e facerse cun colchón de puntos para poder afrontar posibles a adversidades futuras (lesións, baixas...).

Para este partido o equipo podería contar con tódolos seus homes, xa que Yago regresa a terras galegas e de seguro que trae gañas de fúbol sala.

O rival é un descoñecido para os nósos, pero que seguro dará guerra ata o final.

Moitísimo en xogo nesta xornada. Tres puntos vitais para ambos conxuntos. A cita, o domingo ás 12:00horas no fermoso pavillón de bembrive. Vémonos!

“O DCM codéase cos mellores”

2012-01-23T16:30:00.007+01:00

A duodécima xornada deixounos unha derrota dos nósos ante o líder da división pero con moitos matices positivos que deben axudar ó equipo nos vindeiros partidos.

O mellor DCM da tempada mantivo o encontro moi igualado ata os últimos cinco minutos, onde a maior pegada do Matamá decantou o resultado.

O DCM tomoulle definitivamente o pulso á división. O equipo recuperou a orde defensiva e por momentos déixanos accións de primeiro nivel en ataque. Iso non foi suficiente no encontro de onte ante o equipo máis sólido da división, pero debería chegar na gran maioría de partidos para sacar resultados positivos. O vindeiro bloque de encontros debe servir como pedra de toque para saber se o nivel mostrado estas últimas semanas é o verdadeiro nivel do equipo ou é un mero espellismo. NaviaFS (equipo que loita pola permanencia como os nósos), Novo Vidal (equipo da zona alta) e o derbi contra Parquets Eloy pecharán a primeira volta e darán comezo a unha segunda volta que inicia con PescaderíaFlipper, Piedrajoya e Cahersa, tres equipos que venceron ós nósos na ida grazas en parte á falta de adaptación do equipo, pero será este o momento de demostrar que o DCM evolucionou nestes meses.
Para iso, o equipo deberá reincorporar tamén a Yago na dinámica do equipo.

O encontro ante o Matamá tivo dúas partes diferenciadas. Na primeira metade o líder actuou como tal e asumíu o dominio do esférico e da posesión, pero non foi quen de superar á defensa dcmista, polo que só lle quedou o recurso do disparo lonxano. Conseguíu facer o 0-1 moi cedo cun deses disparos que petaba nas costas de Quique antes de entrar na portería, pero a partires de entón, Jorge desbaratou todos e cada un dos lanzamentos do rival con grandes intervencións.

O DCM, a pesares de que priorizaba o traballo defensivo, non se conformaba só con iso, e cada vez que tiña o esférico buscaba chegar ó ataque rival con intención. Así, os nósos gozaron dalgunha boa ocasión para empatar o encontro, e o conseguirían cunha gran triangulación. Emi tocaba para Vare e este atopaba no segundo pau a Quique, quen case sen ángulo anotaba un gol moi importante. 1-1.

Chegaba o descanso e os nósos tiñan moitas opcións de sacar algo de proveito contra o líder.

E esas opcións incrementáronse moito na segunda metade, e é que nestes segundos vintecinco minutos foi o DCM quen levou o peso do partido. Matamá semellaba noqueado ante as dificultades que estaban a ter nun partido que seguramente agardaban levar con moita máis facilidade, pero o electrónico reflexaba un empate que lles comezaba a pesar.
Pero en contra do que puidera parecer, Matamá Vel´Arte é un equipo que non lle importa ceder o dominio do partido ó rival e adicarse a xogar á contra. O DCM sabía do perigo do contragolpe rival e non podía permitir perdas tontas de balón. Pero caeu neses erros imperdoables en máis dunha ocasión. Así chegaría o 1-2 e o 1-3. Pero o equipo non se rendeu e sacou os seus mellores minutos da tempada.
Pablo, refíxose deses erros defensivos cun gol moi aplaudido dende a bancada, tras deixar sentados ó seu defensor e ó gardamallas e marcar a portería baleira. 2-3.

E despois, fermosísima xogada,

similar á do primeiro gol Dcmista, esta vez, Quique abría cara Vare en banda esquerda, quen dende tres cuartos de campo tiraba un gran pase para a chegada de Emi no segundo pau que anotaba con solvencia levando as táboas ó marcador. 3-3.

O DCM desfrutaba e facía desfrutar dos seus mellores minutos de xogo e deixaba tocado ó líder. Puideron facer o 4-3 os nósos en un par de ocasións, sobretodo nun man a man de Pablo co gardamallas rival que lle gañou a partida.

Quedaban escasos oito minutos para o final cando o Matamá atopouse cunha xogada illada que lles deu vida cando peor o estaban a pasar e convertían o 3-4.
Tiña tempo por diante o DCM para volver a empatar, pero o equipo cometeu os mesmos erros que no 1-2 e no 1-3. En lugar de seguir movendo o esférico como ata o momento, empeñouse de novo en pases arriscados que otorgaron dúas novas ocasións ó líder para que sentenciara o partido co 3-5 e 3-6. Pablo era amonestado na recta final do encontro.

Remataba así un encontro vibrante que gustou e moito ó público asistente.

Toca esquecer xa o acontecido e pensar no enfrontamento directo ante o Navia Fs do vindeiro fin de semana.

Ata entón un cordial saúdo.

Desfruten das imaxes do encontro cortesía dos nósos fotógrafos CarGil e LúaGil.

https://picasaweb.google.com/102545914651497041447/120121DCMMATAMA?authkey=Gv1sRgCISS7ODazaGCXA#

“Posibilidades reais” DCM – Matamá Vel´Arte

2012-01-19T19:33:00.002+01:00

Dixerida xa a vitoria ante Gamusinos e dende a relativa tranquilidade que otorga estar fóra dos postos de descenso directo, o DCM recibe nesta duodécima xornada de liga ó líder da división, o Matamá Vel´Arte, único equipo que todavía non coñece a derrota nesta tempada.

O rival, é un equipo completamente descoñecido para os nósos, 9º clasificado con 34 puntos na pasada tempada, formado por xente nova pero que leva moitos anos xogando nesta liga que reforzouse este ano e marcouse como obxectivo estar entre os tres mellores da liga. Outros equipos que xa se enfrentaron a eles esta tempada, falan dun conxunto moi ordeado, que defende moi pechado atrás e busca os seus goles en contragolpes letais. Que sexa o equipo menos goleado da división con tan só 19 goles encaixados nos 11 partidos desta tempada, ven a demostrar que se trata realmente dun equipo moi traballado na parcela defensiva. Só cedeu 2 empates e o resto de encontros os conta por vitorias que o aúpan á primeira posición da clasificación.

Números que impoñen, pero que non significan que o DCM non teña posibilidades de sumar neste encontro.
Os nósos, atópanse nun bo momento, non teñen tantas dúbidas no seu xogo como nas primeiras xornadas e necesitan coller unha xeira de partidos consecutivos sumando para afianzarse na categoría.
Como diciamos, o equipo sufríu durante as pasadas xornadas problemas de adaptación á categoría e a cambios internos no plantel, pero aínda así, os nósos tiveron opcións en tódolos partidos desputados, nalgúns máis e noutros menos, pero sempre gozaron dunha mínima posibilidade para sumar puntos.
Esta xornada non é distinta, e a pesares de que recibiremos a un líder moi sólido, o equipo debe saír pensando que ten posiblidades reais de sumar e apurar ditas opcións coa intención de sacar un importante botín moral e clasificatorio.

Para iso, o equipo contará co mesmo bloque da xornada pasada (Chape segue a ser dúbida polos seus problemas fisicos e por mor dos exames, e Yago está a piques de reincorporarse ó plantel para xogar tres encontros consecutivos). Así, Jorge formará baixo paus, Quique, Xmon e Vare tentarán evitar que os rivais fructifiquen as súas contras coa axuda en primeira liña de Emi, Pani e Pablo, quenes ademáis levarán o peso ofensivo do equipo.

Non perdan este encontro!!

LUGAR: Pavillón Monte da Mina
DATA E HORA: Sábado 21 ás 20:00h

“Gran comezo de ano” LosGamusinos 1-5 DCM

2012-01-16T19:02:00.008+01:00

O DCM retoma a competición cun triunfo fundamental para a permanencia do equipo. Os nósos amosaron intensidade e ansias de vitoria, e así impuxéronse en todo momento ó rival, aínda que non sería ata a segunda metade cando se decantaría o encontro.

Con estes tres novos puntos, o equipo suma xa once en outros tantos partidos e afronta con optimismo o recén iniciado 2012.

A undécima xornada de liga achegábanos un encontro entre os dous últimos clasificados da división. Gamusinos, quen xa ocupa esa posición dende varias xornadas atrás, chegaba con bos números nas últimas datas e o DCM a pesares da derrota ante o Hannover, era consciente de que merecían algo máis que esa penúltima posición.
E saíron os nósos con gañas de demostralo. Presión bastante avanzada e dominio do esférico e das ocasións, aínda que sen fortuna de cara a porta.
Dous balóns á madeira tras xogadas embarulladas con Pani e Quique como protagonistas, un disparo fóra de Vare cando atopábase só ante o cancerbeiro, unha fermosa xogada individual de Emi e un lanzamento forte, cruzado e abaixo de Pablo que facía empregarse ó gardamallas rival a fondo foron as mellores ocasións dos dcmistas nesta primeira metade.

O gol era esquivo, pero ó final chegaría tras outro barullo na área, que Pablo aproveitaba para facer o 0-1.

O DCM estaba por diante e mandaba no partido, pero o resultado era moi curto. Tan curto que en calqueira aproximación o rival podía empatar. E así foi, nos últimos minutos antes do descanso, unha falta lanzada polos Gamusinos que petaba na barreira, caía rexeitada nos pés doutro atacante que facía o empate. 1-1.

Chegábase ó intermedio con todo por decidir. Pero ó DCM en lugar de afectarlle negativamente ese gol psicolóxico, saíu con máis gañas na segunda metade, conscientes de que podían e merecían levar os tres puntos.

E así, nada máis principiar o equipo anotaría por mediación de Emi tras servizo preciso de Pablo. Era o 1-2.

Non se conformou o DCM e seguíu coa súa presión avanzada. E noutro despexe erróneo dos locais, Vare aproveitaba para facer o 1-3.

Gozaría de máis ocasións o equipo nos pés de Pani, Emi e incluso Xmon animouse a sumarse ó ataque do equipo e estivo preto do gol.
Paro non se rendíu o colista, e tivo os seus mellores minutos neste instante de partido, no que superou varias veces a presión dcmista e chegou a ter, aínda que algo escorados, un par de mans a mans con Jorge, quen foi quen de resolvelos. Un tempo morto solicitado polos dcmistas apagou o ímpetu dos rivais quenes xa non voltarían a inquedar ó noso cancerbeiro.
E tras voltar do tempo morto, fermosísima xogada do equipo que remataría co 1-4. Triangulación perfecta entre Emi, Pani e Quique, e gol deste último.
Buscaría mellorar ese fermoso gol Pablo cunha xogada propia dos cracks de primeira división da liga BBVA, pegado a liña de fondo e marchando nunha baldosa do seu defensor e enviando o balón ó fondo das redes, pero o colexiado entendeu que o esférico tiña rebasado a liña de fondo e non concedeu o tanto (nas fotografías colgadas no link que se recolle ó final da crónica pode observarse como o balón non rebasa a liña).
Si conseguiría Pablo redondear o marcador nos últimos minutos facendo o 1-5.

Con esta vitoria o DCM respira e á espera de todos os resultados da xornada, o equipo subirá alomenos dous postos na clasificación.
A peor noticia e que agora os nósos recibirán ó líder da categoría, un Matamá Vel´Arte que todavía non coñece a derrota nesta tempada. Sen dúbida un partido moi complicado para seguir sumando, pero os nósos deberán tentalo con todas as súas forzas e pensar que ata o momento plantaron cara a todos os rivais da categoría.

Despedímonos ata a previa. Reciban un cordial saúdo. Grazas a afección que acompañou ó equipo neste vital encontro e grazas tamén á fotógrafa oficial.

Quedan coas instantáneas do partido

https://picasaweb.google.com/102545914651497041447/140112DCMGamusinos?authuser=0&authkey=Gv1sRgCK-PvPKv77ix2wE&feat=directlink#

“Prato forte para principiar o ano”

2012-01-11T20:40:00.004+01:00

O DCM reinicia a competición ligueira neste 2012 cun enfrontamento ante o colista, vital para o seu obxectivo da permanencia, non tanto no aspecto matemático (xa que quedan moitísimos puntos en xogo) pero sí no aspecto moral, e é que son este tipo de encontros os que o equipo non debe deixar pasar para sumar puntos de aquí a final da tempada.

Este enfrontamento, ademáis da vital importancia clasificatoria que ten para ambos conxuntos, trátase dun duelo entre dous equipos que comparten patrocinador. Ambos conxuntos enfrontáronse nun amigábel na pretempada, onde o DCM saíu vencedor, pero cabe destacar que o rival contaba coa baixa dun dos seus principales referentes ofensivos.
Nese partido, observouse que é un equipo que sabe facer gol con facilidade, pero tamén que comete erros defensivos que deberán aproveitar os dcmistas.
É o colista da división (aínda que cun partido pendente, que desputará xusto 24horas despois de enfrontarse ó DCM), pero iso non debe enganar ós nósos. O DCM non pode esperar un encontro sinxelo, senón que debe afrontalo como o máis complicado da tempada ata o momento, xa que ésta é realmente a súa liga. De feito, Gamusinos foi de menos a máis na tempada, e nas últimas datas acadou os 5 puntos que ostenta no seu marcador, tras vencer a Xestas e empatar con Urba e BarOCruce, obtendo así idénticos resultados que os dcmistas ante estes tres equipos, o que dá idea da igualdade entre ambos planteis.

O equipo contará para este encontro con todos os seus homes agás Yago e probablemente Chap. Jorge estará en portería, a parcela defensiva quedará en mans de Quique, Xmon e Vare, e o ataque será responsabilidade de Emi, Pablo e Pani.
Dende o clube sinálase a importancia de que todos os convocados puidesen asistir ó adestramento deste xoves, para ir creando un ambiente e unha mentalización de que este partido é moi importante para os dcmistas. Sumámonos tamén dende aquí a esa petición do clube, agardando que todos poidan facer ese pequeno esforzo. Aproveitamos tamén para recordar ós xogadores que mañá finaliza o plazo establecido pola presidencia para aboar as tasas en concepto de pavillón.

Así que xa saben, moito máis que tres puntos en xogo nesta primeira xornada de 2012. Non a perdan!!

LUGAR: Pavillón de Moledo
DATA E HORA: Sábado ás 19:00h

O DCM, campión da Copa Loiola por primeira vez na sua historia

2012-01-03T21:38:00.001+01:00

Como xa é habitual nestas datas tan sinaladas do ano, o DCM acudiu ó torneo de inverno que se desputa no Colexio Apóstol. Dito torneo resistíaselle ó conxunto dcmista, pero tras 6 participacións, por fin conseguíu alzarse co título. Non partían os nosos coma favoritos para alzarse co torneo, equipo con moitas baixas, incluidas as de Quique e Pablo, que participaron con outro equipo, moi xusto de efectivos e sobretodo, sen porteiro.

Sen embargo, finalmente puidose contar con algún xogador que estaba en dúbida, co que o equipo (vermello onte) puido xuntar a Xmon, Pani, Emi e Yago coma representantes do DCM e Sebas coma gran fichaxe, aínda que descoñecido para a maior parte dos demais equipos.

Comezaba o torneo cun sorteo a priori benévolo para os nosos na fase de grupos. Tódalas cábalas o colocaban nas semifinais, pese a estar todavía por decidir se coma primeiros ou segundos. O sorteo deparaba o enfrontamento estrela do grupo, enfronte, unha selección de adestradores das diferentes categorías do Colexio Apóstol, porén, xa dende un principio quedou ben ás claras quén ía na búsqueda da victoria. O equipo vermello pasou por riba dos seus rivais. Foi superior en tódalas liñas, dominou o partido de principio a fin, pero non puido plasmalo no marcador. Unha auténtica exhibición sen gol, Sebas convertíase na auténtica sensación do torneo, partindo dende a posición de peche, chegando arriba. Así chegaría o único gol do partido para os nosos, tirando unha parede incluida dentro do área, e batindo por fin a Dani, un dos grandes porteiros que deu a canteira colexial. Porén, a poucos minutos do final, un erro defensivo rematou co gol do empate definitivo.

Tras este primeiro partido, o conxunto vermello tería que fixarse na golaveraxe para tratar de rematar na primeira plaza, pero as sensacións eran boas e o equipo víase superior. Así pois, o segundo encontro serviu para plasmar esa superioridade, vencendo 6-0 ó que ata ese momento era o líder do grupo A, 4 goles de Emi e 2 de Yago. O terceiro partido do dcm non chegou a desputarse debido a unha incomparecencia do equipo que non conseguirá acadar ningún punto, pero que serviu para clasificarse na primeira posición.

As semifinais foron se cadra o encontró mais igualado que tivo que desputar o conxunto dcmista, pero este equipo sabía das súas cualidades e aproveitaron que o rival saíu ó campo pensando que ían gañar fácil. Cando se quixeron dar de conta, o equipo vermello xa ía 3-0 arriba (2 de Yago e 1 de Pani) e a partires de ahí, o equipo tratou de aguantar o resultado. Recortou Pedrito con dous goles, pero mataron os nosos á contra con outro tanto de Yago.

Con cansazo acumulado por todos, chegouse á final, enfronte, outros dous integrantes do conxunto dcmista (Pablo e Quique) quenes sufriron moito para chegar á final nos penaltis e tras sete penaltis errados de maneira consecutiva por ambos conxuntos. O encontro comezou moi igualado e lento, pero tras un auténtico golazo de pani a reviravolta e de maneira acrobática marcaba o primeiro gol que aceleraba o partido. Comezou así unha sucesión de goles por ambos lados no que se amosou superior o DCM e sempre foi por diante, 10-7 o resultado final (3 de Sebas, 3 de Emi, 2 de Yago e 2 de Pani). Destacar que Quique sufríu constantes apupos da afección por vestir a camisola do rival Dcmista nesta gran final.

Ata aquí a crónica dun 2 de xaneiro de 2012 que trouxo a primeira Copa Loiola para as vitrinas Dcmistas.

Agardemos que sexa tan só o primeiro éxito do ano. Agora a pensar xa na liga regular e na permanencia.

Despedímonos ata a previa do primeiro encontro ligueiro de 2012! Boas Festas!

Crónica de"Enviado Especial"

“O DCM non descansa por Nadal”

2011-12-28T21:03:00.001+01:00

A pesares de que a competición oficial non regresa ata o vindeiro día 14 de xaneiro, os nósos saben a importancia de chegar ó 100% ós primeiros encontros tralo parón navideño, polo que apenas desfrutarán de vacacións.

O equipo adestrou o pasado xoves 22 case ó completo, xa que Yago regresou á dinámica de equipo e tan só Jorge e Chape causaron baixa. Do mesmo xeito, agárdase que mañá día 29 os nósos regresen ó pavillón de Valadares para non perder a forma e baixar os kilos de máis collidos en noiteboa e nadal.

Ademáis, o vindeiro día 02 de xaneiro de 2012, parte do nóso plantel terá unha agardada cita, a Copa Loiola 2012, trofeo de gran prestixio e onde este ano, o equipo ten postas moitas expectativas. Quique, Emi, Pani, Xmon e Pablo serán a representación dcmista do equipo no torneo (aínda que este último recibíu o permiso do clube para defender outra camisola no torneo). Xmon tamén podería recibir dito permiso se así o solicita.
A directiva busca reforzar ese terceto de fixos (Quique, Emi e Pani) con alomenos un par de fichaxes, que cubrirían as baixas de Yago, Chape, Vare e Jorge, quenes perderán o torneo por motivos deportivos, de saúde ou laborais. Un dos reforzos que soa con forza na prensa deportiva é un xogador cun gran nivel e traxectoria e moi querido polos nósos; Sebas, quen xa desputou algún amigábel coa elástica dcmista, pero sería a súa primeira participación no torneo. De confirmarse a noticia, o equipo contaría cun gran xogador e centraríase en atopar un gardamallas, aínda que o mercado de cancerbeiros é moi limitado, e un dos candidatables habituais, Castor, xa foi descartado polo presidente coas verbas de “Aforrarémoslle ter que coller unha gripe para xustificar a súa habitual baixa de última hora”. Soan tamén como posibles reforzos, Orly, Fidel (outro xogador procedente da capital galega ó igual que Sebas) e dous rapaces da canteira, Nacho e Pedro.

Tras ese torneo, si que chegará un descanso de dez días, ata o xoves 12 de xaneiro, onde o equipo retomará os adestramentos para preparar o vital encontro do día 14 ou 15 ante o colista da división, Os Gamusinos. Yago terá que regresar a terras condais para ditas datas, polo que sería baixa para ese encontro. Chape será dúbida xa que segue no parte de mancados e agardarase pola súa evolución ata entón. O resto do equipo debería estar a disposición do adestrador, que os agarda a todos para dito adestramento do xoves 12, xa que sería de gran importancia que os mesmos xogadores que entren na convocatoria ligueira dispoñan xa de minutos xuntos no adestramento.

Restan cinco encontros para rematar a primeira volta da competición e os nósos conscientes da importancia deses partidos, pretenden chegar máis enchufados que os rivais tralo parón, por iso, o DCM non descansa polo Nadal.

Un saúdo! Felices Festas! E próspero Aninovo!

“A pegada do vixente campión afunde ó DCM” DCM 2-7 Hannover

2011-12-21T18:37:00.002+01:00

Entretido partido para despedir o ano, o que nos brindaron Hannover e DCM, dous equipos con aspiracións moi diferentes na táboa pero coa mesma necesidade de puntos.
O DCM tentouno, e chegou a meter o medo no corpo ó rival, pero a letal pegada do Hannover sentenciou o partido e enviou de novo ós Dcmistas a postos de descenso.

A décima xornada de liga, deixábanos un duelo entre vellos coñecidos e o regreso de Emi ás convocatorias tralo seu paso polas illas británicas. Polo que só Yago e Chape eran baixa para este partido.
Hannover comezou mandando co esférico, o movía dun lado a outro con moito criterio e paciencia pero non acababa de superar con claridade á defensa dcmista. Gozou dalgunha tímida oportunidade o DCM con pases en longo ós que a piques estaba de chegar Pablo. Pero pasados os minutos iniciais e ó ver que só coa posesión non era suficiente, os actuais campións optaron por tentar rachar a tela de araña dos rosiñas con disparos lonxanos, e acertaron de cheo na idea. Ós sete minutos de encontro, tras saque dende o curruncho e rexeite da defensa, o balón morto na frontal da área era convertido cun disparo potente polos visitantes facendo o 0-1. Pronto chegaría o 0-2 cun lonxano mísil de Migui que superaba a Jorge.
Duro golpe para os dcmistas en escasos minutos, que lles obrigaba a asumir máis riscos. Consecuencia diso, chegaría o terceiro gol dos visitantes tras boa combinación en ataque ante unha defensa moito menos poboada que no inicio, era o 0-3.
Parecía que sentenciaba xa o choque ó Hannover, pero baixaron entón en intensidade os visitantes e o DCM meteríase de novo no partido. Puido recurtar diferenzas Vare tras bo servizo de Emi en boca de gol, pero non chegou con convicción suficiente e o seu forzado remate petaba no defensa cando o cancerbeiro estaba case batido.
Sí conseguirían achegarse no marcador consecuencia da sexta falta do Hannover, Vare anticipábase nun balón dividido ó que rival chegaba tarde e Pousa indicaba a infracción. Quique, lanzaba o dobre penalti e aínda que o porteiro rexeitaba por dúas veces, á terceira Quique conseguíu transformar facendo o 1-3.
E un minuto despois, fantástica contra dos Dcmistas levada por Emi quen servía de novo a pracer para que esta vez sí, Vare fixese o 2-3 co que se chegaba ó descanso.

O DCM estaba no partido, e ós rivais aparecíanlles as pantasmas de partidos anteriores, onde a pesares de ser moi superiores, un exceso de confianza complicáballes os encontros.

Saíu convencido das súas opcións o DCM na segunda metade e tiveron ata 3 ocasións claras para facer o empate, a mellor nun disparo ó pau de Quique.
Pero a fortuna non estivo de cara neses intres para os dcmistas, non só porque non entrou o gol do empate senón porque o 2-4 chegaría en propia porta tras un intento de despexe de Pani.
Co 2-4, o DCM optou por centrarse no ataque, esquecendo o traballo en defensa, e ante iso, os visitantes atoparíanse coa situación idónea para desplegar o seu xogo, e con boas combinacións e desmarques creaban continuamente superioridades en ataque que se convertían en goles. Un tras outro ata chegar ós sete que reflicte o marcador. Tería tamén algunha contra clarísima o DCM pero hoxe a súa fortuna cara o gol xa tiña marchado facía tempo.

Remataba así un encontro que tivo momentos de igualdade, pero que rematou con victoria moi xusta do Hannover que foi moi superior ós Dcmistas no cómputo global.

Con este resultado e as victorias do P.Eloy, Xestas e de Navia, o DCM cae tres posicións na táboa e remata o ano en postos de descenso. Aínda así, o equipo debe quedar coas cousas boas destes dez primeiros encontros que son moitas, para regresar máis mentalizados cos rivais no ano 2012, xa que haberá moitísimo en xogo.
E é que agora sí, podemos dicir que rematou ese periodo de adaptación do equipo á categoría. Xa saben os nósos como son os partidos na primeira división, e a pesares de acabar en postos de descenso o ano, as sensacións non son de todo malas.
O DCM plantou cara a tódolos rivais e tivo opcións en tódolos encontros.
Ademáis, concluíu tamén a adaptación de Pablo ó equipo, Xmon e Chape retomaron o ritmo da competición e xa están a un alto nivel, superáronse importantes baixas como as de Jorge e Emi e a permanencia está moi preto (a só dous puntos).
Con implicación e esforzo, os resultados deberían chegar no ano 2012.

Ata entón, reciban un cordial saúdo. Felices festas para todos!

“Ata sempre 2011” Dep.CarlosMiguel Vs. Hannover

2011-12-15T19:02:00.002+01:00

A décima xornada de liga significará a despedida do ano 2011, un ano no que pase o que pase neste encontro, será sempre ben recordado polos dcmistas, xa que foi o ano do ascenso á 1ª división.

Pero deixando á marxe a melancolía, o certo é que os nósos regresan do parón ligueiro con boas sensacións e é que no último encontro conseguíuse unha vitoria un tanto inagardada ante un bo rival como é o Wapichi.
Ademáis, para esta xornada o equipo recupera a Emi, tras case dous meses de ausencia.

Pero enfronte estará un dos mellares equipos da liga, o vixente campión da categoría, e máximo goleador da presente campaña, que a pesares de ter un inicio de campionato algo dubitativo, é un dos equipos máis temidos polos nósos, quenes saben do que son capaces, tras coincidir con eles na 2ª división.
Eses pinchazos sufridos polo Hannover xornadas atrás, convirten ó rival dcmista nun equipo moito máis perigoso, xa que de seguro terán ansias de vitorias que os devolvan ó máis alto da clasificación e semella claro que xa non caerán na relaxación.

O DCM tentará aguantar o chaparrón de xogo e ocasións que adoita provocar o Hannover, e confiará en que o rival non teña o seu mellor día, o que unido a un traballo perfecto dos dcmistas, puidera dar lugar a ter opcións de sumar algún punto neste encontro.

Pero ademáis os nósos seguirán coa súa guerra particular, na búsqueda dunha idea de xogo idónea. Nas últimas xornadas o equipo conseguíu definir un sistema que deu froitos, pero co regreso de Emi, amplíase de novo o abano de opcións.
O que é seguro e que Jorge estará baixo paus, desputando un deses encontros que lle gustan, con moitas chegadas do rival que o farán traballar arreo, Vare seguirá na defensa xunto con Xmon (Chape causará baixa por problemas no menisco) e Pablo e Pani semellan intocables da parcela ofensiva polo bo rendemento que están a dar.
Na posición de Quique e de Emi é onde pode existir máis variabilidade, e consecuencia dese posicionamento, tamén pode variar o fundamento de xogo do equipo.
Polo de agora, parece que será Quique o que regrese a posicións defensivas a pesares do seu excelente entendemento ofensivo con Pablo, e Emi recuperará o seu posto no ataque dcmista. Dada a entidade e o nivel do rival, tampouco hai moitas dúbidas en canto ó plantexamento que debe facer o equipo, polo que as alternativas de posicións e idea de xogo quedarán pendentes de analizar para futuros encontros.

¿Conseguirá o DCM (12º) rematar o ano fóra dos postos de descenso? Unha victoria dos nósos o aseguraría, pero incluso co empate ou no peor dos casos coa derrota, tamén podería lograrse e é que Navia e Xestas (13º e 14º) enfróntanse a duros rivais, Mazda e NovoVidal (2º e 5º) respectivamente, o P.Eloy (15º) ten un duelo directo con UrbaOsCabazos (11º) e Gamusinos (16º) aplazou o seu partido.
A décima xornada ten a resposta.

HORARIO E LUGAR: Pavillón de Moledo, Sábado ás 19:00horas DCM VS. HANNOVER
(e antes, outro partido entre rivais directos dos nósos, ás 18:00 UrbaOsCabazos-PEloy)

“Recompensa ó madrugón" DCM 5-2 Wapichi

2011-12-04T21:45:00.002+01:00

Balón de osíxeno vital para os Dcmistas o conseguido esta 9ª xornada de liga, nun encontro no que todos os esforzos víronse recompensados con goles que facilitaron moito un compromiso que se prevía moito máis complexo.

Plantexamento correcto, boa actitude e sobretodo anotar goles en momentos fundamentais do partido deron como froito esta vitoria vital.
O Wapichi non foi quen de superar a poboada e colocada defensa dcmista, namentres que os nósos, grazas a un inspiradísimo Pablo que volveu formar parella letal con Quique, sí souberon rachar o sistema defensivo rival para decantar o partido.

E como diciamos os goles chegaron en momentos vitais. O primeiro, nada máis principiar, recuperación en media pista e gol de Pablo, 1-0.
Síntese moito máis cómodo o DCM por diante no marcador e grazas a iso, asentouse no partido, defendeu moi ben e creou boas ocasións de gol.
Transcorrían así os minutos ata que mediada a primeira metade, desafortunada acción de Jorge, quen tras un saque de banda de Wapichi que lanzou directamente a portería, dubidou se deixar entrar o esférico (non é válido o gol de saque de banda) ou detelo, e coas dúbidas rematou por tocar o balón e éste colouse cara a portería por debaixo das súas pernas. Era o 1-1.
Pero Wapichi seguía algo desenchufado, parecía non atoparse cómodo xogando ataques largos, e o DCM apenas lle permitía contragolpes, onde sí son moi perigosos.
Foi entón cando os nósos atoparon o camiño da portería rival. Ben Quique ou ben Pablo caían a banda esquerda ata pegarse á liña de banda, onde recibían o balón da defensa, entre eles tirábanse unha magnífica parede e plantábanse diante do gardamallas rival.
Así chegaría o 2-1 e o 3-1, pero puideron ser máis. O segundo foi de Quique e o terceiro de Pablo xusto antes do descanso, noutro minuto vital.

O 3-1 era un resultado perigoso para o segundo tempo. Quedaba moito partido e a vantaxe era moi curta. Pero todo saíu a pedir de boca no comezo do segundo tempo.
Nada máis saír, combinación perfecta entre Quique e Pani, e éste último marcaba un fantástico gol que tiraba por terra todo o falado polos rivais no descanso, 4-1.
E por se iso fose pouco, máis de cara poríase o encontro cando Pablo tiraba un desmarque e recibía o pase en longo de Vare, que lle chegaba en bote, permitíndolle conectar unha fermosa bolea que significaba o 5-1 e o seu primeiro hattrick co equipo, noraboa!
Soubo entón o DCM xogar os minutos seguintes, finiquitando de todo o encontro. Sen apenas conceder ocasións, deixaron transcorrer os minutos en campo rival, conseguindo continuos saques de banda e de esquina que levaba ó partido a súa recta final. Con todo decidido, Wapichi tentou maquillar o resultado, momento no que se lucíu Jorge con dúas grandes intervencións, pero o rival o lograba na última xogada de encontro, 5-2.

Vitoria vital para o DCM xusto antes do parón festivo. Recompensa ó madrugón de Chape, Xmon, Vare, Jorge, Pani, Pablo e Quique, gran partido rapaces! Tres puntos e moi boas sensacións ante un rival da zona alta. Agora a descansar coa tranquilidade que trae unha nova vitoria.
Despois visitaremos ó todopoderoso Hannover, co regreso de Emi, para rematar este fantástico ano 2011.

“Difícil pero non imposible” DCM – Wapichi

2011-12-01T21:32:00.002+01:00

O DCM enfróntase na 9ª xornada de liga ó mellor recén ascendido da categoría. Namentres os outros equipos recén chegados (Gamusinos, Xestas, P.Eloy e DCM) pasan por problemas clasificatorios, o Wapichi atópase nunha cómoda sexta posición que lle permite pensar en obxectivos moito máis ambiciosos ca permanencia.

E é que a pesares de que o Wapichi ascendeu o ano pasado como 3º clasificado da 2ªB por detrás de P.Eloy e DCM o certo é que iso debeuse a un baixón de rendemento durante moitas xornadas por motivos máis ben extradeportivos, xa que en realidade e como estase a observar esta tempada era o equipo con mellor plantel da categoría. Ademáis nos dous enfrontamentos directos cos nósos saíron vencedores, 6-2 na ida e 6-5 na volta. Semella por tanto que estamos a falar dun equipo superior ós nósos, pero a situación do DCM, que regresou a postos de descenso a xornada pasada, obriga ó equipo a tentar puntuar en encontros nos que a lóxica daría como normal unha derrota.

Por iso, o equipo debe centrarse en sí mesmo e esquecer quen está enfronte. Os nósos, a pesares dos contratempos que están a pasar e que todos coñecemos, cicáis están a dar un nivel inferior do que poderían alcanzar. E é que este equipo debería saber manexarse como peixe na auga en situacións como a actual. Sempre foi un conxunto que non lle gustou o favoritismo, que sempre soubo mellorar o seu rendemento cando tiña enfronte a un grande, que creceuse coas adversidades...Pero este ano, o equipo non está sabendo manexar a situación. Só no encontro ante o Xestas onde se conseguíu a vitoria víuse a alma deste equipo. No resto de encontros, os nósos saen á pista con algo de medo polo rival pero acaban aceptando un combate corpo a corpo, onde habitualmente saes perdendo se es inferior.
Non queremos esixir demasiado dende aquí ó equipo no seu primeiro ano na categoría, pero recomendámoslle que radicalice o seu xogo, que vaia ás trincheiras se é necesario.

O mellor exemplo o poden encontrar no rival desta semana, o Wapichi, equipo que soubo asumir o seu papel, e como se pode apreciar con claridade na crónica do seu último partido, está alcanzando as vitorias dende a defensa. Péchanse atrás, defenden con todo e a partires de ahí os goles acaban chegando.

Pola contra, o DCM semella ter esquecido o que é pelexar polos encontros e só asume a medias as tácticas. Saben que o importante é defender, pero non se entregan en corpo e alma a iso, polo que están quedando a medio camiño nos paritdos e non rematan de conseguir resultados.

Difícil papeleta por tanto a do DCM para esta xornada, pero ogallá tiren de orgullo para sacar puntos moi importantes, xa que hai enfrontamentos directos entre os equipos de abaixo que poden afundir máis ó equipo na clasificación. Imos rapaces!

MADRUGA CO DCM! DOMINGO ÁS 9:00H NO PAVILLÓN DE MOLEDO

“O DCM merece máis pero regresa ó pozo” Dec.JesúsCao 2-1 DCM

2011-11-28T17:37:00.008+01:00

O Dec.JesúsCao levouse os tres puntos nun igualado encontro no que os locais tiveron a posesión pero as ocasións máis claras foron dos dcmistas, que mereceron alomenos un empate. Esta derrota condena ós nósos ós postos de descenso.

Duro varapau o sufrido polo DCM na oitava xornada de liga. A pesares de saber da superioridade teórica do rival, o equipo tiña esperanzas en obter algún punto neste encontro para non regresar ós postos de descenso. O equipo tentouno dende a paciencia. Prantexoulle un partido incómodo ó Dec.JesúsCao quen dominaba o esférico pero non era quén de crear ocasións de perigo. E co paso dos minutos o DCM ó ver que o encontro era igualado foise soltando e creando boas ocasións de gol.
Aínda así, sería o antigo CTGA o que se adiantaría no marcador mediada a primeira metade, nunha gran xogada colectiva do equipo que remataba Edgar no segundo pau facendo o 1-0.
Tras o gol, chegaría outra boa ocasión para os locais, tras un disparo que petaba nos dous postes da portería de Jorge pero que non chegaba a entrar.
Esa xogada espertou ós Dcmistas. Pablo comezou a deixar boas accións, e desta vez, atopou un gran socio en Pani, quen cun esforzo incrible nesta primeira metade, acompañaba sempre ó seu compañeiro e gozaría de boas ocasións de gol.

A máis clara nun pase dende banda esquerda de Pablo tras unha contra,
na que Pani chegaba con todo pero o seu disparo atopábase co gardamallas local, quen fixo unha actuación sobresaínte.
Tamén disporía o DCM de ocasións a balón parado con remates francos tras saque dende o curruncho, pero esta tempada, a pesares de estar executando ben a estratexia, o balón non acaba de chegar ás redes da portería rival.

Coa sensación de estar metidos de cheo no encontro e de que as ocasións seguirían chegando, marchaban os nósos ó descanso.

Na segunda metade, todavía gozarían de maior número de ocasións os Dcmistas.

E así Quique conseguiría empatar ó recibir na área un pase de Pablo tras saque en curto dende o curruncho con Pani. Era o 1-1, e o partido estaba igualadísimo.

Tería Quique o 1-2 nas súas botas tras un lanzamento de falta, pero por desgraza o seu disparo petaba no longueiro da portería.

Pasaban os minutos e o encontro parecía querer rematar en empate.
Pero nunha acción illada os locais farían o definitivo 2-1. Este gol non se houbese producido tempadas atrás, pero este ano o equipo todavía ten que fixar conceptos. E é que chegou nun saque de banda a favor dos dcmistas. O debuxo táctico nestas situacións é o seguinte: un dos homes defensivos saca de banda, namentres o outro actúa de peche, cunha posición cercana á banda dende a que se saca, cun dobre obxectivo, poder recibir en caso de que non haxa posibilidade de pase cara diante e sobretodo co obxectivo de evitar o ataque rival en caso de perda do balón. Nesta ocasión e a consecuencia da variabilidade de postos e de xogadores á que ten que someterse o equipo polas necesidades, dito debuxo táctico non estaba sobre a pista. O outro home defensivo que ten que facer de peche situábase na banda contraria e non preto da xogada.
O saque de banda caeu en pés dun rival, e cun só pase plantou a un xogador só diante de Jorge, quen a pesares de facer unha boa saída era superado por unha gran acción técnica do rival, quen tocaba coa punteiriña moi rápido e raso para superar a saída de Jorge e mandar o balón ó fondo das redes tras petar no pau.

Era o 2-1. Poría entón o DCM empeño para empatar, pero quedaban apenas 4 minutos e o colexiado Toni os convertíu en 2, tras unha aplicación cuestionable da normativa. (a normativa establece que “non se poderán solicitar tempos mortos cando falten menos de 4 minutos”, pero o colexiado concedeuno a falta de 2 minutos, alegando que fora solicitado cando faltaban máis de 4. Non atopamos a norma específica ó respecto. É dicir, non sabemos se é correcto concedelo se o solicitas cando faltan máis de 4. De todas formas, sería unha norma moi ilóxica, xa que non ten sentido que un partido poida rematar a falta dun minuto porque se conceda un tempo morto. Se alguén sabe algo ó respecto, agradecemos as súas aclaracións).

Aínda así o DCM gozaría dun disparo a porta, e no saque de portería, o cancerbeiro superaría o tempo establecido para sacar, polo que o colexiado sinalaba tiro indirecto dende a frontal da área. Tras un minuto situando a barreira, otorga permiso para o saque da falta, e cando o xogador do DCM toca o esférico para que o seu compañeiro dispare a porta, asubía o final do encontro. Por fortuna a xogada non tiña rematado en gol porque senón houbese liado unha boa o colexiado.
¿Para que estás unha hora pelexando coa barreira, colocando ós xogadores... se non vas a deixar executar o lanzamento? Gañas de montar lío, non ten outra explicación...

Remataba así este igualado encontro entre dous bos equipos.
Difícil papeleta a que ten por diante o DCM para rematar o ano. Wapichi e Hannover. En principio dous rivais superiores ós nósos, pero o equipo necesita os puntos, e por tanto non debe pensar nos rivais senón nas súas propias necesidades.

Despedímonos ata a previa! Un saúdo!

TODAS AS FOTOS DO ENCONTRO:

https://picasaweb.google.com/102545914651497041447/111127DecJesusCaoDCM?authuser=0&authkey=Gv1sRgCKH7puuHit-HXg&feat=directlink#

“A seguir sumando” Dec.JesúsCao – DCM

2011-11-24T16:53:00.003+01:00

A oitava xornada do campionato traénos un bonito encontro entre dous equipos amigos e vellos coñecidos dende a tempada do debú dcmista na VigoEnXogo. Co pitido inicial esqueceranse durante 50 minutos as boas relacións xa que ambos conxuntos necesitan os puntos; o antigo CTGA para seguir escalando posicións e achegarse ós seus éxitos da pasada campaña onde remataron 3º e o DCM debe sumar se non quere rematar a xornada en postos de descenso (xa que o duelo directo entre Navia e UrbaOsCabazosfará que un dos dous saia do pozo se o DCM non puntúa).

Para este encontro o equipo contará coa baixa de Xmon ademáis das xa coñecidas de Emi e Yago, polo que Jorge estará baixo paus, Vare e Chape traballarán en defensa, Pablo e Pani en posicións máis adiantadas e Quique terá que amosar polivalencia unha xornada máis. Os nósos chegan ó encontro coa moral alta tralo último empate in extremis. O equipo conseguíu por fin interiorizar unha idea de xogo para este tramo da tempada e logrou tamén concluír a adaptación de Pablo ó equipo, quen cada vez atópase máis cómodo, máis en forma e asume máis responsabilidades, convertíndose en peza fundamental do sistema de xogo.

O DCM debe xogar tendo en conta a necesidade de puntuar, sen que iso convírtase nunha presión afogante sobre o equipo. Esa necesidade debe traducirse nun plus de intensidade e de concentración dos xogadores; nun aumento do seu rendemento.Ese plus faltou no último encontro ante BarOCruce, onde o equipo en canto se decatou da superioridade técnica do rival, asumíu a derrota como algo normal e deixouse levar no marcador, ata que por cuestións do azar anotou unha serie de goles que o meteron no encontro, e foi entón cando aplicáronse ó 100% para conseguir o empate.
Esa concentración amosada nos dous derradeiros minutos de encontro ante o BarOCruce é a que debe lograr o equipo nos partidos se quere contrarrestar ós rivais. Loitar cada balón coma o último, pensar que cada ataque do rival pode supor a derrota, e que cada ataque noso vai levarnos ó éxito, é a fórmula para lograr vencer este encontro e os venideiros.
Neses dous minutos todos empurraron para conseguir o empate. Todos berraron animando ó compañeiro, colocándoo en defensa, chamando á concentración en cada xogada; esa é a maneira. E é que de non xogar ó 100%, é moi probable que o equipo saia derrotado, xa que enfronte terá a un rival moi experto, moi veterano nesta liga, baseado nunha moi boa colocación táctica en defensa e con homes de calidade e velocidade en ataque, que poden superar a calquera defensa que non esté ó máximo nivel de rendemento.

Así que xa saben, partido importantísimo este domingo ás 18:00h no Pavillón da Mina. Non o perdan!

"Un punto milagroso" DCM 6-6 BarOCruce

2011-11-21T19:45:00.003+01:00

De milagre pode calificarse o punto conseguido na sétima xornada de liga polo Dep.CarlosMiguel, nun encontro no que o rival, BarOCruce, foi superior no campo, amosou que é un moi bo equipo co balón pero pecou de exceso de confianza cando a falta de seis minutos para o remate do encontro vencía por 2-6. Entón, comezaron a chegar os goles dcmistas, quenes empatarían no derradeiro minuto do encontro para ledicia de xogadores e afeccionados.

Nin prognósticos, nin teorías, nin nada de nada. O que ocorreu na noite do pasado domingo 20N (no pavillón do Calvario, xa que en España ocorreron outras cousas), non ten explicación posible.
O DCM chegaba a esta xornada con Jorge,Vare,Xmon,Chape,Pablo,Pani e Quique e coa intención e a necesidade de sumar os 3 puntos ante un rival descoñecido pero que viña dunha xeira negativa de resultados.
Pronto puideron comprobar os nósos, que este descoñecido rival ten un gran potencial e que move o balón e xoga as posesións coma un dos mellores equipos da categoría. Fan rodar o esférico dun lado a outro do campo, ate que atopan a un xogador que fai a función de pivote para tirarlle unha parede perfecta, marchar por banda, facer caer a tódala defensa rival cara ese lado do campo e servir o balón forte e raso á banda contraria onde entra un terceiro xogador sen marcaxe.
Desta maneira gozaría BarOCruce de moitas ocasións durante o partido, pero desperdiciaron un gran número delas.
De feito, varios dos seus goles acabaron chegando dunha maneira moito menos fermosa, en disparos lonxanos que tras petar nun defensa coábanse rebotados na portería dun Jorge que a pesares dos seis goles firmou unha boa actuación.
O DCM comezaría por debaixo no marcador 0-1, pero Quique lograría empatar 1-1 tras unha formidable recuperación e servizo de Pablo.
Os visitantes volverían a marchar no marcador con outros dous goles, 1-2 e 1-3, pero de novo Pablo recuperaba e servía para que Quique recurtara distancias a pouco do descanso.

O DCM chegaba vivo ó tempo de refrixerio. O rival era superior en ataque, pero tiña lagunas defensivas que os nósos estaban a aproveitar. Todo estaba por decidir.

Pero na segunda metade, BarOCruce impuña a súa superioridade e comezaba a facer goles. Algúns de bonita xogada, outros de rebote... a falta de seis minutos o electrónico reflexaba un contundente 2-6. Relaxáronse entón en defensa e o DCM comezou a ter a fortuna de cara.
Vare nun tres para un marcaba o 3-6. Semellaba que este gol non significaba nada, simplemente servía para maquillar o resultado.
Pronto Pani ía anotar o 4-6 (merecido primeiro gol de Pani no campionato, que hoxe tivo unha gran actuación a nivel ofensivo, e mereceu marcar noutra fermosa acción da segunda metade na que rematou de bolea pero que desvaratou o gardamallas rival). Tampouco semellaba significar moito este cuarto gol, xa que tan só restaban 3 minutos para o final.
Pero de novo, o DCM saía á carga, e Pablo anotaba rápidamente o 5-6.
Quedaba minuto e medio para o final e o equipo sen saber moi ben cómo estaba metido no partido.
Sacou de centro un BarOCruce que xa non estaba no pavillón, recuperaban os nósos pero desperdiciaban a posesión. Quedaba menos dun minuto para o final.
Outra perda de balón dun desquiciado rival, Quique e Pablo pelexan na área e de novo Pablo acaba transformando o gol do empate.
Explosión de xúbilo dos xogadores e da bancada. Era o 6-6.
Quedaban 20 segundos para o final e todavía gozaría BarOCruce dunha falta ó borde da área que desbarataba Quique ó pegarlle o balón nas costas.
Arango asubiaba o final do encontro. O milagro acontecera.

Un punto que sabe a gloria despois do visto sobre o campo, e é que o DCM remontou catro goles en pouco máis de catro minutos. Este é o quinto punto do taboleiro dcmista e aínda que o equipo necesita unha victoria pronto, todo o que sexa sumar sempre é positivo; de feito, este punto mantén ó equipo fóra dos postos de descenso, tras unha xornada, na que 5 dos 6 últimos clasificados conseguiron sumar puntos, aprentando moitísimo máis as cousas por abaixo.

Agora chegan tres vellos coñecidos, o DecoracionesJesúsCao (antigo CTGA), despois o equipo recibirá a Wapichi e tras unha xornada de descanso pola ponte festiva de decembro visitaremos a Hannover para rematar o ano. Analizaremos o encontro na previa. Ata entón reciban un cordial saúdo! Tamén para os nosos lectores que nos seguen dende as illas británicas!

"A achandar o camiño" DCM-BarOCruce

2011-11-17T14:21:00.004+01:00

*En castelán: "A allanar el camino"

Tras unha última xornada na que ningún dos nove últimos clasificados conseguíu sumar os 3 puntos, o sétimo compromiso da tempada, convírtese nunha clara opción para aqueles equipos que logren vencer, de poñer a directa e entrar de cheo no camiño da permanencia.

O DCM é un deses equipos que ten diante unha gran oportunidade para coller aire e sumar un número de puntos “aceptables” a estas alturas de tempada para lograr o obxectivo marcado, e é que de vencer, os nósos conseguirían chegar ós 7 puntos en 7 partidos, unha media cercana á que se prevee necesaria para non estar no descenso a final de tempada.

O equipo contará coas baixas de Emi e Yago, namentres que Xmon (que descansará a vindeira xornada) e Quique chegan tocados, e o estado de Chape non está confirmado ó 100%. Polo demáis, Jorge (aínda que con molestias nos dedos nos últimos encontros) estará baixo paus (salvo catástrofe pola súa designación como suplente en mesa electoral), de novo coa intención de lograr reducir a elevada media de goles en contra que está a sufrir o equipo neste inicio de campaña. Vare tentará contribuir a ese obxectivo dende a defensa, acompañado por Xmon, Chape ou Quique segundo as dispoñibilidades. Tamén Pablo e Pani traballarán arreo en defensa, pero ademáis terán a responsabilidade ofensiva do equipo, na que agardemos que tamén poida contribuír Quique.

Enfronte, un BAR O CRUCE que foi subcampión da tempada pasada con 16 victorias 4 empates e 7 derrotas. Un descoñecido para os nósos pero que con esa carta de presentación queda claro que é un rival moi complicado, que gañou nas dúas primeiras xornadas pero que agora chega dunha xeira negativa de resultados, tras empatar na última xornada contra Dec.JesúsCao, perder por non presentación ante o Wapichi e caer derrotado tamén ante Maza por 1-4 e ante Xestas por 0-2.

Así que tres puntos moi importantes para o DCM; se se conseguen, o camiño será máis sinxelo, namentres que unha derrota significaría botar máis pedras a unha senda xa de por sí complicada.
Imos rapaces!!!

HORA E LUGAR: Domingo ás 21:00 horas, no pavillón de lavadores (calvario)

E xusto antes, ás 20:00h, poderán desfrutar do partidazo da xornada que enfronta ós dous líderes da primeira división de vigo en xogo. Hannover-Mazda. Non o perdan!!!

“Un DCM sen enerxía sucumbe ante o colíder” Augasa-Mazda5-2DCM

2011-11-13T12:38:00.006+01:00

A inoperancia ofensiva do DCM durante máis de trinta minutos propicia unha relativamente cómoda vitoria do Mazda na sexta xornada de liga. A esta derrota (asumible nos cálculos dcmistas pola permanencia) hai que unirlle dúas inesperadas e innecesarias amonestacións que dificultarán tamén o trofeo á deportividade de aquí a final de tempada.

Frouxo e espeso partido o visto na tarde do sábado no pavillón da Mina entre un dos candidatos ó ascenso e un dos candidatos á permanencia da categoría.
Ambos equipos deixaron transcorrer os primeiros 15 minutos de partido sen pena nin gloria. Nin houbo ocasións claras nin intentos de ir a polo partido. Pero a falta de escasos minutos para o descanso, nas dúas primeiras chegadas claras do Mazda, o partido decantábase do lado local cun significativo 2-0.
Sen facer grandes esforzos, o Mazda impuña a súa superioridade teórica en dous zarpazos e deixaba moi tocado a un agarrotado DCM.

Os nósos debían reaccionar na segunda metade, seguir mantendo as posicións defensivas que estaban a lograr que o Mazda non se achegase con perigo, pero comezar a saír con máis homes e máis velocidade cara o ataque. Pero incomprensiblemente o equipo mostrouse extasiado. Nin un ápice de enerxía no inicio dos segundos 25 minutos. O regreso de Yago ó equipo non trouxo o revulsivo agardado, e tanto as súas pernas coma as do resto do equipo non respostaban. Non se chegaba ós balóns, non había movementos… só existía unha incrible falta de enerxía.
A isto uníuselle que nunha das primeiras accións da segunda metade, o Mazda atoparía outro regalo dcmista para sacar o seu terceiro zarpazo do encontro e deixalo prácticamente visto para sentenza.
Foi entón cando o DCM sacou algo de orgullo e comezou a soltarse un chisco. Dispuso o equipo de moi boas ocasións de gol e ó final conseguiría recurtar distancias cun gol de Yago. Pouco duraría a ledicia xa que cando o equipo comezaba a espertar, nunha desafortunada xogada, o balón pasaba na área pequena por debaixo das pernas de Pablo que non era quen de despexar e quedaba a placer para que os locais fixesen o cuarto da tarde. Desquitaríase a partir de entón Pablo da súa desafortunada acción sacando o seu mellor fútbol. Comezou a tirar paredes en banda con Quique e foi o único en mostrar algo de enerxía no partido. Foron os mellores minutos dcmistas, pero de novo truncaríanse con dous cartóns amarelos en contragolpes do Mazda. Quique e Pablo os amonestados. Quique faría o 4-2 pero pronto Mazda respostaba co 5-2 definitivo.

Remataba así un extrano encontro no que ó colíder bastoulle con aparecer en momentos puntuais do partido e dedicarse a non sufrir o resto do tempo. O DCM, incapaz físicamente de dar ritmo ó encontro ata os minutos finais, facilitou o trámite ó rival.
O peor, a falta de enerxía dos nósos e sobretodo os dous cartóns amarelos.
O mellor foi que a pesares de ser un dos peores días dos nósos, non foron apabullados por un dos favoritos da categoría.

Toca esquecer xa este encontro e centrarse nos dous vindeiros, ante Bar O Cruce e Dec.JesúsCao, onde o DCM necesita puntuar antes dun difícil decembro con enfrontamentos ante Wapichi e Hannover. Tras estes 4 partidos, chegará un inicio de 2012 ante rivais directos que decidirá as opcións dcmistas para a segunda volta.

As imaxes do encontro ofrecidas pola nosa fotógrafa oficial:

https://picasaweb.google.com/102545914651497041447/111112AugasaDCM?authuser=0&authkey=Gv1sRgCMznnZGhi4fXXw&feat=directlink

“Visita a un dos cocos da categoría” Augasa-Mazda VS. DCM

2011-11-09T20:13:00.001+01:00

Esta sexta xornada da tempada tráenos o debut de Yago na 1ªDivisión, nun encontro no que o DeportesCarlosMiguel visita a un dos candidatos ó título e líder provisional da categoría (xunto co Hannover); o Augasa-Mazda, antigo LaCasita e vello coñecido dos nósos tras coincidir na segunda división.

O despegue clasificatorio dcmista das últimas dúas xornadas, atópase nesta xornada cunha dura pedra no camiño, ó enfrontar ós nósos a un dos dous equipos líderes da categoría, tras gañar 4 encontros e empatar 1, con 23 goles a favor (máis do dobre co DCM) e 13 na contra (2 menos cos dcmistas).
Este rival, xa é coñecido dos nósos, xa que dúas tempadas atrás atopáronse na 2ªdivisiónGrupo B, rematando o DCM na sétima posición da táboa e eles campións da categoría por diante do Hannover. Ambos enfrontamentos desa tempada resolvéronse co resultado de 5-3 en contra dos dcmistas (na ida o DCM plantexou un partido ofensivo, no que comezaría perdendo 3-0, e na segunda volta o equipo optou pola táctica contraria, cedeu o esférico e centrouse na defensa, pero a pesares de comezar gañando 0-2, LaCasita remontaría nos intres finais nun partido tolo). A pasada campaña, o Mazda, rematou 4º clasificado en 1ª división, unha posición máis que meritoria para ser o primeiro ano na categoría, e esta tempada o seu obxectivo é claramente loitar polo título.

Os nósos son conscientes da superioridade do rival, tanto física como técnicamente, polo que as únicas opcións no partido pasan por estar mellor que eles tácticamente falando e contar cun chisco de boa sorte.
Puntuar neste encontro suporía unha incrible inxección de moral para o equipo, polo que de seguro saltarán ó campo a intentalo.
Ademáis, o xa comentado regreso de Yago pode darlles ós nósos ese plus de motivación para afrontar este encontro e pensar en dar a badalada.

Por todo o exposto, semella que o equipo tentará seguir coa liña de xogo dos últimos encontros. A novidade estará na entrada de Yago na convocatoria, que seguramente disporá de moitos minutos como referencia ofensiva do equipo, polo que posiblemente Quique retrasará a súa posición esta xornada á parcela defensiva, xa que ademáis Chape será dúbida (a xornada pasada xa caeu da convocatoria por problemas físicos, e se non está ó 100%, a entrada dun home máis na convocatoria como é Yago, permitiríalle recuperarse e non forzar neste encontro). Vare e Xmon completarán a liña defensiva.
En portería estará Jorge, quen tras conseguir manter a porta a cero na última xornada, terá nesta ocasión un deses encontros no que ten traballo arreo para desfrutar e lucirse no seu cometido.
E xunto a Yago, un Pani que enténdese ás mil marabillas co noso dianteiro e un Pablo que aínda que non xogou ningún encontro oficial xunto a Yago, está nun estado de graza que asegura entendemento con calqueira.

Así que xa saben, como antesala ó gran derbi do fútbol galego do domingo, un bo partido no pavillón da Mina, o sábado, ás 16:00 AugasaMazda – DCM.

“O DCM respira trala primeira vitoria” DCM 1-0 ACDXestas

2011-11-07T18:22:00.003+01:00

Na quinta xornada chegou o primeiro triunfo dcmista na máxima categoría; triunfo que serve para sacar ó equipo dos postos de descenso e dá un respiro clasificatorio ós nósos, o que lles permite continuar coa súa adaptación con máis tranquilidade.

Tralo empate da última xornada e o regreso de Jorge á portería, o DCM recibía ó Xestas nesta 5ª xornada coa moral alta e coa intención de buscar o primeiro triunfo da tempada.
Para iso, o equipo puxo en pista a idea de xogo do último encontro, e de novo obtivéronse resultados.
Jorge na porta, Quique e Vare en defensa e Pani e Pablo en posicións ofensivas formaron o cinco inicial, con Xmon preparado no banco.
Os primeiros minutos de encontro foron cómodos para os nósos. O rival tiña posesión de balón pero non chegaba preto da área local, mentres que o DCM con ataques máis directos, comezaba a ter algunha ocasión de perigo.
Ós dez minutos de encontro chegaría a xogada clave do partido. Pablo recuperaba o esférico en media cancha e saía con velocidade só no man a man co gardamallas. O porteiro rival saía á desesperada e o atacante dcmista tiraba de calidade para regatealo e marcar a porta baleira. Golazo da última incorporación dcmista que amosa o seu bo momento de forma e que cada día atópase máis cómodo no equipo e na pista. Era o seu segundo gol nas dúas últimas xornadas, dous chicharros que valen 4 puntos.
A partires de ahí, o DCM tiña o partido moi de cara, debía xogar igual e ademáis xa non tiña a necesidade de facer gol.
Aguantou ben os dez minutos posteriores ó gol onde seguíu desfrutando de ocasións e o rival seguía sen crear perigo. Pero nos 5 últimos, antes do descanso, o equipo non atopaba a maneira de recuperar balóns e saír cara o campo contrario, e o rival desfrutou dos seus mellores minutos, atopando as súas primeiras oportunidades en disparos lonxanos e metendo homes moi preto do nóso gardamallas, dificultándolle a visión e buscando posibles rexeites. Por fortuna para os nósos, Jorge mostrouse inconmesurable ante eses disparos lonxanos e permitíu chegar ó descanso co 1-0 no marcador.

A segunda metade foi similar á primeira, aínda que desta vez, o Xestas gozaría de maior número de ocasións claras cos dcmistas, e é que por parte dos nósos só contabilizamos perigo en xogadas a balón parado botadas por Quique (saques dende o curruncho e unha cesión ó porteiro rival) e nunha contra na que Vare non chegou a conectar en condicións o disparo tras parede con Pablo.
Pola contra o rival xa non só tivo disparos lonxanos dende a frontal, senón que gozou de algunha opción máis (non demasiadas, debido ó bo facer defensivo de todo o equipo), pero sí gozou de algún disparo cruzado, saques de esquina e rexeites, pero as poucas veces que superaban o sistema defensivo atopábanse cun Jorge moi inspirado no seu regreso que transmitíu moitísima seguridade en todo momento e conseguíu rematar coa súa portería a cero por primeira vez nesta tempada.
Co asubío final de Arango, chegaba a primeira vitoria e sumábanse tres puntos vitais ó casilleiro dcmista.

Este triunfo permite saír dos postos de descenso (con independencia da decisión do comité sobre a non presentación de BarOCruce, que podería rematar a xornada con 0 puntos e permitir subir unha posición máis ós nósos) e afrontar a complicadísima xornada vindeira sen tantos apuros. O equipo contará con Yago para este encontro por primeira vez na tempada, pero enfrontarase a un dos claros candidatos ó título ligueiro (con permiso do Hannover); o Augasa-Mazda.
Difícil papeleta para os nósos, que tentarán dar a badalada e rabuñar puntos por terceira xornada consecutiva.

“Tralo primeiro punto… a pola primeira vitoria” DCM vs. ACD XESTAS

2011-11-02T19:41:00.003+01:00

Regresa a competición esta fin de semana coa desputa da 5ª xornada de liga. Os nósos recibirán nesta ocasión a outro recén ascendido á categoría, o Xestas, campión de 2ªA o ano pasado tras rematar a tempada con tan só unha derrota.

Os DCMistas chegan con gañas ó partido tras conseguir por fin o primeiro punto para o seu casilleiro, e coa boa nova do regreso de Jorge á portería, unha vez que os servizos médicos retiráranlle os puntos de sutura fai xa case dúas semanas.
O rival, o Xestas chega moito máis cómodo na clasificación, sexto na táboa con 7 puntos, obtidos tras empatar con Wapichi e gañar a Dec.JesúsCao e a BarOCruce (próximo rival dcmista) e perdendo contra o Mazda.

Agárdase por tanto un partido moi igualado, de dous equipos procedentes da 2ªdivisión. O DCM necesita os puntos para escapar do descenso e por iso, agárdase de novo ver unha entrega e implicación total dos nósos coma no último encontro ante UrbaOsCabazos.
Coa recuperación de Jorge que volta á portería coa intención de lograr o seu primeiro encontro en 1ª sen encaixar, Quique regresará a postos ofensivos, para completar un ataque Dcmista que está a coller o nivel agardado, cun Pani traballador e comprometido como o que máis e un Pablo que está a atopar o que equipo busca nel.
Na defensa, de novo estarán Chape (que está a respostar con creces e sabendo adaptarse á continuidade de cinco partidos seguidos sen descanso), Xmon que mellora cada encontro e cada adestramento que completa co equipo e xa está á altura dos seus compañeiros e Vare, quen tamén vaise atopando máis cómodo en cada partido coas súas novas parellas de baile en defensa.
E os homes ofensivos de novo terán que duplicar esforzos, ó preverse que o DCM repita a táctica do último partido, na que se lles esixe un traballo defensivo enorme.

Por tanto, tres puntos moi interesantes os que están en xogo neste encontro. Non o perdan!!

HORARIO E LUGAR: Domingo ás 12:00h, Pavillón de ManuelAntonio (Meixoeiro)

“O primeiro punto na máxima categoría” UrbaOsCabazos 1-1 DCM

2011-10-24T17:18:00.007+02:00

Nova data histórica no Deportes Carlos Miguel; o 22-10-2011 conseguíuse o primeiro punto na máxima división do fútbol sala de VigoEnXogo.
Foi tamén o día da estrea da nova equipación que o equipo vestirá ó longo desta tempada.

Chegaba a 4ª xornada de liga, e o equipo consciente de contaba coas importantes baixas de Jorge, Emi e Yago, tiña como obxectivo primordial espantar as pantasmas de lesións dos últimos encontros e desfrutar do partido á marxe do resultado final.
Pero ademáis, e lonxe do que moitos agardaban, o equipo pareceu dar coa tecla indicada para comezar a sumar puntos ó casilleiro. Cando menos se agardaba, cando todo estaba na contra, o equipo xogou o seu mellor encontro da tempada. Foi o día no que superados uns minutos iniciais de nervos, amosaron a mellor versión defensiva do equipo no que vai de liga, e con eses cimentos, comezaron a atopar as xogadas de ataque, que co paso dos minutos foron máis e mellores, chegando a merecer a victoria nos intres finais do partido.

O partido disputábase no pavillón de Lavadores. O equipo saltaba á pista lucindo nova equipación e Quique o facía como gardamallas circunstancial.
Enfronte un UrbaOsCabazos que chegaba cun punto na clasificación e encabezado por un vello coñecido dos nósos, o ex dianteiro de Mun2Guadarrama, que tivo a mala fortuna de mancarse na primeira xogada de encontro, cunha escordadura de nocello.

Os primeiros minutos foron dominados polo rival, namentres o DCM tentaba asentarse na pista e ir acoplando a táctica de xogo preestablecida. O tempo pasaba e Urba a pesares do dominio do esférico e dalgún erro importante provocado polos nervos en defensa, apenas inquedaba a un Quique que cumpríu con creces o seu papel.
Foi entón cando o equipo comezou a crecer. Víuse cómodo na pista por primeira vez en catro partidos. Non sufría en exceso en defensa e comezaba a ter ocasións en ataque. Só ía na súa contra o tremendo desgaste físico que Pablo e Pani comezaban a acumular.
A primeira parte transcorría con moita igualdade e semellaba querer rematar con 0-0 no electrónico. Pero a escasos minutos do final, Urba ía adiantarse no marcador nunha xogada con algo de fortuna, na que Vare erraba nun intento de corte de balón, o dianteiro rival marchaba por banda esquerda e lanzaba a porta coa fortuna de que o esférico colábase por debaixo de Quique, quen laiábase pola acción. 1-0.

No descanso, o equipo recompúxose do golpe axudado cos ánimos dende a bancada de Jorge e Lúa e reafirmouse no seu convencemento de que esta era a mellor maneira de conseguir algo no encontro, e saíu de novo ó campo coa ilusión de remontar o partido.

A concentración en defensa aumentou, e os nósos apenas permitiron achegamentos rivais. Cada vez recuperaban máis balóns e saían con máis criterio cara o ataque. Un incansable Pablo deixaba os seus mellores minutos da tempada como xogador dcmista, axudando en defensa e liderando o ataque do equipo. Pani acompañábao no esforzo deixando unha vez máis mostra do seu traballo. Vare, tamén subíu un peldaño o seu rendemento asumindo máis responsabilidade na saída de balón e tentando exprimir todo o potencial dos dous homes ofensivos do equipo. Chape e Xmon, inconmensurables en defensa nesta segunda metade, tamén firmaron a súa mellor actuación no que vai de ano e collen plena confianza para futuros encontros. Quique, non só asumía a responsabilidade de xogar nunha posición vital do campo, senón que transmitía seguridade, forzas e gañas ós seus compañeiros.
Con todo, o equipo comezaba a crear ocasións moi claras. O empate chegaría tras unha xogada na que o gardamallas rival tardaba máis do permitido en sacar de porta. O tiro libre indirecto foi desaproveitado polos nósos, pero o rexeite caíalle a Pablo quen aproveitaba que o porteiro estaba fóra do marco para anotar o seu segundo gol co equipo e facer o 1-1.
O equipo víñase arriba. Outro tiro libre indirecto, varios córners e sobretodo tres contras moi claras puideron decantar o partido cara o lado dcmista, pero desta vez tocaba conformarse co empate.

Primer puntiño que sabe a gloria para os nósos, que marchaban sen lesións e coa sensación de ter o traballo ben feito. Felicidades rapaces!!

Ogallá éste sexa un punto de inflexión para o equipo e tralo parón cheguen moitos máis puntos.
Para comprobalo haberá que agardar dúas semanas, onde o DCM recibirá ó ACD Xestas

Ata entón, reciban un cordial saúdo!

Moitísimas grazas polas fotos ós nósos fotógrafos particulares. Poden desfrutar de todas elas no seguinte enlace:
https://picasaweb.google.com/102545914651497041447/2011_10_22CABAZOS?authuser=0&authkey=Gv1sRgCO-Q6urMk8jobA&feat=directlink

"Mercury" vestirá ó DCM esta tempada

2011-10-22T09:59:00.007+02:00

Temos en primicia as novas equipacións DCMistas para esta tempada.

Tras unha primeira tempada con Penalty, os catro últimos anos Luanvi foi a marca elixida polo noso patrocinador para vestir ó equipo, e nesta tempada 2011-2012, DeportesCarlosMiguel, aposta por unha marca descoñecida por estes lares pero de gran importancia no resto do territorio; "Mercury", empresa que (transcribimos da súa propia web) vestíu moitas Instituciones que han confiado en Mercury sus proyectos y uniformados para todo tipo de deportes, desde Ciclismo a Federaciones , Clubes de Fútbol, Basket, Universidades, Ejercito de Tierra, Guardia Civil y nuestros representantes en la Universiada en Japón.

O modelo elixido é o "Cosmos" dotado coa última tecnoloxía "VaporDraw" xddd, na vistosa cor rosa.
Unha aposta atrevida, que non deixará indiferente a ninguén. Polas enquisas realizadas anos atrás, parte da afección de seguro que recibe cos brazos abertos esta nova equipación dcmista, e de seguro que chegan tamén duras críticas tanto de dentro como de fóra do clube.

Tamén o nóso gardamallas recibíu unha equipaxe "Mercury", no seu caso o modelo Cruceiro en cor laranxa:

Páxina web de mercury: http://www.mercury.com.es/index.html

“A despedir un desafortunado mes” UrbaOsCabazos – DCM

2011-10-19T19:49:00.000+02:00

O DCM afronta o último partido do mes de outubro (xa que a vindeira semana non haberá competición) coas baixas do seu gardamallas e do referente ofensivo do equipo ante un UrbaOsCabazos (7º clasificado a tempada pasada) que chega cun só punto na clasificación e sendo o equipo máis goleado ata o momento da categoría.

Nesta 4ª xornada de competición, os nósos só pensan en esquecer o último encontro e agardan espantar as desgrazas que semellan perseguir ó equipo neste comezo da tempada.

Desfrutar do partido e rematar sen lesións son os obxectivos desta xornada.
O equipo saldrá a loitar polos puntos, pero dende o clube son conscientes que a baixa de Jorge na portería é moi importante para o equipo, xa que non só supón perder ó gardamallas titular senón tamén ter que reconvertir a algún compañeiro de posición, perdéndoo na súa posición nata.
Por iso, e aínda que os xogadores dcmistas buscarán dar a badalada con tódalas súas forzas, dende algunhas esferas do clube xa agardan a chegada do mes de novembro para tomalo como un reinicio da competición para os nósos, xa que tras este mes de adaptación e tras unha xornada de parón, retomarase a competición coas pilas cargadas e tendo xa esquecidas as desgrazas ocorridas nestas primeiras xornadas.

Para este partido, o adestrador xa comunicou que porá na pista un equipo ultradefensivo, que permita o menor número de lanzamentos a porta posibles por parte do rival e busque o gol en ocasións illadas.
Todavía non trascendeu a decisión de quén ocupará a portería dcmista, así que haberá que agardar ó día de partido para coñecela.

Polo momento, o equipo adestrará mañá co fin de seguir collendo forma física que semella estar a necesitar nos encontros ligueiros.

Así que xa saben, acompañen ós nósos o vindeiro sábado ás 16:00 horas no pavillón de lavadores para tentar despedir o mes de outubro cunha alegría maiúscula.

Reciban un cordial saúdo.

URBA OS CABAZOS VS. DCM
SÁBADO 22, ÁS 16:00 HORAS
PAVILLÓN DO CALVARIO

“Unha fatídica xogada decantou o encontro” DCM 1-4 TalleresCahersa

2011-10-17T16:34:00.004+02:00

Un igualadísimo encontro que apuntaba a empate rematou cunha abultada derrota, unha abultada brecha no mentón do gardamallas dcmista (6 puntos de sutura) e un abultado cabreo entre os nósos xogadores que tiveron que vivir a impotencia de ver como o partido escapáballes froito dunha máis que cuestionable actuación arbitral.

Tan só tres xornadas desputadas pero que semellan reunir todo o infortunio de tres tempadas enteiras. Derrotas pola mínima, no derradeiro segundo de encontro, actuacións arbitrais desafortunadas e sobretodo dúas visitas a urxencias, fan pensar a moitos que o DCM ten as meigas na contra.

Esta semana, o importante duelo ante T.Cahersa principiou de cara para os nósos. A pesares de non ser o equipo de tempadas pasadas, o DCM segue sen ser un rival cómodo para os equipos de primeira. Ningún dos dous equipos merecía moito nos primeiros instantes do partido, no que as imprecisións e a falta de xogo eran as protagonistas, pero nese escenario, os nósos conseguiron adiantarse por medio de Quique. Pero dous minutos durou a ledicia á parroquia dcmista. Dúas xogadas despois, e tras un barullo na área na que un dianteiro rival chocaba con Jorge impedíndolle defender a súa porta, o rexeite era aproveitado polos visitantes para facer o empate. As protestas do nóso gardamallas foron estériles para un colexiado máis pendente de entablar conversacións co público das bancadas que do propio partido.
Pero tralo empate chegarían os minutos máis cómodos da tempada para os nósos. De novo sen moito fútbol pero con empuxe, comezaron a crear ocasións e Cahersa apenas chegaba con perigo a área local. As máis claras chegaron en saques dende o curruncho onde os nósos tiveron ata tres disparos sen oposición para marcar pero non estiveron atinados.

Chegábase así ó descanso do partido, onde o colexiado aproveitou de novo para entablar varias conversacións coa bancada, facéndolles saber que estaba moi canso de arbitrar xa 5 partidos e que pediría moitos menos para a vindeira xornada (ogallá se cumpran os seus desexos).

Na segunda metade o partido igualouse moito máis. Cahersa xa non se limitaba a defender senón que tamén buscaba o ataque. O DCM víuse incapaz de superar a defensa visitante, acusando a baixa de Emi e amosando falta de velocidade, de movementos e de xogo en ataque.
Transcorrían os minutos e ambos equipos comezaban a ver con bos ollos o reparto de puntos.
Pero nese intre chegou a xogada fatídica e polémica do día. Jorge saía do seu marco para despexar un balón solto, pero chocaba co seu compañeiro Xmon e o esférico quedaba solto dentro da área. O nóso gardamallas lanzábase para atrapar a pelota e semellaba ser obxecto de clara falta por parte do xogador visitante. Consecuencia da caída, abríase unha importante brecha no mentón. O silbato do árbitro sonou e os nósos dirixíanse a atender a Jorge confiados de que tiña asubiado falta, pero para asombro de propios e extranos o risueño e falador colexiado sinalaba o punto fatídico. De aquela Jorge xa se dirixía cara os vestiarios ante a gran cantidade de sangue que provocou a brecha. Nin por un segundo, molestouse o parlanchín colexiado en atender ó gardamallas, limitouse a recibir con total ledicia as protestas da bancada e dos xogadores dcmistas e tan só víu necesario decirlle ós nósos que sacasen outra camisola para o que fose o novo gardamallas. Desafortunado ou non na decisión de asubiar penalti, o que non cabe dúbida e que estivo moi desafortunado nas formas e no seu comportamento. Será máis importante atender a un compañeiro ferido que pedir unha nova camisola para reiniciar o partido... Destacar neste punto que os rivais do Talleres Cahersa sí se preocuparon polo nóso porteiro, non só na xogada senón tamén ó rematar o partido, polo que agradecemos que eles sí amosaran un comportamento moito máis digno que o do propio colexiado (que debería ser o que dese exemplo).

En 4 anos que levan os dcmistas na competición, difícil é recordar velos tan desesperados e impotentes ante unha actuación arbitral. Xa non por esta xogada na que pode equivocarse, senón pola actitude habitual deste personaxe cara os nósos.

Quique púxose baixo paus pero non conseguíu deter o penalti, era o 1-2. E aínda que quedaba moito partido por diante, os nósos non souberon esquecer a xogada.
Pecaron de falla de tranquilidade e a rabia levounos a desaparecer do partido, chegando así o 1-3 e o 1-4 do Talleres Cahersa.

Felicitar ó rival pola victoria e polo seu comportamento.
Destacar por último que ó término do encontro, o colexiado só tivo palabras para seguir rindo, facendo monólogos coa bancada (na que ninguén lle reía os chistes) e dicindo que estaba moi canso de arbitrar tantos partidos… nin unha soa palabra para preguntar polo estado do porteiro. Ogallá teña moitos fines de semana de descanso de aquí en diante xa que tanto os pide.

Ata aquí a crónica e as críticas. Toca pasar páxina. Pedimos disculpas por escribir tanto sobre un colexiado, non nos gusta, pero era moita a rabia contida e dalgunha maneira ten que saír.
Con todo isto non queremos quitar ningún mérito á victoria do rival, que a traballou e acabou merecéndoa.
Esquecida a actuación arbitral toca pensar xa na vindeira xornada. Agardamos que os servicios médicos permitan a Jorge regresar ós terreos de xogo para esta xornada antes do parón polo festivo da seguinte fin de semana.

Reciban un cordial saúdo!

AS FOTOS DO PARTIDO:

https://picasaweb.google.com/102545914651497041447/DCMTalleresCahersa?authuser=0&authkey=Gv1sRgCMbj0_bU9LLQuQE&feat=directlink#5664551506267973106

“E na 3ª xornada... chegou a primeira final” DCM-TalleresCahersa

2011-10-13T17:36:00.001+02:00

A competición non fixo máis que comezar, pero os dous primeiros pinchazos dcmistas e que o rival sexa o equipo que marcou a permanencia a tempada pasada na 1ª división, convirten este encontro nunha auténtica final para ambos equipos.

Os dous chegan moi necesitados de puntos para coller osíxeno na clasificación, ambos con 0 puntos, ocupan postos de descenso.

O DCM chega a esta 3ª xornada agardando ter superada xa a “adaptación” á categoría. O equipo todavía non se atopou a sí mesmo nos dous primeiros encontros, pero aínda así deu a talla e loitou polos puntos. A mágoa, é que a mellora e adaptación do equipo vese alterada gravemente pola lesión de longa duración de Emi, o referente ofensivo do conxunto nestas primeiras xornadas.
O equipo deberá por tanto corrixir erros de xornadas anteriores e ademáis adaptarse a esta nova situación. Quique regresará a súa posición de home avanzado do equipo, cubrindo así a baixa de Emi, e deixando os dous postos da zaga en mans de tres homes; deste xeito, Chape e Xmon seguirán vendo incrementado o seu protagonismo no equipo, e observando a súa progresión neste inicio de liga, de seguro que poderán superar este difícil exame.

Unha nova derrota significaría que o equipo tería que facer xestas no futuro, gañando a equipos con obxectivos máis ambiciosos ca os dos dcmistas. Namentres que unha victoria, a primeira na categoría, sería un bálsamo para o equipo, e daría os folgos necesarios para afrontar os seguintes partidos.

O rival, Talleres Cahersa, chega despois de perder 5-1 ante Dec.JesúsCao e 3-1 ante BarCruce. Como diciamos, é o equipo que marcou a permanencia a tempada pasada con 9 victorias, 5 empates e 13 derrotas.

Así que xa saben:

DOMINGO ÁS 17:00 HORAS
PAVILLÓN DO MONTE DA MINA
DCM VS. TALLERES CAHERSA

“Perdeuse un punto e ó referente ofensivo do equipo” PiedraJoya 5-4 DCM

2011-10-09T12:46:00.002+02:00

O DCM estraga nos trinta últimos segundo do encontro todo o traballo feito para conseguir o primeiro punto da tempada. Nun partido sen control, os nósos empataron o partido na penúltima xogada do mesmo, e tralo saque de centro, córner e gol do rival que facíase coa victoria. O peor, as dúas fisuras na man de Emi que non voltará a xogar co equipo ata decembro.

A segunda xornada, deixounos un encontro moi similar ó do debut. O equipo tropeceu na mesma pedra. Voltou a encaixar cinco goles, e así é práctimante imposible obter puntos.
De novo, o rival amosouse moi superior ó DCM nos primeiros compases de partido. Tocaba máis e mellor, metía a todos os seus homes de campo na parcela dcmista, e os nósos non conseguían fixar as marcaxes. O PiedraJoya sempre acababa por atopar un disparo limpo, directo cara a portería dun Jorge que traballou arreo neses minutos de encontro e mantivo ó seu equipo no partido.
O equipo non estaba cómodo en defensa nin en ataque, pero ó igual que ocorrera na primeira xornada, a pesares de non dominar ningunha faceta do xogo, seguía metido de cheo no partido, o 0-0 continuaba no electrónico e o equipo confiaba en que Jorge seguise parando as acometidas rivais e en atopar unha xogada illada para marcar. Pablo tivo unha nas súas botas pero non atopou as redes, algo que sí conseguiría Quique superado o ecuador desta primeira metade, quen tras marchar por banda en xogada persoal conseguía sacar un potente disparo para adiantar ó DCM no marcador 0-1.
Incrible pero certo, PiedraJoya estaba por debaixo no marcador, a pesares de ter ó DCM contra as cordas non conseguía facer gol, e en labores defensivas mostraban algunha laguna que aproveitaron os dcmistas. De feito, os vermellos puideron incluso ampliar as súa vantaxe, nunha ocasión na que Emi recibíu un fantástico balón dentro da área e cando se disponía a tirar, era arrollado polo defensa local, acción na que un desafortunadísimo DeLaCruz decidía lavarse as mans.
Pero o encontro seguíu coa mesma tónica. Os nósos non estaban nada cómodos sobre o campo. Unha e outra vez o rival conseguía crear ocasións, e nun novo disparo lonxano rexeitado por Jorge, conseguirían o gol ó aproveitar o balón morto na área para empurrar sen oposición. Era cuestión de tempo que este gol chegase, pero tan só significaba o 1-1, e os nósos marchaban ó descanso con moitísimas opcións no partido, demasiado premio para o visto sobre o campo.

A segunda metade cambiou. Ó igual que na primeira xornada, o rival esquecíase de seguir dominando o partido e o convertía nun ir e vir sen moito sentido. Poren, PiedraJoya con menos dominio do esférico e do partido, ía conseguir moitos máis goles que na primeira metade, cousas do fútbol. Sería aproveitando contragolpes, todos dende banda dereita do seu ataque e con disparo cruzado ó segundo pau, sen apenas oposición da defensa visitante. Así chegaría o 2-1, ó que Emi respondería con xogada individual e fermoso gol, 2-2. Pero de novo 3-2 e 4-2. O encontro estaba moi costa arriba, pero o DCM non ía a tirar a toalla. Están nesta categoría para pelexar e loitar todos os partidos e iso ían facer. De novo Emi era arrollado por segunda vez na área, e esta vez sí, DeLaCruz pitaba un máis que evidente penalti. A mágoa foi que ante a dureza da entrada, Emi caía contundentemente ó chan fracturándose a muñeca e un dedo da man esquerda. Quique convertía o penalti e devolvía á esperanza á parroquia dcmista. O equipo volcouse ó ataque. O propio Quique estrelaría un balón no longueiro. Entrábamos no último minuto do choque. Emi que a pesares da súa grave lesión, seguía no campo axudando ó equipo, abría cara banda dereita, onde Vare tras recibir sacaba un disparo cruzado que superaba ó gardamallas rival e remataba no fondo das redes. Era o empate, o ansiado 4-4. O equipo o conseguira, o esforzo valera a pena. Apenas quedaban trinta segundos de partido, PiedraJoya sacaba de centro e conseguía un saque dende o curruncho. Era a última xogada do partido, e incomprensiblemente o DCM xa non estaba no campo. Ninguén mandaba na parcela defensiva, non se sabía quen ocupaba cada unha das catro posicións do campo e ninguén soubo colocar ó equipo. En catro tempadas disputadas, poucos saques de esquina creáronlle problemas ós dcmistas, quen teñen as posicións para defender estas xogadas máis que explicadas, pero este ano o equipo esqueceu estes automatismos e estanlle a pasar moita factura. Así un rival só no primeiro pau recibía sen oposición ante o berro tardío de agonía de Jorge. Xmon chegaba á axuda pero o rival xa tiña levantado o esférico para conectar un disparo inverosímil que pasaba por riba de Xmon e superaba a Jorge pola escadra. 5-4.

O DCM deixaba escapar un punto que significaba moito para eles. Puntuar nestas dúas primeiras xornadas houbese significado moita tranquilidade para o equipo, pero non puido ser. E o peor non foi iso senón a lesión de Emi, que xa non regresará a xogar co equipo ata o mes de nadal.
Pero toca pasar páxina e ser optimistas co futuro. É certo que o DCM víuse superado nos dous partidos, pero aínda así remou para chegar con opcións ós instantes finais, e o conseguíu. Puxo en moitísimas dificultades ó 5º e 6º clasificado da primeira división a tempada pasada, o que significa que os nósos poden pelexar todos os partidos. Ademáis, este sempre foi un equipo que se crece ante as adversidades, e xa na tempada pasada, tivo que superar outra baixa de longa duración de Emi. Así que toca poñer o mono de traballo rapaces, recuperar as nosas virtudes e pelexar para conseguir xa na vindeira xornada os primeiros puntos da tempada. Imos DCM!!

"Na búsqueda dos primeiros puntos" PiedraJoya VS. DCM

2011-10-06T16:40:00.003+02:00

Tralo debut na máxima competición, o DCM afrontará este segundo encontro coa intención de rabuñar os primeiros puntos para o seu casilleiro clasificatorio.

Sacudidos xa os nervos do debut, o equipo enfrontarase nesta segunda xornada ó 5º clasificado da tempada pasada, o PiedraJoya, equipo que chega de vencer ó DecoracionesJesúsCao, nun encontro moi táctico e de pouco ritmo. Agardamos por tanto un rival que garda ben as posicións defensivas e que xoga cun único referente ofensivo, que sabe moverse de costas á portería rival e que porá en dificultades á nosa defensa. O DCM deberá por tanto ter paciencia, aplicarse moitísimo en defensa, non dar concesións e agardar que as ocasións cheguen en ataque.

Os nósos xa amosaron que teñen potencial ofensivo suficiente para crear ocasións de gol, pero deben estar máis atinados para resolvelas (cicáis acusaron os nervos no primeiro encontro), e deben corrixir os erros defensivos, xa que difícilmente gañarán encontros encaixando 5 goles (como ocorreu no debut). Pensando nesas correccións o equipo adestrará hoxe xoves, cun Galecoi reforzado, que aumentou o seu nivel de xogo, o que facilitará que os dcmistas poidan aproveitar máis estas xornadas para mellorar e corrixir erros.

O enfrontamento ligueiro terá lugar o sábado ás 16 horas no peculiar pavillón de Manuel Antonio, campo no que os nósos xa viviron de todo… grandes remontadas, minutos de xogo brillante, encontros desastrosos, inicios de partido dende o punto de penalti, cartóns por errar un penalti… agardemos que este sábado, este pavillón poida entrar unha vez máis na historia dcmista como o pavillón no que o equipo consegue os seus primeiros puntos na máxima competición.

Así que xa saben:

SÁBADO 08, ÁS 16:00H
PAVILLÓN DE MANUEL ANTONIO (MEIXOEIRO)

PIEDRAJOYA VS. DCM

"Sen premio o bo debut dcmista na máxima categoría" DCM 4-5 P.Flipper

2011-10-03T20:13:00.004+02:00

O DCM queimou unha nova fase na súa historia ó debutar na Primeira División.
O fixo deixando unha boa imaxe, de equipo que poderá competir cos seus rivais, pero acusando nervos e falta de engranaxe, o que impediron que o equipo sumara o seu primeiro punto na clasificación.

Ás 12:00 horas do domingo 02 de outubro de 2011, baixo a batuta do bo colexiado Eladio, principiou a andadura dos nósos na máxima categoría do fútbol sala vigués.
O encontro supoñía tamén o debut de Pablo Santos coa elástica dcmista en partido oficial.
O rival, o Pescadería Flipper, antigo Milucho (que rematou 6º na categoría a tempada pasada), impoñía moito respeto. Xogadores con boa planta, xuventude e experiencia na categoría.

Dende o pitido inicial, Flipper tentou traducir sobre o campo esa superioridade teórica, e o conseguíu. Os seus primeiros minutos foron moi bos, de posesións longas, pases rápidos e sen concesións ós dcmistas. Aínda así non foron minutos de demasiado sufrimento para o noso gardamallas, xa que o rival non conseguía superar a tupida defensa dcmista. Pero ante esta imposibilidade de chegar con claridade ata a nósa área, os visitantes, optaron moi intelixentemente polos disparos lonxanos. A falta de colocación dcmista nos primeiros minutos, provocou que eses disparos foran moi cómodos para os rivais, sen oposición dos nósos xogadores, que chegaban sempre tarde a tapar eses lanzamentos. Así chegaría o primeiro gol; disparo dende a frontal sen que ningún dos vermellos chegue a tapar o lanzamento, e erro de Vare no intento desesperado de despexe que desvía o suficiente o esférico moi preto da liña de gol impedindo que Jorge poida facer nada. 0-1.
A tónica continuaría de xeito similar. O Flipper amosaba a súa superioridade, pero non xogaba ó 100%, algo que aproveitaría o DCM para ir collendo confianza e comezar a chegar ó marco rival. Nunha desas aproximacións, a recente incorporación dcmista, Pablo, faría o seu primeiro gol, tras unha gran xogada de Chape que lle servíu un perfecto balón ó segundo pau. 1-1.
O DCM estaba no partido. Pouco a pouco foi sacudíndose a presión, e comezaba a igualar o choque. A mágoa foi que nun córner a favor, no que Pablo a piques estivo de conectar un disparo moi perigoso, o rival montou unha rápida contra que remataba no 1-2. Duro golpe cando o equipo comezaba a ter opcións.
Pero incomprensiblemente, o rival esqueceu o que estaba a facer ata o momento, dominar o esférico e o partido. Botouse atrás, deixouse dominar polo DCM, e únicamente limitábase a defender con continuas faltas tácticas. Deste xeito, chegaría a 6ª falta e o consecuente dobre penalti, que Quique convertía no 2-2, resarcíndose dunha ocasión errada anteriormente nun dous para un contra o gardamallas rival.
Con este empate no electrónico chegábase ó descanso.

O DCM estaba metido no partido. Cometera moitos erros de colocación, pero a súa boa actitude e o cambio de xogo do rival permitíalle ter opcións de puntuar.

Pero o equipo volveu errar en defensa. Fáltalle moito por facer ós dcmistas para recuperar o nivel defensivo das últimas tempadas. Transcorreran apenas tres minutos do segundo tempo e Flipper xa mandaba de novo no marcador 2-3.
Pero de novo, o rival comezaba a cometer faltas un tanto innecesarias. Nunha delas, Quique sacaba con celeridade para Pani quen errou o seu man a man co gardamallas. Tería máis ocasións o equipo, pero o que chegaría sería o 2-4.
O DCM meteríase unha vez máis no encontro cunha xogada individual de Emi por banda esquerda, quen marchaba cun chisco de fortuna do seu marcador e batía por baixo ó porteiro visitante. 3-4.
Lanzouse o equipo a polo empate e tivo un bo feixe de ocasións para logralo, pero esqueceu as posicións defensivas, e nunha contra, Flipper sentenciaba o partido facendo o 3-5.
De novo Emi recurtaría distancias tras un gran contragolpe, con roubo de Vare, apertura para Quique e pase da morte deste para Emi que facía doblete.
Era o 4-5 pero non había tempo para máis.

Bo debut dcmista, que amosou que pode competir na división, pero que ten que arranxar certas lagunas defensivas con urxencia. A colocación do equipo sobre o campo será clave tamén esta tempada.

O vindeiro rival, o Piedra Joya, 5º clasificado a tempada pasada, chega tras vencer ós actuais subcampións de liga, o Inaute. De novo será un equipo teóricamente superior ós nósos en canto a físico e experiencia refírese, pero se o DCM recupera as súas armas de tempadas pasadas, de seguro que pelexará o encontro.

Grazas pola súa lectura. Reciban un cordial saúdo.

A tempada máis esixente da historia Dcmista xa está aquí!

2011-09-29T19:19:00.002+02:00

Principia o soño Dcmista de competir na máxima división do fútbol afeccionado vigués. Este domingo, 02 de outubro de 2011 ás 12:00 horas no pavillón do Calvario, DCM-PescaderíaFlipper.

Os nósos son conscientes de que o salto de categoría supón un incremento exponencial do nivel futbolístico dos rivais, pero ademáis, o equipo non foi quén de adaptarse todavía ós cambios sufridos no seo do clube.
Aínda que en realidade o único troco visible foi a marcha de Pali e a fichaxe de Pablo, outra serie de circunstancias fixeron que o equipo chegue pouco maduro a este inicio de campionato.

A situación é a seguinte:

Na portería é onde todo semella estar ben engranado. Jorge continuará un ano máis baixo os paus, e tras superar pouco a pouco o ano pasado a situación de saber compaxinar unha longa semana laboral coa concentración necesaria para os encontros, agarda este ano rendir a un altísimo nivel. Os novos rivais esixiranlle moito, e o equipo necesítao.

Na defensa, Chape e Xmon, prácticamente inéditos en tempadas pasadas, están chamados a ter un papel máis protagonista este ano, e aínda que cada adestramento que pasa amosan un mellor nivel, todavía necesitan algo máis de tempo para retomar ó 100% a dinámica e a filosofía do equipo.
Do mesmo xeito, Quique terá que rematar de afacerse a unha nova posición no campo, que aínda que xa a coñece da tempada pasada e onde rendíu a un nivel alto, non é o seu rol nato. Ademáis nunca compartira a parcela defensiva con Chape e Xmon, polo que terá que botarse a rodar o balón para que collan compenetración.
Vare, será o máis veterano desta semirenovada defensa, e a pesares de xa ter xogado con todos os seus compañeiros en tempadas pasadas, tamén hai certas novidades para él, xa que afeito durante catro anos a unha defensa case fixa formada por Pali e máis él, agora verase inmerso nun sistema de rotacións continuas no campo, tanto del, coma dos seus compañeiros defensivos, tendo que aplicarse moito nesta nova situación.

Na parcela ofensiva, Pani e Emi tentarán manter o alto nivel goleado do equipo na tempada pasada. Eles tamén vense inmersos en trocos.
Emi, pasará a ser o referente máis adiantado do equipo, cando habitualmente facía máis de enganche.
E Pani tamén terá os seus minutos nesta posición, habituado a ter por diante a referencia de dianteiros máis fixos como eran Yago e Quique.
E coma gran novidade Dcmista para esta tempada, aparece Pablo, xogador que ven a cubrir a ausencia de Yago, e que deberá afacerse a todo, á liga, ós compañeiros, ó sistema defensivo e ofensivo… por fortuna, conta con nivel e calidade máis que de sobra para rendir dende o primeiro encontro.
E todo o equipo tamén debe afacerse a Pablo, xogador de características moi distintas ó que había ata o de agora. Moi rápido e habilidoso, cualidades que agardemos que pouco a pouco os seus compañeiros saiban explotar.
O equipo contará moi exporádicamente coa participación de Yago, que agardemos que sume goles moi valiosos a final de ano.

A situación e moi difícil. Recén ascendidos á categoría e con moitos cambios estructurais, o DCM será de inicio unha das cenicientas da división. Agardemos que os nósos saiban asumir o seu papel, e dende ahí vaian sumando puntos que os fagan crecer e coller o ritmo necesario para voltar a ser un dos equipos máis competitivos da VigoEnXogo.

Pouco que dicir do rival desta xornada, non é o que debe preocupar agora ós nósos. O primeiro é atoparse a eles mesmos con independencia do rival. Todos serán moito máis difíciles que os rivais tidos ata o momento, e todos partirán como favoritos. O sexto clasificado da tempada pasada será un rival dificilísimo, pero o equipo tentará con todas as súas forzas comezar a rabuñar puntos, que serán fundamentais para o seu obxectivo.

A desfrutar do premio de xogar na 1ª división!! Imos DCM!!

DATA E HORA: Domingo 02/10/2011 ás 12:00
LUGAR: Pavillón do Calvario
RIVAL: Pescadería Flipper (5º ou 6º clasificado a tempada pasada na 1ª división)

Calendario e Rivais do DCM. Tempada 2011-2012

2011-09-27T20:20:00.009+02:00

Xa coñecemos o calendario e os novos rivais do DCM

A andaina dcmista na 1ª división da VigoEnXogo principiará esta fin de semana. Será unha data histórica para este clube, que alcanzará así un sono perseguido dende hai xa cinco anos.

Para poder desfrutar un ano máis e que o sono non se convirta en pesadelo, o DCM deberá plantexar cara ós seguintes rivais:

HANNOVER: Actual campión da 1ª División, na súa primeira tempada. Na anterior compartíu grupo de 2ª cos nósos. Un equipazo que fai un fútbol moi ofensivo e vistoso. Só perdeu dous encontros a tempada pasada.

BAR O CRUCE: Subcampión da tempada pasada con 16 victorias 4 empates e 7 derrotas. Un descoñecido para os nósos.

DECORACIONES JESÚS CAO: Se as nosas informacións non erran, falamos do antigo CTGA Inaute Electricidade, 3º clasificado na última tempada e un equipo coñecido e moi estimado polos nósos. Compartiron grupo unha tempada en 3ªC e tamén coincidiron en varios amigábeis e copas loiolas.

AUDASA-MAZDA: 4º clasificado con 14 victorias, 3 empates e 10 derrotas. As nosas pescudas indican que é o antigo LaCasita, outro equipo que xa compartíu división co DCM e que tamén conta nas súas filas con algún antigo alumno do Colexio Apóstol.

URBA OS CABAZOS: 7º clasificado con 12 victorias, 4 empates e 11 derrotas. Equipo con experiencia na VigoEnXogo que nunca coincidíu cos nósos.

NOVO VIDAL: 8º clasificado con 12 victorias, 5 empates e 10 derrotas (sancionado con 6 puntos menos).

MATAMÁ VELARTE: 9º clasificado con 34 puntos. Equipo de xente moi nova pero que leva moitos anos xogando xuntos e que comparte a filosofía dcmista. Reforzouse este ano e ten por obxectivo estar entre os tres mellores da liga.

NAVIA FS: 10º clasificado con 33 puntos. Conseguíu ser 3º na máxima competición na tempada 2008-2009.

TALLERES CAHERSA: Equipo que marcou a permanencia na categoría con 32 puntos, 9 victorias, 5 empates e 13 derrotas.

XESTAS: Campión de 2ªA con tan só un encontro perdido en toda a tempada.

GAMUSINOS: Outro recén ascendido; Subcampión de 2ªA.

PARQUETS ELOY: 1º clasificado de 2ªB. Equipo moi coñecido polos nósos.

WAPICHI: 3º clasificado de 2ªB. Ocupou posicións de ascenso directo durante a primeira parte da tempada, afundíndose a mediados de ano. Finalmente ascendo ó ocupar a praza do equipo expulsado o ano pasado na 1ª división.

PIEDRA JOYA

PESCADERÍA FLIPPER

Destes dous últimos equipos, que casualmente son os dous primeiros rivais dcmistas, non temos información sobre a súa identidade, pero por descarte deberían ser os antigos Píntega e Milucho, 5º e 6º clasificado da primeira división a tempada pasada, polo tanto equipos da zona noble da táboa clasificatoria.

O DCM completaría os participantes na 1ª división, tempada 2011-2012. Nesta ocasión serán 16 os equipos da categoría, non existindo a habitual xornada de descanso para cada equipo.
A tempada finalizará o 10 de xuño de 2012.

Engadir que o equipo xa ten no seu poder as fichas e os balóns oficiais da tempada, e que non poderá haber contactos co patrocinador ata a vindeira semana, por atoparse éste fora de Vigo.

Mañán coñeceremos os horarios da primeira xornada.

O DCM pecha a súa inscripción na temporada 2011/12 de VeX

2011-09-13T23:54:00.004+02:00

O Deportes Carlos Miguel pechou hoxe a súa inscripción para participar a vindeira temporada en Vigo En Xogo. Esta mañá parte da cúpula do club reuiniuse na OP de Caixanova para facer os ingresos pertinenentes na conta da Agrupación Deportiva Vigo, entre o que cabe destacar o ingreso de 1 € por o depósito de sancións.

Tamen podemos sinalar que o club decidiu facerlle ficha a 9 xogadores, ó igual que nos anos precedentes, que son os seguintes

- Jorge
- Vare
- Chap
- Xmon
- Emi
- Pani
- Quique
- Yago
- Pablo Santos (xa inscrito pero ficha pendente de tramitación).

Con estes trámites o club prepárase xa, para debutar o día 1 ou 2 de Outubro en primiera división, todo un intre histórico para a historia deste modesto club.

Botou a rodar o DCM 2011-2012

2011-08-22T18:49:00.007+02:00

Tras dous meses de inactividade deportiva, o DCM regresou ós terreos de xogo cun primeiro adestramento e coa presentación da nova fichaxe.

O xoves o equipo enfrontouse no pavillón de Valadares ó Galecoi, encontro que servíu como primeira toma de contacto da nova fichaxe, Pablo Santos, co resto do plantel. Ademáis, cada xogador individualmente puido palpar in situ o seu estado físico particular. En ambos temas as sensacións foron boas. E é que Pablo S. deixou un aperitivo das súas facultades; velocidade, desmarque e longo percorrido (sen dúbida será un dos xogadores que máis kilómetros deba facer por partido) e pola outra banda, o resto do plantel respostou bastante ben físicamente a este primeiro encontro, non referíndonos ó ritmo (que todavía é baixo) senón a que todos puideron xogar sen importantes molestias físicas pasadas.

O equipo mostrouse moi resolutivo en ataque e amosou capacidade para realizar un xogo de alta velocidade, moi apropiado para contragolpear, pero pola contra amosou certas lagunas en defensa (precipitación nos intentos de roubar o esférico en detrimento de aguantar e recular), en colocación (numerosas perdas de posición) e abuso dos ataques directos (que aínda que sexan prioritarios deben combinarse con algún de longa posesión).

A directiva traballa xa en pechar un novo amistoso, que a falta de confirmación oficial, prevese para o mércores ás 21:00h.

Por outra banda, informar tamén que o clube comunicou xa que o plantel está pechado con estes 9 xogadores, alomenos ata o mercado de inverno.

Nas próximas datas agárdase que a directiva aborde o tema do patrocinio e dos adestramentos durante a tempada.

PD: Publícanse a continuación unhas instantáneas da entrega de trofeos da campaña pasada, cortesía da Agrupación Deportiva e que podedes atopar na súa páxina web.

Pechada a contratación de Pablo Santos

2011-08-15T11:35:00.011+02:00

A directiva Dcmista anunciou a fichaxe de Pablo Santos, quen se desvincula do Rápido de Bouzas "B" para afrontar o reto de manter ó DCM na elite do fútbol afeccionado vigués.

Trala marcha de Pali e a do pichichi do equipo Yago (que desputará como máximo un encontro cada mes), o clube necesitaba a todas luces un reforzo de nivel para poder competir cos mellores clubes da VigoEnXogo.

O novo presidente tirou de billeteira e contactos e conseguíu traer ó plantel dcmista un xogador cunha carta de presentación que non deixa dúbidas de que terá nivel máis que suficiente para estar á altura da categoría; e é que "Santos" é un xogador que procede dun clube contrastado como é o Rápido de Bouzas "B" e chega de xogar na 1ª autonómica, unha división que esixe un nivel futbolístico superior ó nivel do fútbol afeccionado vigués.

As gañas do xogador de unirse a este proxecto foron as que fixeron posible esta fichaxe, e é que tras coñecer o interese dcmista na súa contratación, o xogador solicitou a carta de liberdade ó seu ex-equipo, quen lle pedíu que permanecese no plantel boucense ó estar moi satisfeitos co seu rendemento, pero Santos xa tiña a decisión tomada e forzou a súa salida cara a máxima categoría de Vigo en Xogo.
Esta predisposición do xogador de recalar nas filas do DCM aseguran tamén o seu compromiso co proxecto.

Por se isto fose pouco, ademáis de calidade e compromiso asegurados, Santos asegura un nivel de forma envexábel, e é que vén de iniciar a pretempada co rápido de bouzas, desputando o primeiro partido amigábel como titular http://www.rapidodebouzas.com/primera-regional/mate-y-gustavo-%c2%a1me-gusta-este-b-de-aqui-sacamos-chavales-seguro/, encontro que deixou as seguintes declaracións, que ratifican a calidade do xogador, procedentes dun home de fútbol como é Maté "de aquí sacamos chavales seguro".
Ademáis, a súa adaptación ó fútbol sala, de seguro que será rápida, xa que o xogador xa desputou torneos como a nosa benquerida Copa Loiola e xogaba tamén en equipos universitarios, e tan só ten por diante o reto de adaptarse á dinámica dcmista

Polo tanto fichaxe estrela deste novo DCM, que chega para transmitir ilusión e reforzar a un plantel que ten un duro obxectivo por diante, a permanencia na elite do futbol sala afeccionado vigués.

Historia - Palmarés

2011-08-15T00:54:00.001+02:00

Palmarés:
- Temporada 2006/07 (3ª División):

Campión da Deportividad de 3ª Grupo "C"
Campión de Campións da Deportividade de Fútbol Sala

- Temporada 2007/08 (3ª División): Sen títulos

- Temporada 2008/09 (3ª División):

Campión de 3ª Grupo "C"
Equipo Menos Goleado de 3ª Grupo "C" (honra compartida co Acerón)

- Temporada 2009/10 (2ª División):

Campión da deportividade de 2ª Grupo "B"
Campión de Campións da Deportividade de Fútbol Sala

- Temporada 2010/11 (2ª División):

Subcampión de 2ª Grupo "B"
Equipo Máis Goleador de 2ª Grupo "B"
Campión da Deportividade de 2ª Grupo "B"
Campión de Campións da Deportividade de Fútbol Sala

Historia

O Deportes Carlos Miguel fundouse no verán de 2005, froito da fusión do CUVJ (herdeiro do Frenagol) e o Paghatinaikos, ambos equipos que xogaban na Liga Loiola que se disputaba no Colexio Apóstol Santiago.

En Setembro o club acadaba unha das poucas e codiciadas prazas que había libres na competición recreativa non federada máis imporante da cidade, é dicir, Vigo en Xogo. O Deportes Carlos Miguel (en adiante DCM) militaría na súa primeira campaña na terceira división grupo "C".

Primeira Temporada (2006/2007): O plantel inicial dese ano estaba composto por: Jorge (gardamallas anteriormente do CUVJ), Pali (Xogador que estivo no Frenagol e no Paghatinaikos), Vare (Xogador do CUVJ), Xmon (Xogador do CUVJ), Chap (Xogador do CUVJ), Pani (Xogador do CUVJ), Emi (Xogador do Paghatinaikos), Quique (Xogador do Paghatinaikos) e Kokinho (Xogador do CUVJ).

Esta primeira temporada na competición foi mellor do agardado para os nosos, xa que fixeron unha primeira volta moi meritoria baixando moito o nivel na segunda, pero na que non tivo apretos por salvar a categoría debido ás rendas obtidas nos primeiros partidos da competición regular. Ademais ese ano o club acadaría os seus dous primeiros títulos, que eran o de campión da deportividade do seu grupo e o de campión de campións da deportividade de fútbol sala.

Segunda Temporada (2007/2008): No verán previo a esta temporada produciuse a primeira e única baixa até o momento do equipo. Kokinho deixaría o plantel para fundar un novo proxecto que se chamaría Balance F.S. O DCM decidiu entón mover ficha e facerse cos servizos dun vello coñecido que retornaba a Cidade Olívica tralo seu paso por Barcelona. Ese xogador non era outro que Yago, que xa tiña xogado no Frenagol. Polo tanto o plantel, outra vez composto por 9 xogadores, sería o seguinte: Jorge, Pali, Vare, Chap, Xmon, Emi, Pani, Quique e Yago.

Nesta temporada o equipo aumentou o seu rendemento respecto a temporada anterior, manténdose no primeiro tramo da temporada entre os equipos punteiros do grupo, e situándose en moitas xornadas en postos de ascenso. Porén unha segunda volta moi irregular fixo que os nosos quedaran na sexta posición, sen opcións a optar ó ascenso.

Terceira Temporada (2008/2009): Neste ano o equipo concienciouse de que o ascenso tiña que ser o obxectivo polo cal loitar tras dous anos de adaptación a categoría. O Plantel era o mesmo que o do ano anterior, e dicir, Jorge, Pali, Vare, Chap, Xmon, Emi, Pani, Quique e Yago.

Nesta temporada o DCM comezou moi forte o campionato, pero non sería até o final da primeira volta cando se enfrontou contra o Bar Kubi (de aquela, Grupo Donno) cando acadaría o liderado. Esta foi unha temporada pragada de dificultades, xa que no mencionado partido o equipo tan só contaba con 5 compoñentes en bo estado, e así aconteceu en máis partidos. Ademais o partido viña de ser aprazado por un temporal que houbo unha semana antes e que fixo que non se puidera disputar o partido nin na Mina, nin no pavillón do frontón. Ademais esta temporada tamén será recordada por ser na que o DCM viuse obrigado a repetir un tramo de partido, foi contra o Vanesma na primeira volta. O Vanesma marcou un penalti pero o árbitro do partido decidiu anulalo e darlle o balón ó gardamallas do DCM xa que os rivais se tiñan adiantado no lanzamento para optar ó rexeite. Porén o Comité decidiu anular esa acción xa que o regramento indica que teñen que volver a repetir o penalti. Finalmente marcaron o penalti na repetición do partido, e o resultado final foi de 2-2.

Finalmente, e unha vez que alcanzou o equipo o liderado xa non o soltaría en toda a segunda volta, acadando o ascenso e o campionato de liga a dúas xornadas para o final, cando lle gañou ó Lounge Bar, por un avultado resultado. Ademáis de facerse co título de campión da 3ªC, tamén conseguiu proclamarse como o equipo menos goleado da categoría, conxuntamente co Acerón.

A vitoria no campionato ligueiro permitiulle ó DCM clasificarse para o torneo de campión de campións, onde caería derrotado na primeira rolda fronte ó Parquets Eloy.

Cuarta Temporada (2009/10): Este sería o ano do debut en segunda división (o equipo quedaría encadrado no grupo "B"), tras tres temporadas competindo en terceira división, o rendemento do equipo nesta nova categoría era toda unha incógnita. Para este proxecto o DCM decidiu manter o plantel dos dous anos anteriores, é dicir, Jorge, Pali, Vare, Chap, Xmon, Pani, Emi, Quique e Yago.

O Equipo comezou a ligar perdendo o seu primeiro partido, porén pronto remontaría posicións e faría unha meritoria campaña para ser a súa primeira temporada na segunda división. Na primeira volta mantívose entre os mellores da categoría roldando sempre a quinta praza. Porén na segunda volta baixouse un pouquiño o listón e o equipo tivo que conformarse coa sétima praza, é dicir metade da táboa, unha posición máis que digna para ser a primeira temporada na categoría.

Ademais volveu gañar o trofeo á deportividade, esta vez de 2ª división grupo "B", e o trofeo de campión de campións da deportividade de fútbol sala, o segundo que viaxaría cara as vitrinas DCM'istas.

A Clasificación definitiva deste ano a poden consultar premendo AQUÍ

Quinta Temporada (2010/11): Neste segundo ano na categoría de prata, o equipo estaría formado polos mesmos xogadores que nas 3 campañas anteriores, é dicir: Jorge, Pali, Vare, Xmon, Chap, Emi, Pani, Quique e Yago.

Na primeira volta de esta temporada o rendemento do equipo non foi de todo regular sobretodo no primeiro tramo da temporada onde o equipo non era quen de superar a zona media da táboa. Ó Final desta primeira volta conseguiuse arranxar un pouco os números obtendo 10 victorias e 4 derrotas nas xornadas deste primeiro tramo do campionato. O club finalizaba o torneo de inverno como cuarto clasificado a tan so un punto do ascenso e a 4 do Parquets Eloy que xa lideraba a competición nese tramo da temporada.

A segunda volta foi a mellor volta da historia do DCM, o equipo obtivo 11 victorias por tan so 1 derrota (xogáronse menos partidos que na segunda volta, por mor das expulsións), o que serviulle ó equipo DCM'ista para lograr a segunda posición do campionato, quedando a tan so 1 punto do campión ligueiro (o Parquets Eloy) e superando en 14 puntos o Wapichi United, 3º clasificado ó final de liga.

Esta gran temporada que finalizou con 21 victorias e 4 derrotas, redondeuse coa obtención por primeira vez na historia do club, do trofeo de máximos goleadores (144 goles a favor), do subcampionato do trofeo zamora (62 goles na contra), e coa obtención por segundo ano consecutivo e terceiro na súa historia do título de campións da deportividade do grupo, e o título de campión de campións (é dicir de tódolos equipos de fútbol sala de Vigo en Xogo) da deportividade.

Para consultar a clasificación e as diversas xornadas desta temporada preman AQUÍ

8 Xogadores Confirman a súa Continuidade un Ano Máis.

2011-08-05T13:23:00.006+02:00

Onte era o día indicado para saber a dispoñibilidade dos xogadores do DCM a seguir un ano máis como membros deste club. Trala marcha de Pali, era necesario deixar ben en claro quen seguiría no equipo para abordar a posibilidade de realizar algunhas fichaxes. Ademais na reunión tratáronse diversos temas encamiñados a mellorar algúns aspectos de cara a vindeira temporada.

Finalmente, o club confirmou que 8 xogadores continuarán na disciplina DCM'ista. Estes son Jorge, Vare, Pani, Emi e Quique, estes en principio con total dispoñibilidade salvo que xurdan cousas durante a temporada, Xmon, tamén cunha alta disponibilidade (maior en principio que a do ano pasado) xa que vense a vivir a cidade olívica, Chapela (que asistirá ós partidos ós que as súas costas lle permitan) e Yago quen acudirá a unha media de un partido por mes, debido ó seu traslado a Catalunya por mor dos seus estudos.

Con esta situación era a hora de abordar a posibilidade de facer unha ou dúas fichaxes. Finalmente optouse por, en principio, tan solo facer fronte a unha, necesaria para cubrir a baixa de Pali. Para cubrir as ausencias de Yago o club cre que en principio será suficiente cunha maior presenza de Chap e Xmon nos partidos, que parece que este ano será máis posible que durante o ano anterior. Porén o club xa ten estudiada a posibilidade de que unha fichaxe non sexa suficiente e polo tanto ten xa posibles candidatos para facer unha segunda fichaxe ben no mercado de verano ou ben no de inverno.

En canto a nova cara do DCM, o club nas mans do seu novo presidente, o señor Quique, está a facer as oportunas xestións para poder pechala canto antes e que poida acoplarse as ideas de xogo do equipo e ós seus compañeiros.

Pali Abandona a Disciplina DCM'ista

2011-08-02T20:51:00.002+02:00

Como se tiña previsto esta semana vai ser clave á hora de abordar a continuidade do plantel dos xogadores do DCM.

Pois ben, as primeiras noticias traen consigo a baixa dun dos fundadores do equipo, Pali, non xogará a vindeira temporada no Deportes Carlos Miguel. Dende o club lle agradecemos o seu compromiso nestas 5 temporadas, onde pasou por ser un dos 4 baluartes defensivos do DCM, que levaron ó club a ser o equipo menos goleado fai dúas temporadas en 3ª división "C". Tras si, deixa o seguinte palmarés:

- Temporada 2006/07, 2009/10 e 2010/11 : 3 campionatos da deportividade tanto global de fútbol sala como a respectiva de cada grupo.

- Temporada 2008/09: 1 Campionato de liga (3ªC)

- Temporada 2008/09: Equipo menos goleado (3ªC)

- Temporada 2010/11: Equipo máximo goleador (2ªB)

- Temporada 2010/11: Subcampionato de liga (2ªB)

- 2 ascensos (de 3ªC a 2ªB e de 2ªB a 1ª)

Dende o club lle desexamos a mellor das sortes nas súas novas andainas deportivas.

PALMARÉS 2010-2011

2011-06-21T19:46:00.000+02:00

CLASIFICACIÓN FINAL "VAI-Á-PORRA 2010-2011"

2011-06-11T11:30:00.003+02:00

A última xornada tan só deixounos o troco clasificatorio polo bronce; Quique arriscou de máis en algúns momentos da competición (tendo a honra de ser o que máis puntos sumou nunha soa xornada) pero dese risco aproveitouse DCM#5 para arrebatarlle o seu sitio no podio nesta última xornada.

Migui é xusto vencedor desta edición de Vai-Á-Porra. Noraboa!!

Orly tamén pelexou sempre cos de arriba e firmou un fantástico segundo posto, felicidades!!

Karr e DCM#10 loitaron durante moitas xornadas pero non estiveron suficientemente atinados para rematar máis arriba. A intentalo para o ano!

E ó resto moitas grazas por participar.

Agardámosvos a tempada que vén!

"O P.Eloy campión e menos goleado; O DCM máximo goleador e campión da deportividade" DCM 8-0 NK

2011-06-06T19:19:00.005+02:00

A regularidade do P.Eloy durante toda a liga impúxose finalmente á incrible 2ªvolta do DCM e permitíu ós amarelos proclamarse campións de liga na derradeira xornada do campionato.

O DCM foi virtual campión durante case dúas horas tras vencer con solvencia ó NK, pero o Eloy superou sen dificultades a un inofensivo Caf.Zeus e acabou co soño Dcmista de volver desputar o torneo de campións.

Con estes resultados, ambos conxuntos repártense os títulos da categoría.
O campionato e o trofeo ó equipo menos goleados para o Parquets,
e o trofeo ós máis goleadores e a deportividade de 2ªB serán para os Dcmistas.

Agora os nósos agardan ser tamén campións de campións da deportividade para pechar un ano de ensono.

Cumpriron os nosos o seu cometido na última xornada. Venceron, convenceron, mantiveron a portería a cero e tiveron tempo de descorchar o champán no vestiario para celebrar o ascenso á máxima categoría de VigoEnXogo.
Agardaron despois esperanzados con que un tropezo do Eloy lles permitise acudir ó torneo de campións, pero o Parquets amosou o seu poderío e non deu opcións á sorpresa.

Tocou entón felicitar ós campións pola súa gran tempada e comezar a saborear o acadado que foi moito. Un ascenso que a principio de tempada víase moi complicado, un trofeo ó equipo máis goleador que para nada agardábase (ó non ser unha característica habitual do equipo) e o difícil trofeo á deportividade ó que o clube sempre aspira.

É momento de desfrutar do conseguido e de acudir por cuarto ano á gala final que organiza a Agrupación Deportiva.

Tocará despois centrarse na organización da vindeira tempada.

Grazas a todos polo voso seguimento das crónicas neste blog. Reciban un cordial saúdo. Felicidades a todos os equipos e especialmente a nós rapaces, que este ano merecemos felicitarnos :), ¡¡A 1ª oé!!

"Moledo decidirá o campeón" DCM-NK

2011-06-03T14:56:00.003+02:00

Tras unha longa tempada, a derradeira xornada xa está aquí. Pasaron máis de sete meses, e neles, o DCM conseguíu un soño presente nas cabezas dos seus xogadores dende o día da fundación do equipo; O DCM disporá dunha praza en 1ª división da VigoEnXogo.

Pero a pesares diso, o equipo non se conforma, e quere acabar a tempada ó grande. Levan 15 victorias nos últimos 16 encontros e iso fai pensar que os nósos son merecedores de acabar non só co ascenso senón tamén co título.
Pero hai outro equipo que o merece tamén, o ParquetsEloy, xa que ocupou a primeira praza da clasificación moitas máis xornadas que os nósos, e soubo aguantar o tirón dcmista e chegar a esta última xornada cun punto máis que os vermellos.

Ademáis do título, tamén estará en xogo entre as 9 e as 12 da mañá no pavillón de moledo, o torneo de máximos goleadores e de menos goleados de 2ªB.
No primeiro, o DCM parte con moita ventaxa, e no segundo é o Parquets ó que o ten case feito (ó levar 5 goles menos encaixados).

O DCM xogará primeiro, ás 9 da mañá, e está obrigado a gañar para pasarlle a presión ó Parquets. O equipo non pode errar ante un NK que non se xoga nada, pero quizáis a presión poida pasarlle factura ós nósos e complicarlles o partido.
Tamén tentarán os nósos rematar coa portería a cero, para albergar un mínimo de esperanzas no trofeo zamora.

E se o equipo vence, os xogadores permanecerán no pavillón, á espera do Zeus-P.Eloy. Un partidazo en todo regla, xa que sempre é un encontro tenso entre ambos equipos, e ademáis esta vez hai moito en xogo. O Eloy xógase o título e o Caf.Zeus un terceiro posto na clasificación que podería significar o ascenso a 1ª división en caso de que algún equipo da máxima categoría non continúe a vindeira campaña.
Os corazóns dcmistas nunca pensaron ter que apoiar ó Caf.Zeus, pero o fútbol ten estas cousas, e de seguro que o domingo todo o Eloy síntese do NK e todos os dcmistas empurran ó Caf.Zeus.

Os nósos manteñen as esperanzas, é o último que se perde, pero o certo e que os números non son moi optimistas. O Caf.Zeus non sumou bos resultados nos últimos encontros, e as súas numerosas baixas ó longo da tempada mermaron a un equipo con maior potencial ó principio do campionato. E pola contra o Parquets chega radiante e con moitas gañas de pór a guinda a un gran tempada.

Así que xa saben, xornada dominical de fútbol no pavillón de moledo. Moita emoción e moito por desputar.
Todos agardamos que ése non sexa o último encontro dcmista desta tempada e poidamos voltar cunha nova previa do torneo de campións...

Reciban un cordial saúdo!!

Aliñación probable:
----Jorge----
-Vare-Quique-
----Pani------
-----Emi-----

2011-06-01T21:37:00.002+02:00

DERRADEIRA XORNADA DE VAI-Á-PORRA!! O PODIO POR DECIDIR!!
Estes son os tres partidazos seleccionados:

Deportes Carlos Miguel Vs. NK
Caf.Zeus Vs. P.Eloy
Acerón Vs. Wapichi

Recordamos que:

- Para participar en Vai-á Porra débese por un comentario nesta nova.

- A puntuación é a seguinte

+1 punto por acertar o gañador do partido

+2 puntos por acertar o gañador do partido e os goles que marca un dos dous equipos

+5 puntos por acertar o resultado completo

E a clasificación actualizada:

“O título decidirase na derradeira xornada” Lecer 2-6 DCM

2011-05-30T19:20:00.001+02:00

O DCM cumpríu o seu obxectivo de vencer ó Lecer para chegar con opción de ser campións na última xornada de campionato.
A pesares do avultado resultado, o Lecer foi un duro rival que obrigou ó DCM a empregarse a fondo durante os 50 minutos de partido.
Cos dous goles encaixados, o zamora semella unha utopía, pero todo pode pasar na derradeira xornada.

Agardaba o DCM un encontro máis sinxelo nesta penúltima xornada. Manter a portería a cero e vencer con solvencia eran os obxectivos, pero pronto comprobouse que habería que sacar o mono de traballo. E é que os primeiros 5 minutos de encontro foron dominados por un Lecer que sorprendeu ós nósos, ó impor un alto ritmo de xogo durante todo o encontro, cando o que se agardaba era a un rival pechado na súa área durante moitos minutos.
Cando o DCM comezou a espertar chegaron as primeiras ocasións e con elas un par de saques dende o curruncho. Como noutro feixe de encontros encasquillados nesta tempada, o DCM sacou o recurso do balón parado para facer dous goles que levaban a tranquilidade ó electrónico. 0-1 e 0-2.
Estes tantos foron un duro golpe para o Lecer que comezou a verse superado polos dcmistas, que anotarían un terceiro gol antes do descanso que semellaba ser definitivo; 0-3.

O resultado era o ideal para os intereses dcmistas. Os tres puntos estaban no peto e a portería a cero.

Pero na segunda metade, o Lecer voltou a impor o ritmo de inicio de partido e os nósos froito da relaxación comezaron a ceder posesións do balón, a perder o sitio e a non replegarse con velocidade. O rival chegaba cada vez máis preto da portería dcmista e merecía marcar gol.
E así racharían a portería de Jorge en dúas ocasións e moitas das opcións dcmistas de conseguir o trofeo ós menos goleados.
Por fortuna o DCM tirou dun motivado Emi e da pegada do equipo e con outros tres tantos nesta segunda metade conseguíu que a victoria nunca chegase a perigar.

O equipo agarda con ansias a derradeira xornada. Deberán vencer ó NK e agardar que o Zeus impida a victoria do ParquetsEloy.
Falaremos das opcións de ser os máis goleadores e os menos goleados na previa, unha vez se coñezan posibles decisións do comité de competición polas incomparecencias desta xornada.

Ata entón, reciban un cordial saúdo.

"A manter as opcións" Lecer-DCM

2011-05-28T09:44:00.002+02:00

O DCM afronta a penúltima xornada de liga coa intención de manter as opcións de alzarse co título ligueiro e co de menos goleado. Para iso deberá gañar o encontro do domingo ante o Lecer e tentar manter a súa portería a cero. Desa maneira, todo decidiríase na derradeira xornada, no DCM-NK e nun interesantísimo P.Eloy-Caf.Zeus.

Pero antes de chegar a esa última xornada hai que superar ó Lecer un equipo rocoso e que sabe pór en dificultades a tódolos adversarios.
O DCM sabe da dificultade do partido e do rival.

Para este encontro, o equipo contará (con probabilidade) coa baixa de Yago, por estar a disputar un torneo en terras ourensás. Serán pois os seis habituais os encargados de sacar adiante os tres puntos.
Jorge terá a motivación de non encaixar goles para desputarlle o zamora ó gardamallas do Eloy e Emi tamén afronta o encontro cunha motivación especial por ser vellos coñecidos seus.

Así que xa saben, para ter emoción na derradeira xornada, primeiro toca superar o obstáculo do Lecer. Mañá domingo ás 11:00horas no campo da Mina.

Aliñación probabel:
---Jorge---
-Vare-Quique-
----Pani----
----Emi----

Non o perdan! e sigan participando en Vai-Á-Porra

2011-05-26T21:37:00.003+02:00

Estes son os partidos seleccionados para a 26ºxornada de VAI-Á Porra (29º do campionato 2010/2011)

Lecer Vs. Deportes Carlos Miguel
NK Vs. Caf.Zeus
Caf.Castelao Vs. Acerón

Recordamos que:

- Para participar en Vai-á Porra débese por un comentario nesta nova.

- A puntuación é a seguinte

+1 punto por acertar o gañador do partido

+2 puntos por acertar o gañador do partido e os goles que marca un dos dous equipos

+5 puntos por acertar o resultado completo

E a continuación a clasificación xeral actualizada. Penúltima xornada!! xoguen a todo ou nada!!

sigan participando en Vai-á-Porra!!

"O P.Eloy non cede á presión dcmista" DCM 6-3 F.Nieves

2011-05-24T08:02:00.003+02:00

O DCM cumpríu parte dos seus obxectivos no encontro vespertino deste domingo ó vencer nun igualado encontro a un bo FrutasNieves por 6 goles a 3. Victoria e tres novos puntos que pasaban á presión ó partido do P.Eloy, pero os líderes non erraron e volven botar a pelota do lado Dcmista, xa que eles descansa esta fin de semana, e os nosos non poden errar ante o Lecer.
O obxectivo de ser os máximos goleadores está moito máis preto ó quedarlle ós amarelos un só encontro para remtar, sen embargo, ser os menos goleados pasa por case non encaixar ningún gol nos dous últimos encontros.
A deportividade está un encontro máis cerca.

Custoulle ó DCM e moito sacar adiante o encontro ante FrutasNieves. Sabíase da dificultade do rival e da dificultade do encontro ó levar moito tempo sen xogar. Por sorte, nos primeiros dez minutos de encontro, o Frutas mostrouse bastante temeroso e apenas pasou de medio campo, deixando o esférico a un DCM que a pesares de ter a posesión non puido máis que anotar un gol. Foi obra de Emi tras gran asistencia de Yago.
O Frutas comezaba a aparecer tralo gol, pero sería nun grave erro defensivo dos dcmistas nos que atoparía porta para facer o 1-1.
Voltaría a coller vantaxe o DCM pero a pouco do descanso de novo erro e falta de contundencia para sacar un balón e 2-2.

As cousas non pintaban ben xa que Frutas quitárase de enriba os primeiros minutos e cada vez estaba máis e mellor no encontro. O DCM sabía que faltáballe movilidade arriba para recuperar o esférico e por fortuna soubo facelo na segunda metade.
Un Pani que xa no último partido ante o Zeus fora o home máis aplaudido pola bancada, volveu a erixirse protagonista no encontro ante o Frutas e deu a chispa que lle faltaba o equipo para desequilibrar o encontro.
Anotaba moi pronto o DCM o 3-2 e chegaba despois o 4-2, pero de novo Frutas recurtaba diferenzas tras un lanzamento de falta 4-3.
Pani tras un saque rápido de falta, facía un golazo con disparo raso e lonxano levando de novo a tranquilidade á parroquia Dcmista 5-3. E Quique nos derradeiros compases facía tamén un gran gol cun pontente tiro dende fora da área 6-3.

Agora a pensar xa no Lecer. Será obrigatorio gañar para que todo se decida na última xornada cun Parquets-Zeus e un DCM-NK.
Un cordial saúdos.

"Un DCM matemáticamente ascendido busca máis logros"

2011-05-21T11:08:00.004+02:00

A recta final de tempada, un tanto extrana para os nosos debido ós escasos encontros xogados nas últimas datas (polo calendario e a expulsión de equipos), pero moi beneficiosa xa que trouxo consigo o ascenso matemático do equipo á máxima categoría da VigoEnXogo, fai que os derradeiros 3 encontros do equipo vaian desputarse cos deberes máis que feitos, pero con moita ilusión xa que hai opcións de conseguir moitos máis logros que só o ascenso directo.

E é que o equipo loitará nestes tres últimos partidos ante FrutasNieves, Lecer e NK por o Premio da Deportividade da categoría e polo Xeral de toda a competición, polo Título de Liga (que trae consigo o fantástico premio de desputar o torneo de campións), polo trofeo ó equipo máis goleador e polo trofeo ós menos goleados.

Polo tanto, co principal obxectivo cumplido, os nósos teñen ante sí unha oportunidade única de selar un ano fantástico.
Para iso non poden errar nos últimos tres encontros, deben xogalos todos con moitísima cabeza.
- O primeiro será gañar os tres partidos que restan(agardando desta maneira un pinchazo do líder, o ParquetsEloy que permita arrebatarlles a 1ª praza... será moi complicado)
- Despois pensar en defender a nosa portería con unllas e dentes co fin de loitar polo zamora (o ParquetsEloy tamén parte como favorito neste apartado xa que ten que desputar un encontro menos que o DCM)
- Tras iso, asegurar o trofeo ós máis goleadores da división (algo máis asequible segundo os números, só se os rivais acadan grandes goleadas o porían en perigo)
- E coma sempre xogar con toda a deportividade que nos caracteriza

Polo tanto moito en xogo e moita emoción para estas 3 últimas xornadas.

Para comezar un rival moi temido, un FrutasNieves que vai desputar o seu último encontro da tempada coa intención de rematar co bo sabor dunha victoria. Un rival que xa puso en moitos apretos ó DCM na primeira volta... agardemos que o equipo aprendera que xogando ó 95% o Frutas ganaralles o encontro, necesítase o 100% de actitude e concentración. Un Frutas que ademáis, ó igual que o Levante, pode recibir algún maletín motivador xd.
Os nósos ademáis chegarán bastante descentrados do campionato xa que fai moito tempo que non sinten o ritmo de competición con tanto parón ligueiro, e que é case como o primeiro partido de cada tempada, onde ó equipo cústalle moito reencontrarse a sí mesmo. Agardemos que o consiga.

Así que xa saben, Domingo día de eleccións, ás 9:00 horas no Campo da Mina!! e se non queren madrugar, toda a información neste blog!

Aliñación probable:

----Jorge----
-Quique--Pali-
-----Emi------
----Yago------

SIGAN PARTICIPANDO EN VAI-Á-PORRA

2011-05-19T19:06:00.003+02:00

Trala anulación da anterior xornada de Vai-Á-Porra por problemas no Blog (desapareceron os prognósticos de varios participantes), retomamos a competición. Quedan 3 xornadas para o remate do xogo, e todavía temos todo por decidir! Afinen moito a puntería e a facer a porra!
Estes son os encontros seleccionados:

Deportes Carlos Miguel Vs. Frutas Nieves
Bar Kubi Vs. P.Eloy
Acerón Vs. Silvafresh

Recordamos que:

- Para participar en Vai-á Porra débese por un comentario nesta nova.

- A puntuación é a seguinte

+1 punto por acertar o gañador do partido

+2 puntos por acertar o gañador do partido e os goles que marca un dos dous equipos

+5 puntos por acertar o resultado completo

2011-05-12T18:56:00.000+02:00

Clasificación xeral actualizada de Vai-Á-Porra.

Máxima igualdade para o sprint final de campionato, Migui ten vantaxe pero todavía non pode confiarse... o resto de posicións todavía por decidir!!! atinen nos seus prognósticos!!!

Estes son os partidos seleccionados para a 25ºxornada de VAI-Á Porra (27º do campionato 2010/2011)

Parquets Eloy Vs. BarCocedero
FrutasNieves Vs. Caf.Zeus
PonteAPintar Vs. Acerón

Recordamos que:
- Para participar en Vai-á Porra débese por un comentario nesta nova.
- A puntuación é a seguinte
+1 punto por acertar o gañador do partido
+2 puntos por acertar o gañador do partido e os goles que marca un dos dous equipos
+5 puntos por acertar o resultado completo

sigan participando en Vai-á-Porra!!

"As portas de 1ª ábrense de par en par para o DCM" DCM 5-2 Caf.Zeus

2011-05-02T21:44:00.003+02:00

O DCM será equipo de primeira división a vindeira tempada salvo catástrofe maiúscula. A vitoria de onte nun vistoso partido permite ós nósos pór pé e medio en 1ª.

Aínda que non matemáticamente, os nosos son virtualmente equipo de 1ª, e é que tan só necesitan un punto nos tres partidos que lle restan para o remate da tempada para asegurar o ascenso (ou que Caf.Zeus pinche nalgún dos seus catro últimos partidos).

O DCM soubo xogar o seu match ball coa tranquilidade necesaria para madurar o partido e poder acabar vencendo a un Caf.Zeus que con tan só 5 xogadores xogou un moi bo encontro e cun comportamento exemplar sobre o campo.
Os rivais adiantáronse pronto no marcador nun saque longo do cancerbeiro rival cara o seu nº14, que baixaba o esférico co peito, marchaba de Pali e batía por baixo a Jorge. O 0-1 non desesperou ós nósos que continuaron traballando o partido e creando ocasións sen perder as súas posicións defensivas.
O empate chegaría con algo de fortuna, tras caerlle a Pani un balón rexeitado, quen convertía en gol cun toque de calidade ante a saída do porteiro rival, 1-1.
Moi pronto chegaba o 2-1, tras conectar Yago un fermoso disparo lonxano que se colaba na mesma escadra da portería rival.
Zeus non baixaría os brazos, e a pesares de comezar a acusar o cansazo, faría o 2-2 antes do descanso, nunha xogada na que puido existir falta en ataque, pero na que aínda así, os nósos non estiveron atinados, xa que houbo moita lentitude e pasividade o que permitíu ó atacante rival convertir un balón morto na área dcimista.

Dende a grada pedíase máis ritmo ós dcmistas, pero transmitíase tranquilidade ó observar que o partido podía facerselle moi longo ó rival que non tiña trocos.
E asi foi. Co paso dos minutos os ocos eran cada vez maiores nos ataques dcmistas, que o aproveitaron con goles de Emi e Yago, 3-2 e 4-2.
Co 4-2 e 15 minutos por diante o rival solicitou tempo morto e decidíu adiantar a posición do seu porteiro para atacar con 5 xogadores.
A estratexia sorprendeu en primeira instancia ó DCM, quen defendía demasiado aberto cara as bandas e demasiado metido na súa área, o que deixaba ó poreiro rival moi só e con situacións de lanzamento moi sinxelas e moi perigosas. Por fortuna, o cancerbeiro non se atreveu a finalizar él os ataques e non buscou a portería de Jorge.
Tras un novo tempo morto, o DCM arranxou o problema axustando as posicións e o perigo rival desvaeceuse, comezando a chegar as ocasións de gol a portería vacía. Ata 4 disparos sen gardamallas erraron os dcmistas, que necesitaban un gol máis para igualar o golaverage particular co Zeus e deixar desta maneira todavía máis preto o ascenso matemático.
Dito gol chegaría tras un ataque errrado por Yago dende banda esquerda, e o rexeite caía a Emi quen dende banda contraria no erraba facendo o 5-2 definitivo e levando a ledicia á parroquia dcmista.

Gran encontro, gran vitoria, e pé e medio en primeira división.

Moito tempo por diante para asimilar o éxito conseguido polo equipo, pero todavía moitas cousas en xogo nas vindeiras xornadas. As analizaremos en próximas ocasións.

Un cordial saúdo, e HALA DCM!! GRANDES RAPACES!!

O DCM pon en xogo o seu primeiro "match ball"

2011-04-28T19:16:00.004+02:00

Regresa a competición tralo parón de semana santa, cunha interesantísima xornada que pode ser vital para algúns equipos.

Caf.Zeus e WapichiUnited apuran as súas últimas opcións de ascenso ante os dous primeiros clasificados, DCM e P.Eloy respectivamente.

Se o DCM vence ó Caf.Zeus, os nósos asegúranse virtualmente o ascenso, xa que colocaríanse con 12 puntos de vantaxe sobre o 3º clasificado (e un partido máis), a falta de 5 xornadas por desputarse, polo que só unha debacle dcmista nos 3 partidos que lle restarían por desputar poderían arrebatarlle a plaza de ascenso directo.

Se o P.Eloy fai o propio sobre Wapichi, tamén deixaría "arranxado" o seu ascenso directo, e tan só quedaría no aire o primeiro posto da táboa, que polo momento, estaría en mans dos homes do Parquets se vencen os seus 5 enfrontamentos ata final de tempada (o DCM debería agardar un erro dos amarelos).

Resumimos a situación actual:

DCM: 54 puntos // Caf.Zeus - Descansa - Descansa(D.Cordero)-Frutas-Lecer- NK

P.ELOY: 49 puntos // Wapichi - Acerón - Cocedero - Kubi - LobisHome - Zeus

C.ZEUS: 45 puntos // DCM - Descansa(D.Cordero)- Frutas- Lecer - NK- P.Eloy

WAPICHI: 42 puntos // P.Eloy - Silvafresh - Castelao - Descansa - PontePintar - Acerón

O partido dos Dcmistas prevese moi complicado para os nósos, ante un rival que xa lles venceu na ida por 5-2, e cun estilo de xogo que parece pór en múltiples dificultades ós nósos.
Os nósos chegan tras moito tempo de parón (xa que ademáis do parón ligueiro non puideron desputar o último encontro por incomparecencia do rival) e poden saír descentrados.
O Caf.Zeus, moi mermado nesta segunda volta da competición polas baixas derivadas de lesións e sancións, está a amosar que incluso con baixas de gran importancia sabe sacar os partidos adiante, aínda que con resultados axustados e sufrindo, e chegará sabendo que unha derrota suponlle dicir adeus ó ascenso directo.

Polo tanto, o DCM debe mentalizarse da importancia do encontro, e saber que unha victoria suporía conseguir un obxectivo soñado dende o momento de fundación do equipo.
Por fortuna, o equipo ten máis "bolas de partido" no peto, aínda que agardemos que non deba empregalas.

Os primeiros minutos de encontro antóllanse claves para o devenir do resultado. Se o DCM sae metido, sen temores e pon toda a carne no asador para levarse o partido, terá moito gañado.
Aliñación probable:
---Jorge---
-Vare--Pali-
----Pani----
-----Emi----
DOMINGO 18:00H PAVILLÓN DE BEMBRIVE

Segue en xogo tamén os títulos de máximos goleadores, menos goleados e da deportividade, polo que cada partido de aquí a final de tempada terá un incrible interese para moitos equipos.

EMOCIÓN A FARTAR!! Non perdan esta xornada ligueira!!

PARTICIPEN EN VAI-Á-PORRA DEBAIXO DESTA PREVIA

2011-04-28T19:07:00.002+02:00

Estes son os partidos seleccionados para a 24ºxornada de VAI-Á Porra (25º do campionato 2010/2011)

Deportes Carlos Miguel Vs. Caf.Zeus
NK Vs. Acerón
Parquets Eloy Vs. Wapichi

Recordamos que:

- Para participar en Vai-á Porra débese por un comentario nesta nova.

- A puntuación é a seguinte

+1 punto por acertar o gañador do partido

+2 puntos por acertar o gañador do partido e os goles que marca un dos dous equipos

+5 puntos por acertar o resultado completo

E a continuación a clasificación xeral actualizada. A incomparecencia de Migui nesta xornada volve dar opcións ós seus perseguidores, quenes sen estar acertados conseguiron alomenos recurtar uns puntiños importantes. Escasas xornadas para o final, momento decisivo para Vai-á-Porra!

sigan participando en Vai-á-Porra!!

¿Acórdase o DCM do que é gañar sufrindo?

2011-04-14T17:59:00.001+02:00

¿Acórdase o DCM do que é gañar sufrindo?

Momento vital da tempada. Todo o traballo realizado ata o de agora, dará os seus froitos se o equipo mantén o ritmo de vitorias 5 xornadas máis. Só 5 encontros, 5 finais.
Pero a 2ª volta dcmista está a ser tan incrible que o equipo está a vencer os encontros sen sufrir, apabullando ós rivais. E isto debe facernos pensar… ¿e se o partido é igualado? ¿recorda o DCM o que é gañar sufrindo? ¿saberá ter paciencia e madurar o encontro ou poderalle a presión?

A 1ª desas 5 finais enfróntanos ó BarLobisHome. Todos os prognósticos falan dunha nova vitoria sinxela a favor dos dcmistas. Pero na ida, o encontro decidíuse na última xogada do encontro, nun saque de esquina transformado por Yago e que significaba o 2-1.
Daquela o equipo non gañaba os partidos con tanta facilidade como nas últimas datas, e ninguén prevía resultados avultados antes dos encontros.
Pero agora semella que o equipo só sabe gaña desa maneira e que está “obrigado” a facelo así, e dende aquí queremos poñer ós nósos en aviso.
Cicáis esta xornada toque sufrir… deberemos estar preparados.
Se o encontro non se pon tan a favor nos primeiros minutos como ocorre nas últimas semanas, o equipo debe manter a calma, non ter présa por facer gol, deberá centrarse en labores defensivas e agardar a súa oportunidade en ataque. Incluso pode ser que algún dos rivais que quedan ata rematar a tempada consiga adiantarse no marcador. Haberá que manter a calma. O importante son os 3 puntos, non as goleadas, e iso pode conseguirse tanto no primeiro como no derradeiro minuto.

Así que mentalizados rapaces. O LobisHome é un rival serio, cun bo gardamallas e que non perde a posición no campo. Chega de empatar a 4 goles ante o Caf.Zeus e necesita unha vitoria para escapar dos postos perigosos da clasificación.

A aliñación prevista é a seguinte, aínda que agora o equipo non ten unha estrutura tan ríxida e varios xogadores poden empregar unha ou outra posición segundo a convocatoria e segundo o devenir do encontro.

--------Jorge-------
---Vare------Pali---
--------Pani---------
--------Yago--------

Preparados para sufrir. O premio ben merece saber sufrir uns cantos partidos máis. Imos rapaces!!!

2011-04-13T21:24:00.004+02:00

Estes son os partidos seleccionados para a 23ºxornada de VAI-Á Porra (24º do campionato 2010/2011)

BarLobisHome Vs. Deportes Carlos Miguel
Acerón Vs. Lecer
BarCocedero Vs. FrutasNieves

Recordamos que:

- Para participar en Vai-á Porra débese por un comentario nesta nova.

- A puntuación é a seguinte

+1 punto por acertar o gañador do partido

+2 puntos por acertar o gañador do partido e os goles que marca un dos dous equipos

+5 puntos por acertar o resultado completo

E a continuación a clasificación xeral actualizada, distánciase Migui ó facer pleno co resultado do DCM, pero todavía pode pasar de todo!!:

sigan participando en Vai-á-Porra!!

“Máis preto do soño” DCM 6-1 BarKubi

2011-04-10T15:57:00.007+02:00

O DCM cumpríu no seu compromiso e conseguiu os tres puntos nun encontro no que foi vital a vantaxe conseguida polos nosos nos primeiros instantes de partido, xa que despois de que BarKubi centrárase, o encontro estivo moito máis igualado. Esa victoria unida a unha nova e inesperada derrota do Wapichi e o imprevisto esvarón do ParquetsEloy, sitúa ós nósos líderes (cun partido máis que o P.Eloy),e cun colchón de 4 puntos sobre o ascenso (se é que Caf.Zeus gañou o seu encontro), o que achéganos un pouco máis ó soño de alcanzar a 1ª división.

Unha vez máis foron os sete habituais os artífices desta nova victoria. Cun 3-0 a favor transcorridos escasos 10 minutos, o partido quedaba prácticamente sentenciado para os intereses Dcmistas. O rival acurtaría distancias co 3-1, pero na seguinte acción os nósos facían o 4-1 e voltaban a impor unha vantaxe máis que considerable.
Tralo descanso, chegarían dous goles máis dos nósos (un de moi bela factura tras combinación de todo o equipo e asistencia final de Emi cara Pani xa en liña de gol) e o recital do Sr.Pousa, que amosou un incrible cartón amarelo a Emi por devolver o esférico ó rival no lanzamento dun dobre penalti. Para explicarlles a acción extraemos parte do escrito que o DCM ten previsto presentar ó Comité de Competición, xa que lle parece unha tomadura de pelo o cartón amosado polo colexiado:

- Nunha acción do encontro, o Deportes Carlos Miguel recupera o balón no seu propio campo e sae en contraataque. Ó percatarse de que un xogador rival queda tendido no chan mancado, o nóso equipo disponse a tirar o balón fóra para que o xogador sexa atendido, pero antes de poder lanzar o balón a saque de banda, o rival comete falta sobre un dos nosos xogadores; falta que é sinalada polo colexiado e como era a sexta, deberá lanzarse dende o punto de dobre penalti.
- Nun xesto de deportividade, o Deportes Carlos Miguel decide devolver o esférico nese dobre penalti, xa que a xogada ocorreu cun rival tirado no chan. Por iso, o xogador Lic. ----, en lugar de lanzar con intención de facer gol, pasa o balón ó porteiro rival.
- Nese instante, o colexiado procede a amonestar ó noso xogador con tarxeta amarela; segundo a versión do propio colexiado pola aplicación do seguinte artigo do Regulamento da Federación Galega de Fútbol Sala: 13
- FALTAS ACUMULATIVAS 13.3. Procedimiento (para la sexta y siguientes faltas acumuladas)
• El ejecutor del tiro libre deberá lanzarlo con la intención de marcar un gol y no podrá pasar el balón a otro compañero.
13.4. Infracciones/sanciones Si un jugador del equipo que ejecuta el saque infringe esta Regla de Juego:
• Si no se marca un gol, los árbitros detendrán el juego y lo reanudarán con un tiro libre indirecto a favor del equipo defensor, que se ejecutará desde el lugar en donde se cometió la infracción.

O equipo recoñece que o tiro libre indirecto a favor dos rivais está ben sinalado en aplicación do regulamento, xa que o noso xogador non tirou con intención de marcar gol como indica a regla, pero reclamará que o regulamento nada establece de que deba sancionarse dita acción con cartón amarelo e por suposto, apelará ó “SENTIDO COMÚN” que debe aplicarse para non sancionar a un equipo por unha mostra de deportividade. O peor de todo foi que os primeiros en recriminar a acción ó colexiado foron os propios rivais, ó entender que non era xusto amonestar a un xogador por ser deportivo, e eles foron os máis perxudicados ó recibir unha ristra de amonestacións.

Non paga a pena falar máis do tema.
O equipo venceu, os goleadores foron Emi e Pani por partida dobre e Yago e Pali nunha ocasión. Debemos pensar xa nas 6 finais que quedan por diante. BarLobisHome, CafZeus, DobleDeCordero, FrutasNieves, Lecer e NK.

Sería un grave erro relaxarse agora, pensar que a cousa está feita e que nos podemos permitir algunha derrota. Hai que saír con todo en cada encontro e tomarse cada un deles como unha auténtica final. E aprender do que lles está pasar ó resto e saber que de igual maneira, esas derrotas poden sucedernos a nós se non damos o mellor nivel cada partido.

Imos equipo!!!

"En busca dunha nova vitoria" DCM-BarKubi

2011-04-09T10:50:00.004+02:00

Nova xornada de liga que enfronta ós nósos a un vello coñecido, o BarKubi.

Os nosos deberán estar de novo ó 100% de compromiso, entrega e concentración, para superar a un BarKubi que non porá as cousas nada sinxelas ó igual que non llas puxo a Caf.Zeus.

Os nósos non poden errar e o saben, por iso agardamos a mellor das súas versións unha vez máis. Con probabilidade, a convocatoria será máis numerosa ca dos sete habituais, polo que o equipo deberá recompoñerse e conseguir o seu bo nivel das últimas xornadas tamén con oito ou nove xogadores.

Aliñación probable:

------Jorge--------
---Vare-----Pali---
-------Pani------
-----Quique-----

Esta tarde ás 19:00 horas no Manuel Antonio Un saúdo e Hala DCM!

SIGAN PARTICIPANDO EN VAI-Á-PORRA

2011-04-07T14:18:00.002+02:00

Estes son os partidos seleccionados para a 22ºxornada de VAI-Á Porra (23º do campionato 2010/2011)

Deportes Carlos Miguel Vs. BarKubi
Parquets Eloy Vs. Silvafresh
Lecer Vs. Wapichi

Recordamos que:

- Para participar en Vai-á Porra débese por un comentario nesta nova.

- A puntuación é a seguinte

+1 punto por acertar o gañador do partido

+2 puntos por acertar o gañador do partido e os goles que marca un dos dous equipos

+5 puntos por acertar o resultado completo

E a continuación a clasificación xeral actualizada:

Moitas xornadas por diante, todo pode pasar; sigan participando en Vai-á-Porra!!

“Cando todo marcha sobre rodas” BarCocedero 1-10 DCM

2011-04-04T20:18:00.005+02:00

Tralo parón ligueiro, o DCM recupera a segunda posición da táboa nunha tarde de domingo onde todo saíu perfecto para os intereses Dcmistas. As 19:55 horas, FrutasNieves marcaba o 3-4 e remontaba un encontro que Wapichi semellaba ter máis que controlado, e as 20:25 o DCM xa gañaba 0-4 deixando claro que non ía a deixar escapar a oportunidade de recuperar os postos de ascenso directo.

Nova xornada sinalada como moi perigosa no calendario dcmista, e nova xornada na que os nósos sorpréndese a sí mesmos polo nivel que están acadando nesta segunda volta da competición. O mellor DCM da historia continúa vencendo partidos e ten na súa man unha inmellorable ocasión para alcanzar as cotas máis altas da competición. E é que xa non son só os números clasificatorios, senón as sensacións que amosa esta “versión mellorada” do equipo, o DCM versión 5.0, baseada en:
- A solidez defensiva baseada nun seguro gardamallas (que volve amosar o seu mellor nivel), nunha defensa cun incrible saber estar e fantástica colocación (que alcanza a súa mellor versión co sistema de trocos Quique-Vare-Pali), e un traballo encomiable con tremendo desgaste dos actuais tres homes ofensivos do equipo (Emi-Pani-Yago), convirten ó equipo nun dos máis sólidos da competición.
- O altísimo ritmo de xogo imposto polo equipo dende o primeiro ó último minuto (algo que non se conseguía outras tempadas) que noquea ós rivais e que engancha a tódolos xogadores ó partido, incrementando en gran medida o seu nivel competitivo e a súa concentración durante os 50 minutos.
- Un ataque demoledor. Cun Yago tocado por unha variña máxica que fai que en moitos dos últimos encontros convirta en gol todo o que toca, pero sobretodo cun ataque baseado nese alto ritmo que fai que as ocasións cheguen unha e outra vez en cada encontro. A iso úneselle un bo saco de goles en xogadas de estratexia.
- A porción necesaria do factor “sorte”. Que fai que o equipo non acumule lesións ni sancións nas últimas datas e que acompaña nos minutos chaves dos encontros.

Así fraguouse onte unha nova vitoria dcmista. Por 1-10, devolvendo desta maneira a goleada que o Bar.Cocedero infrinxira ós nosos na primeira volta por 3-10. Os nósos tiñan a lección aprendida e coas armas antes citadas superaron con claridade ó rival. 0-4 ó descanso con goles de Quique e 3 de Yago e 1-10 ó final con outro de Quique, segundo hattrick da tarde para Yago e un para Pali e outro para Vare.

Agora toca frea-la euforia. E é que un mínimo de relaxación, de sensación de superioridade ou de conformismo que leve a baixar un ápice o nivel e as cousas pódense torcer en calquer momento. Ademáis o equipo, afeito xa a mecánica dos sete habituais, deberá saber conseguir un nivel similar de intensidade e rendemento cando a convocatoria sexa máis numerosa.

Quedan 7 finais. BarKubi, BarLobisHome, CafZeus, DobleDeCordero, FrutasNieves, Lecer e NK. 7 encontros nos que para gañar hai que dar o nivel destas dúas últimas xornadas, xa que senón chegan os sustos. Sirva de exemplo o que lle ocorreu onte a Wapichi, e as vitorias sufridas e axustadas do ParquetsEloy ante o colista ou do CafZeus ante BarKubi (vindeiro rival Dmista).
Non hai rival sinxelo, non baixemos a garda, máxima concentración rapaces! Un cordial saúdo e ata a previa!

“Complicadísimo exame tralo parón” BarCocedero-DCM

2011-04-01T16:02:00.006+02:00

Regresa a competición cunha xornada de moito nivel.

O DCM visitará a un complicadísimo rival, que non só venceu ós nósos na primeira volta senón que deulles unha soberana paliza por 3-10.

O Wapichi enfrontarase a un renovado FrutasNieves que polo visto no último encontro que desputaron no Calvario ante Castelao, poden porlle as cousas moi difíciles a un imparable Wapichi se xogan moi concentrados e moi serios dende o primeiro ata o último minuto de partido.

E o Parquets Eloy, líder da categoría xogará contra o colista, pero ollo, lonxe do que poda parecer, tamén será un partido con interese xa que na primeira volta ambos equipos empataron a 5 goles.

Polo tanto gran xornada a que nos agarda, na que o DCM está obrigado a gañar.

É outro dos encontros sinalados como de alto risco no calendario que lle queda ós dcmistas, e por iso o equipo debe mostrar o seu mellor nivel se quere sacar 3 puntos que semellan imprescindibles para seguir loitando polos dous postos de ascenso directo. O Cocedero sorprendeu na primeira volta cun xogo moi alegre, directo e baseado nas paredes ofensivas e o DCM non soubo reaccionar en todo o partido. Agardemos que teñan aprendida a lección e non haxa erros nas defensas home a home como no partido de ida. Para este encontro, agárdase a mesma convocatoria que ante Acerón e a aliñación probable será:

--------Jorge---------

--Vare----------Pali--

---------Emi----------

--------Quique--------

Domingo ás 20:00 horas no pavillón de bembrive, e xusto antes o Wapichi-Frutas, dous partidazos que non poden perder!

E sigan participando en Vai-Á-Porra!

2011-03-30T21:16:00.002+02:00

Estes son os partidos seleccionados para a 21ºxornada de VAI-Á Porra (22º do campionato 2010/2011)

BarCocedero Vs. Deportes Carlos Miguel
Ponte a Pintar Vs. Parquets Eloy
Wapichi Vs. FrutasNieves

Recordamos que:

- Para participar en Vai-á Porra débese por un comentario nesta nova.

- A puntuación é a seguinte

+1 punto por acertar o gañador do partido

+2 puntos por acertar o gañador do partido e os goles que marca un dos dous equipos

+5 puntos por acertar o resultado completo

E a continuación a clasificación xeral actualizada:

Moitas xornadas por diante, todo pode pasar; sigan participando en Vai-á-Porra!!

"A solidez soñada" DCM 8-1 Acerón

2011-03-20T21:38:00.004+01:00

O DCM supera a derrota ante Wapichi da mellor maneira posible, realizando un partidazo e goleando a un dos equipos máis perigosos da liga.
A diferenza doutros anos, o equipo está seguro de sí mesmo e amosa unha solidez que bloquea ós rivais e permítelle vencer os partidos con solvencia.

Con esta intensidade e seriedade é como o DCM sabe gañar os partidos. Hoxe aplicouno de novo, e baseándose nun traballo enorme de todo equipo en defensa sacou a diante un partido marcado como moi perigoso no calendario.

Cos 8 goles de hoxe (5 de Yago, 2 de Quique e 1 de Pani), superouse a cifra de 100 goles a favor, con todavía moitas xornadas por diante; algo impensable noutras tempadas.
Karr anotou o gol do Acerón.

Agora semana de parón ligueiro pola Reconquista e despois regreso ante BarCocedero, rival que vapuleou ós nósos na primeira volta.

Regresar con outra vitoria permitiría comezar a crer que o ascenso non só é un soño senón unha posibilidade real.

Reciban un cordial saúdo!

Poden disfrutar do partido en imaxes por cortesía da nosa querida fotógrafa Lúa Gil en: https://picasaweb.google.com/102545914651497041447/110320DCMAceron?authkey=Gv1sRgCKTGv9yRvY7xiwE#

MiniPrevia: "Nova edición do derby da deportividade"

2011-03-19T12:01:00.002+01:00

De novo enfróntanse Acerón e DCM, dous vellos coñecidos que sempre deixáronnos grandes encontros, con moita igualdade e rivalidade pero sempre sumidos nun ambiente de deportividade que os convirten en exemplo de enfrontamento entre dous equipos da VigoEnXogo.

Nesta ocasión hai cousas moi importantes en xogo.
Acerón, que chega despois de 3 empates consecutivos, necesita gañar para permanecer todavía na loita pola 3ª posición e é que ganando ó DCM situaríase a 7 puntos desa praza e cun partido por desputar (xa que xa descansou).
E DCM (que é o único equipo da categoría que non empatou ningún partido) chega tralo tropezón ante Wapichi e non pode permitirse outra cousa que non sexa a victoria se quere permanecer enganchado a Parquets e Wapichi.

Agárdase que o DCM conte cunha convocatoria moi ampla aínda que será unha incógnita ata o momento do partido.

Así que xa saben, o domingo ás 16:00 no pavillón de Lavadores, partidazo entre dous grandes equipos. Non o perdan!

2011-03-17T19:42:00.003+01:00

Estes son os partidos seleccionados para a 20ºxornada de VAI-Á Porra (21º do campionato 2010/2011)

Deportes Carlos Miguel Vs. Acerón
Zeus Vs. Bar Cocedero
FrutasNievesVs. Caf.Castelao

Recordamos que:

- Para participar en Vai-á Porra débese por un comentario nesta nova.

- A puntuación é a seguinte

+1 punto por acertar o gañador do partido

+2 puntos por acertar o gañador do partido e os goles que marca un dos dous equipos

+5 puntos por acertar o resultado completo

E a continuación a clasificación xeral actualizada:
Xornada moi complicada para os nósos participantes de Vai-Á-Porra. Ninguén foi quen de prever o empate de Acerón ante Zeus e moitos erraron o prognóstico de Wapichi-DCM. Quique foi o gran beneficiado da xornada ó acertar de pleno o 8-1 de Parquets-NK, sumando así 5 puntos que o levan á 1ª posición onde atópase empatado con Migui.

Moitas xornadas por diante, todo pode pasar; sigan participando en Vai-á-Porra!!

“Pousa eríxese protagonista dun encontro que non defraudou” Wapichi 6-5 DCM

2011-03-13T21:42:00.003+01:00

O Wapichi lévase 3 puntos vitais nun encontro igualadísimo no que o empate houbese sido o resultado máis xusto, pero a actuación dun colexiado cun incrible afán de protagonismo empañou o encontro, desquiciando a ambos equipos e inventándose tres penaltis, 2 para Wapichi e 1 para DCM, que á postre serían decisivos para decantar o encontro.

Horrible pavillón, pésimo colexiado e partidazo de dous grandes equipos que merecen o ascenso.
Non sei por onde comezar. O bo facer de ambos equipos merece ocupar o groso desta crónica. Wapichi é un gran equipo, que sabe ó que xoga e sabe aproveitar ó máximo ós seus xogadores. DCM leva un ano incrible, e nada se lle pode recriminar do encontro de onte, puido haber erros, pero non faltou actitude que é o que se pide.
O que realmente sorprendeu onte foi un colexiado necesitado de atención. Pode parecer unha excusa para a derrota dcmista, pero nada máis lonxe da realidade. O DCM sabe perder, Wapichi sabe que os felicitamos ó rematar o encontro e a verdade é que un encontro tan igualado podía decantarse de calqueira lado, e por iso aceptamos a derrota. Pero cando alguén adquire tanto protagonismo nun encontro é imposible pasalo por alto. E xa que agora non ten remedio, démoslle protagonismo tamén na crónica para que poida vivir tranquilo alomenos ata o vindeiro fin de semana.
Perxudicou a todos. Desquiciou a propios e a extranos e conseguíu o seu obxectivo, ser o foco de atención durante os 50 minutos de encontro.
O Show de Pousa comezou cun número insuperable, unha actuación estrela. ¡¡Un colexiado botando a outro árbitro da competición da zona de banquillos!! Incrible pero certo. Con semellante inicio de actuación, xa todos sabían que o espectáculo non ía defraudar. ¿Como un árbitro pode botar a un compañeiro seu, a outro colexiado da competición que está a ver o partido? ¿imaxinan a un colexiado de 1ªdivisión botando da zona de banquillos ó 4º árbitro?. Insuperable.
Recibíu os aplausos durante 20 minutos, e entón decidíu que era momento de volver a levantar ó público dos seus asentos. Mera escorado en banda esquerda regatea a Xmon que recula un pasiño cara atrás, o excelente dianteiro do Wapichi, coñecedor de que Pousa necesitaba máis protagonismo, nota contacto e cae. Non é penalti. Nin sequera en baloncesto sería falta. Fai falla moito máis contacto para que exista acción punible e moito máis para derrubar a un home da corpulencia do máximo goleador de Wapichi. Pousa non o dubida. Falta un minuto para o descanso e era o momento de aparecer de novo. Penalti e non se admite diálogo.
Tempo de refrixerio para o monologuista Pousa. Que regresa ó campo para firmar unha segunda parte de éxitos. Primeiro tira de manual de colexiado protagonista e comeza a parar o partido: unha, dúas, tres, catro veces. Encárase continuamente co banquillo de Wapichi, quen observa atónito ó colexiado. Cambiamos de rexistro. Falta inventada en ¾ de campo e gol de Wapichi. Despois, Pani cae dentro da área rival, dúas opcións para o árbitro, pitar penalti ou non, pois para Pousa hai unha terceira, pitar falta fora da área!. O listón estaba altísimo. Os xogadores sabían que todavía quería máis protagonismo. Quique nota contacto dentro da área e tamén cae. Penalti. De novo o mesmo que na primeira parte, non é. E inxusta amarela a Mera por pedir explicacións, amarela que houbese sido máis propicia nunha falta posterior do 14 sobre Emi. Máis amenazas ó banquillo de Wapichi. Dobre penalti a favor do DCM e gol. E completamos a actuación cun novo penalti que só el puido imaxinar. Un dianteiro rival encara ó gardamallas dcmista quen se tira ó chan, toca o esférico cos pes e queda co balón no seu poder; claramente penalti xd.
Agardemos que o colexiado considere suficientes as liñas que hoxe lle adicamos.

Do resto partido moi entretido. A igualdade foi máxima, tal e como se agardaba nun campo tan pequeno no que ningún equipo pode desplegar o seu xogo habitual.
Wapichi sorprendería nos primeiros instantes de partido coas dúas armas que empregaría no partido. Disparos lonxanos de Mera e calidade no regate dos seus homes ofensivos. Armas que na primeira vez que as empregaron sorprenderon ó DCM que despois aprendería a lección. O primeiro gol, disparo potente e lonxano do 14 de Wapichi, Jorge rexeita e o outro dianteiro azulón empurra a pracer 1-0.
Sen case tempo para asimilar o gol, xogadón en banda de Txotxe que marcha de Emi e de Pali e 2-0.
En calquera outro campo, un 2-0 é unha distancia enorme, pero non nun pavillón tan pequeno. Así, en escasos segundos o partido ía a igualarse de novo. Primeiro Vare tiraba a parede con Quique que devolvía de tacón e no punto de penalti o 5 dcmista metía a punteira e o balón superaba por debaixo das pernas ó porteiro rival 2-1.
E acto seguido intento de despexe da defensa dcmista que Quique intercepta e o balón sae rebotado e cólase na portería do Wapichi. 2-2.
Tranquilizouse un pouco o ritmo frenético nos seguintes minutos. Wapichi esperaba atrás e seguía empregando os disparos lonxanos e a calidade dos seus homes de ataque. O DCM tiña máis posesión e tamén boas ocasións coma un disparo ó longueiro.
E cando xa a primeira metade chegaba ó seu fin, a xogada xa comentade de penalti sobre Mera e 3-2.

Na segunda metade o DCM comezaba horrible. Ninguén era quen de sacar o balón xogado e o Wapichi tiña continuas ocasións. Nunha desputa de balón, Pousa inventaba falta e aínda que era moi lonxana, o disparo raso superou a barreira e a un Jorge que non tivo o seu mellor día, pero que non debe preocuparse, xa que se cada vez que algún do equipo non ten o seu día ten que pedir perdón, non remataríamos nunca. Ademáis que él é peza fundamental deste equipo e protagonista indiscutible na maior parte dos puntos que conseguíu o equipo na súa historia.
O 4-2 tampouco afundíu ó DCM que buscaba enrabietado o empate.
Chegaría entón a acción de Pani dentro da área rival que Pousa sinalaba incriblemente fóra da mesma.
O DCM non obtería recompensa noutro disparo ó longueiro pero sí noutra xogada na que tras moitos rexeites, Yago conseguía introducir o balón na portería rival, 4-3.
Despois, Txotxe nun xogadón persoal facía o 5-3.
O partido era un ir e vir fantástico de dous equipos que loitaban con todo. Quique transformaría o 5-4 de penalti. Mera o 6-4 tamén dende o punto fatídico e de novo Quique en lanzamento de dobre penalti facía o 6-5.
Tería o DCM o empate nun disparo dende a banda de Vare que petaba en varios xogadores e a piques estaba de entrar. Houbese sido xusto pero non puido ser.

Felicidades ó Wapichi pola vitoria. A este nivel dificilmente perderán encontros.
E felicidades ó DCM pola actitude. Rapaces, podemos seguir gañando moitos encontros. Conseguíramos un colchón de puntos que nos permitía pinchar un encontro e o gastamos, non pasa nada, a pensar xa no Acerón e a ver cada xornada como unha auténtica final. Podemos!

“Inmellorable oportunidade para abrir oco” Wapichi-DCM

2011-03-10T19:29:00.004+01:00

Partidazo o que nos trae a vixésimo xornada de campionato. O 3º clasificado (Wapichi) recibe ó 2º (DCM), nun encontro onde a victoria é case unha obrigación para o Wapichi e unha oportunidade extraordinaria para o DCM.

E é que os nósos conseguiron chegar a este tramo de tremenda dificultade da competición sacando 3 puntos máis golaverage ó seu inmediato perseguidor. Iso fai que incluso perdendo (salvo histórica goleada por 14 goles de diferenza), os nósos manterán a 2ª praza da táboa.
O encontro é por tanto para o DCM unha magnífica ocasión para abrir un pequeno oco na clasificación entre os dous primeiros postos (que significan o ascenso directo) e os equipos que aspiran a sacar ós dcmistas deses postos privilexiados.
Pola contra, para Wapichi, o encontro adquire uns tintes algo máis dramáticos, xa que unha derrota ante DCM os deixaría a 6 puntos máis golaverage, polo que terían que agardar alomenos dous futuros tropezos dcmistas para poder superalos na táboa.

O Wapichi é o equipo menos goleado da categoría e tamén o que menos coñece a derrota (xunto co P.Eloy) e é que só perdeu 3 encontros polos 4 nos que caeron os dcmistas.

As cábalas que se poderían facer sobre o encontro, de pouco valen polo terreo de xogo elixido para a organización para a desputa deste partidazo.
E é que o pavillón de balaídos polo reducidas das súas medidas fai que dificilmente os equipos poidan desplegar o seu xogo habitual e todos os encontros sexan moi similares. Encontronanzos, rexeites, moitas desputas de balón e goles que acaban entrando na portería tras unha serie de carambolas.
Neste tipo de campos, os gardamallas soen adquirir unha importancia todavía maior á que teñen normalmente, e é que os disparos cara as súas porterías soen ser sempre moi cercanos e tapados por unha maraña de pernas que se convirten en auténticos pinballs antes de chegar ata os porteiros.

Aínda así o DCM debe saber que Wapichi é un deses rivais que non gustan ós nósos. Equipo que basea os seus bos resultados na súa seriedade (de ahí que sexan os menos goleados). Seriedade que xa demostrou no encontro de ida, no que Wapichi foi madurando o encontro e sen desplegar un xogo que encandilase, puido levarse a vitoria ó cometer menos erros que os Dcmistas.
Por iso, o DCM que tamén é un equipo que acostuma a vivir da súa maior colocación e seriedade no campo, perde ahí unha das súas mellores armas, e deberá conxugar unha defensa perfecta (invocando a realizada fai unhas xornadas na victoria ante ParquetsEloy) con un ataque demoledor (que misture a efectividade dos nosos dianteiros de transformar todo o que lles chega (véxase a segunda metade ante PonteAPintar), e tamén por momentos co bo facer dos nosos medios trenzando xogadas e facendo xogar a todo o equipo (estilo ós encontros ante FrutasNieves e Caf.Castelao na última xornada)).
En definitiva, o DCM se quere gañar, ten que unir o mellor que fixo en cada un dos encontros de esta tempada nun único partido, de maneira que non cometa apenas erros. Só de esa maneira poderá imporse a un dos mellores conxuntos do campionato.

Así que se queren acudir a un encontro cheo de tensión e emoción (non se garantiza bo fútbol), o sábado ás 19:00 horas na pista2 do Estadio Municipal de Balaídos.

Aliñación prevista:
--------Jorge--------
--Vare----Quique--
-------Pani----------
-------Emi-----------

Agárdase que completen a convocatoria todos os membros Dcmistas. Yago será dúbida ata o último intre, puidendo incluso chegar só para a segunda metade ou causar baixa definitiva.

Un saúdo!

PD: DEBAIXO DA PREVIA, NOVA XORNADA DE "VAI-Á-PORRA"

2011-03-09T21:20:00.003+01:00

Estes son os partidos seleccionados para a decimo novena xornada de VAI-Á Porra (20º do campionato 2010/2011)

Wapichi Vs. Deportes Carlos Miguel
Parquets Eloy Vs. NK
Acerón Vs. Caf.Zeus

Recordamos que:

- Para participar en Vai-á Porra débese por un comentario nesta nova.

- A puntuación é a seguinte

+1 punto por acertar o gañador do partido

+2 puntos por acertar o gañador do partido e os goles que marca un dos dous equipos

+5 puntos por acertar o resultado completo

E a continuación a clasificación xeral actualizada:
Moita igualdade na 18º xornada de Vai-Á-Porra na que DCM#5 e DCM#10 sacan un puntiño máis cos seus rivais ó acertar os dous goles do Lecer na súa derrota ante Parquets. Non houbo sorpresas e todo continúa igual de emocionante.

Moitas xornadas por diante, todo pode pasar; sigan participando en Vai-á-Porra!!

“Amosando fortaleza” DCM 9-0 Caf.Castelao

2011-03-07T16:03:00.002+01:00

O DCM solventa pola vía rápida un encontro difícil sobre o papel e suma tres novos puntos que lle permiten chegar a un tramo decisivo da tempada por riba das previsións máis optimistas. Os dous vindeiros encontros valen moito máis que tres puntos.

Ben sentados sobre o sillín, con xesto de concentración, mirada na carreteira, sen ver cara atrás e pedaleando cun ritmo alegre. Así superou o DCM o 19º kilómetro de etapa. Apenas pareceu sufrir desgaste, nun encontro que prevíase complicado (o rival chegaba de golear a Caf.Zeus), pero que os nósos arranxaron en escasos minutos.
Coa convocatoria de gala presentábase o DCM no pavillón de Manuel Antonio. Jorge formaría baixo paus, Emi e Vare en defensa, Pani de enganche e Yago en labores defensivas. Quique completaba no banco un dos mellores sextetos do campionato (para eles, a fotografía da crónica de hoxe).
Polas cabezas dos nósos homes pasaban dúas ideas, respeto ó rival e necesidade de traballar. Suficiente para que amosasen o mellor de sí mesmos e sorprenderan a un Caf.Castelao que saíu demasiado relaxado ó campo.
As axudas defensivas dcmistas eran continuas e a presión un arma que noqueou ó rival nos primeiros intres. Transcorridos os primeiros minutos de encontro e sen que Jorge tivese todavía que intervir, Pani en xogada individual convertiría o primeiro gol do encontro. 1-0.
Continuou o DCM superando ó rival en tódalas facetas de xogo e así seguirían chegando goles nesta primeira metade ata o 5-0 e incluso errando un dobre penalti.

Caf.Castelao estaba superado e non atopaba a forma de frear a un DCM que saíu a por máis na segunda metade. Sabedores do que ocorrera meses atrás contra Frutas Nieves nese mesmo pavillón, onde o equipo tamén vencía 5-0 ó descanso e compricouse a vida na segunda metade, desta vez a lección estaba aprendida e saíron como se o partido comezase de novo. O rival tivo máis posesión e máis ocasións que na primeira parte, pero o DCM tiraba contras letais que acabaron por sentenciar o partido ata o 9-0 definitivo.
Emi en catro ocasións, Pani e Quique en dúas e Yago cun tanto foron os goleadores. Ademáis, por terceira vez nesta tempada o equipo remataba coa súa porta a 0, algo que levaban perseguindo os nósos nos últimos encontros.

O equipo continúa á roda do Parquets Eloy (que venceu 9-2 a Lecer) e semella ser a mellor roda para chegar ó máis lonxe posible.
No partidazo da xornada, o próximo rival do DCM, o Wapichi saíu vencedor por 7-5 ante Caf.Zeus que suma a segunda derrota consecutiva.
Así Wapichi aúpase ata a 3ª posición e sitúase a 3 puntos dos dcmistas, otorgando ó encontro do vindeiro fin de semana un interés especial.
Analizaremos todo con máis detalle na previa.

Ata entón reciban un cordial saúdo e boa semana!

Fotografías do encontro:

https://picasaweb.google.com/102545914651497041447/110503DCMCafCastelao?authkey=Gv1sRgCO2Zr4a6x4eLDA#

Por cortesía da nosa fotógrafa LúaGil

“A manter o ritmo” DCM-Caf.Castelao

2011-03-03T17:59:00.004+01:00

Chega a décimo novena xornada de liga.
A situación do campionato nestes intres pode explicarse aplicando o símil dunha gran etapa ciclista. E é que superados xa máis da metade dos kilómetros desta gran etapa (19 dos 30) os ciclistas de cabeza de carreira (Parquets Eloy, DCM, CafZeus e Wapichi) están a impor un altísimo ritmo, constante e sen tregua. Ningún mira cara atrás, tan só tentan esgotar ós rivais, sacalos de punto.
Caf.Zeus que viña comandando a teté de la course nas últimas xornadas, tivo que abrirse a un lado no km 18 de ascensión, dando paso de novo ó favorito dende o inicio da carreira, o ParquetsEloy que retoma o maillot amarelo da competición. Tamén pasoulle un DCM que chegou ó grupo de cabeza dende atrás e por agora non baixa o ritmo. Wapichi que sufrira un esvaecemento xornadas atrás colle de novo a roda do grupo tralo pinchazo de Zeus (e esta xornada ambos enfréntanse nun interesantísimo encontro; un dos dous pode perder uns segundiños moi importantes).
O grupo de favoritos amplía cada vez máis a distancia cos persuivants, un Acerón e BarCocedero que semella non entenderse ós relevos.

A carreteira “pica” cada veiz máis cara arriba, aumenta o desnivel e os catro primeiros pretenden manter o ritmo para ver se algún deles é visitado polo home do mazo (monsieur mazó) nos vindeiros kilómetros e descólgase deste cuarteto que forma a cabeza de carreira.

O DCM debe por tanto manter o ritmo. Fixo o máis difícil chegando ata a roda do Parquets Eloy e agora non debe ceder terreo. Debe mostrar fortaleza, e seguir sacando puntos xornada a xornada agardando que os seus compañeiros de fuga vaian caendo.

Para superar este 19º kilómetro da etapa, debe vencer a un difícil Caf.Castelao que chega coa moral polas nubes tras golear 5-1 ó poderosísimo Caf.Zeus.
É un vello coñecido dos dcmistas no seu paso pola 3ªC. Un equipo moi irregular durante os campionatos, capaz do mellor e do peor segundo os xogadores dos que dispoña en cada partido.
Polo tanto o DCM debe estar precavido, agardar a un rival moi perigoso e saber que ten que xogar ó máximo nivel para poder obter a vitoria.
No encontro de ida o DCM venceu por 4-7 nun encontro tolo, no que adiantáronse os nósos por 0-2, empataría o rival 2-2 xa na segunda parte, e con ocasións para ambos lados o DCM tivo a fortuna de que acabasen en gol máis das súas ocasións que do rival.

O partido é fundamental para os intereses dcmistas. A carreira endurecerase todavía máis nas vindeiras xornadas, polo que hai que chegar ó pé de porto da montaña na mellor posición posible.
A cita, o sábado ás 20:00horas no pavillón de Manuel Antonio. Como diría o gran IagoAspas, “Haberá que sudar tinta gorda” para gañar o partido.

Imos DCM!!!

Última hora:
Aliñación probable:
------Jorge------
--Vare----Emi--
------Pani-------
------Yago------

Última hora: Quique chegará tocado por un proceso gripal. Chape é dúbida. O resto baixas.

18º xornada de Vai-Á-Porra e clasificación xeral

2011-03-02T19:36:00.004+01:00

Estes son os partidos seleccionados para a decimo oitava xornada de VAI-Á Porra (19º do campionato 2010/2011)

Deportes Carlos Miguel Vs. Caf.Castelao
Lecer Vs. Parquets Eloy
Caf.Zeus Vs. Wapichi

Recordamos que:

- Para participar en Vai-á Porra débese por un comentario nesta nova.

- A puntuación é a seguinte

+1 punto por acertar o gañador do partido

+2 puntos por acertar o gañador do partido e os goles que marca un dos dous equipos

+5 puntos por acertar o resultado completo

E a continuación a clasificación xeral actualizada:
A 18º xornada de liga correspondente coa 17º de Vai-Á-Porra deixounos o acerto completo de Karr do partido do DCM que o aúpa ata a 4ª posición. O empate do Acerón non foi quen de adiviñalo ninguén. Ademáis dito empate déixanos a curiosidade de que o DCM é actualmente o único equipo do grupo que non empatou ningún partido esta tempada.
Nota: Por solicitude do participante DCM#8, pasa a ser renomeado con DCM#10 ó trocar de dorsal este ano na súa equipación.

Moitas xornadas por diante, todo pode pasar; sigan participando en Vai-á-Porra!!

“Superando as dificultades” Silvafresh 2-4 DCM

2011-02-27T21:39:00.004+01:00

O DCM salva 3 puntos importantísimos nun partido no que o cansazo físico ante a falta de trocos puido custarlle un encontro vital. Tralo bo arranque dcmista que propiciou un 0-2 ó descanso, o Silvafresh volcouse na segunda metade cunha presión a todo o campo. Por fortuna o rival conformouse cando conseguíu o empate a dous goles e os nósos puideron retomar o mando do partido para lograr a victoria nos minutos finais.

Moito traballaron onte Jorge, Vare, Quique, Pani e Emi para sacar adiante un encontro vital. Os 5 elixidos saían de inicio querendo aparentar poderío (a pesares de non ter trocos) e favoritismo. Presión en todo campo, dominio do balón e ocasións. O rival, prudente defendía como podía o arranque dcmista.
Os nósos crearon moitas e boas ocasións nesta primeira metade pero non tiveron a puntería suficiente para sentenciar o encontro.
Por fortuna si obtiveron unha renta de dous goles. Emi abría o marcador cun disparo moi axustado ó pau dende a frontal do área facendo o 0-1. Despois sería Pani quen recibía no punto de penalti a pase de Vare para transformar o 0-2.
Apenas unha xogada de perigo real do Silvafresh nesta primeira metade facía pensar que o DCM ía a desfrutar dunha segunda metade plácida.

Pero o Silvafresh espertou no descanso. Xa non colou a intención dos dcmistas de seguir aparentando poderío a persar do cansazo que xa pesaba nas pernas. O rival deuse conta e saíu a por todas, cunha presión a todo o campo que soprendeu a un DCM que comezaba a acusar ó cansazo físico. Os nósos non eran quen de presionar a saída do rival da mesma maneira que na primeira parte e pouco a pouco o Silvafresh comezaba a crear ocasións de perigo. Os nósos trabucáronse na forma de respostar a esta situación de encontro. En lugar de replegarse de todo, quedaron nunha posición intermedia… metidos no seu campo porque o dominio era do rival pero tentando unha semipresión que deixaba moitos ocos ós dianteiros azulóns. Emi e Pani reservaban forzas para saír en contras nas que puideron sentenciar o encontro pero non tiveron fortuna. O agotamento chegaba ós dcmistas e o partido seguía aberto.
Silvafresh creu nas súas opcións e recurtou distancias cun disparo que se colaba entre Quique, Vare e Jorge 1-2, e apenas uns minutos despois empataba cun disparo no que Jorge non tiña fortuna e non era quen de deter 2-2.
O partido pintaba moi negro para os dcmistas que vían como o rival os superaba por malleira físicamente. Pero por fortuna o Silvafresh cometeu un terrible erro. En lugar de seguir coa presión a todo o campo que tiña afogado ó DCM, volveu ceder a posesión do balón tras conseguir o 2-2. Os xogadores dcmistas podían respirar de novo co balón no seu poder, e tras cargar pilas durante uns segundos botáronse a polo partido. Unha falta na frontal da área era transformada por Quique cun potente mísil terra aire (poden apreciar o gol claramente nas fotos cedidas pola nosa fotógrafa oficial no enlace do final da crónica).
O 2-3 foi un duro varapau para o rival, que non comprendía como deixara revivir ó DCM cando o tiña contra as cordas. Quedaban apenas 4 minutos e o DCM non cometería o mesmo erro do Silvafresh e ía aproveitar que o rival estaba tocado anímicamente para sentenciar o encontro co 2-4. Sería de novo Pani, tras un saque de banda de Emi cara Vare quen marchaba do defensa e servía para que Pani transformase o seu doblete particular.

Incrible traballo dos 5 fantásticos dcmistas quen lograban 3 puntos que estiveron imposibles por momentos e non só superaron as dificultades físicas senón tamén o xogo sucio que pretendeu impor o rival e ó que os nósos souberon non entrar.
En homenaxe ós 5 gladiadores, hoxe a crónica cambia de fotografía.

Analizaremos a clasificación na vindeira previa.

Grazas tamén as dúas afeccionadas presentes e á nosa fotógrafa pola reportaxe gráfica da que todos podedes desfrutar na seguinte dirección:
https://picasaweb.google.com/102545914651497041447/260211SilvafreshDCM?authkey=Gv1sRgCK-gkPqg2qCFUA#

Reciban un cordial saúdo!

“Obrigados a gañar” Silvafresh – DCM

2011-02-25T16:46:00.002+01:00

A 18º xornada do campionato, presenta unha nova xornada a priori favorable para os equipos que comandan a división.
Zeus visita a Caf.Castelao, Wapichi recibe ó LobisHome e Parquets ó Frutas Nieves, polo que todos agardan, en teoría, sumar 3 novos puntos ó seu casilleiro.
Iso obriga ó DCM a gañar, nun novo enfrontamento ante un equipo con obxectivos inferiores, polo que os nosos deben sacar os tres puntos para non ceder terreo cos aspirantes ó ascenso.

Para logralo os nosos xa coñecen a receita. Cero relaxación, cero confianzas e máximo respeto ó rival.
Un rival ó que venceron na ida por 7-1, un resultado enganoso en relación co visto sobre o campo. E é que no descanso o electrónico sinalaba un escueto 3-1 e o Silvafresh errara un par de claras ocasións para reducir distancias e incluso un dobre penalti para empatar o encontro. Na segunda metade o rival volcouse ó ataque cun porteiro semi-adiantado o que o DCM aproveitou para sentenciar o encontro.
Ademáis, o Silvafresh pode presumir de vencer a equipos do nivel de Wapichi. Na última xornada caeu derrotado ante Zeus por 6-4 un resultado máis que meritorio xa que o Silvafresh non tiña ó seu gardamallas habitual.
É un equipo con boas individualidades ofensivas (en ocasións abusan de ditas individualidades) e que chega na 8ª posición da táboa con 7 victorias, 2 empates e 7 derrotas.

O DCM conta para este encontro coas baixas de Pali e Xmon. Yago e Chape son dúbida. Pero cóntase co bloque habitual do equipo.
Semella probable que Quique sexa a parella defensiva de Vare unha vez máis e Emi adiante a súa posición á dianteira, aínda que se o partido require outras solucións, podería ser Emi quen ocupase a posición máis atrasada e Quique voltar ó seu posto habitual. Así pois a aliñación agardada é:

-------Jorge-------
-Vare-----Quique-
-------Pani---------
-------Emi---------

Mañán sábado ás 20:00 horas no campo da Mina. Non perdan detalle! Hai moito en xogo!
Sigan participando en Vai-á-Porra!

2011-02-23T20:15:00.003+01:00

Estes son os partidos seleccionados para a decimo sétima xornada de VAI-Á Porra 2010/2011

Silvafresh Vs. Deportes Carlos Miguel
Parquets Eloy Vs. Frutas Nieves
Acerón VS. BarKubi

Recordamos que:

- Para participar en Vai-á Porra débese por un comentario nesta nova.

- A puntuación é a seguinte

+1 punto por acertar o gañador do partido

+2 puntos por acertar o gañador do partido e os goles que marca un dos dous equipos

+5 puntos por acertar o resultado completo

E a continuación a clasificación xeral actualizada. Esta xornada deixounos dous protagonistas; Migui que consolídase un pouco máis como líder e DCM#8 que sube unha posición ó superar a Jorge que semella sufrir unha crise similar á do Betis. Os 3 primeiros continúan lonxe dos perseguidores, mais un acerto completo do resultado metería a máis xente na pomada.

Moitas xornadas por diante, todo pode pasar; sigan participando en Vai-á-Porra!!

“Coa mentalidade idónea” DCM 13-1 Ponte a Pintar

2011-02-21T19:20:00.003+01:00

O DCM conseguíu unha goleada histórica tras superar a un Ponte a Pintar que ata o descanso foi merecedor de alomenos un empate e que tralo intermedio non puido frear o aluvión dcmista.

A 17º xornada enfrontaba ós vermellóns ó colista da división, mais o equipo estaba en sobreaviso da dificultade do encontro, e cicáis iso, a mentalidade foi decisiva nun encontro que houbo que traballalo durante moitos minutos.
E é que se o DCM houbese chegado pensando que tiña todo feito… o partido sería outra historia. Se fosen coa idea de ser moi superiores e chegado o minuto 15 de encontro o marcador reflectise un 0-0 como foi o caso, comezarían os nervos, as presas, a tensión e os erros. Por fortuna na cabeza dos nosos homes estaba xa a idea de que non ía ser fácil, e por iso traballaron ó 100%, igual que se o rival fose o líder da categoría e grazas a iso conseguíuse esta importante victoria.

O inicio do partido non foi demasiado bo. Pode empregarse como símil o inicio de encontro do Celta de Paco Herrera, quince primeiros minutos de nerviosismo, sabedores de que agora hai moito en xogo en cada partido, quince minutos no que os nosos foron un pouco flans. Aínda así, os nosos levaban o peso do encontro e tiñan boas ocasións, pero non atopaban o camiño correcto; algunha decisión errónea no pase, tiros frouxos, pouca puntería… Por fortuna, o rival non aproveitou a ocasión e a penas chegaba ós dominios de Jorge.
Transcorrían os minutos e un dos candidatos ó ascenso non era quen de superar ó colista da división. Pero os nósos non tiñan presa, sabían que o partido había que traballalo e seguiron manténdose serios en defensa para a partires de ahí crear as ocasións.
Por fortuna a lata abríuse mediada esta primeira metade, nunha xogada sen aparente perigo moi escorada a banda dereita, na que Vare tiraba a parede con Pani quen dende liña de fondo servía ó punto de penalti para o desmarque do 5 quen empurraba a pracer; 1-0 e o máis difícil semellaba feito.
Sen embargo o 1-0 e os trocos deron paso a 10 minutos de acoso total do Ponte a Pintar que buscou o empate con toda a artillería. O DCM botouse atrás, eran minutos nos que había que sufrir, aguantar e esperar a que pasase a tempestade. Ó equipo faltoulle saída de balón nestes minutos para buscar unha contra, pero alomenos a pelotiña semellaba non querer entrar na portería dcmista. O Ponte a Pintar era total merecedor do empate, pero o que chegaría sería o 2-0. Na última xogada deste periodo na única saída do equipo cara campo contrario, Quique conseguía cun potente disparo un importante gol psicolóxico.

Tralo descanso o equipo volveu mostrar que tiña a actitude apropiada; a mentalidade idónea. E é que para nada saíron relaxados co 2-0, senón a traballar o partido de cero. E pronto obtiveron os seus froitos; Yago faría o 3-0 a pouco de principiar anotando un gol que unido o varapau do último minuto da primeira metade, afundíu de todo a moral dos Pintores. A partires de ahí o rival concedeu moitas facilidades defensivas, pero seguía buscando o gol na parcela ofensiva, polo que o traballo defensivo dos dcmistas non cesou. E aproveitando a fraxilidade en defensa, os nosos sentenciaron o encontro. Emi tras sacar de esquina e recibir a devolución de Vare atopábase sen marca e sacaba un bo disparo ante o que nada podía facer o gardamallas 4-0. E a partires de aquí emerxeu a figura de Yago, quen tocado como cunha variña máxica converteu 5 goles con 5 disparos en escasos minutos; cada balón que chegaba ós pés do dianteiro dcmista (sen ningunha oposición da defensa rival) acababa no fondo da portería, o 5-0, 6-0, 7-0 e 8-0 con potentes lanzamentos imposibles para o porteiro e o 9-0 xa foi o culmen dos seus minutos máxicos, xa que o gardamallas detía en primeira instancia e cando xa parecía ter controlado o balón escurríaselle e acababa na portería.
Feliz pola súa actuación marchaba do campo e deixaba lugar a Quique, que a pouco de entrar tamén convertía gol facendo o 10-0.
O Ponte a Pintar atoparía o gol da honra nunha indecisión entre Chape e Xmon que non sacaban o balón da área e o dianteiro empurraba batendo a Jorge. 10-1.
Chape uníase á goleada co seu primeiro gol do campionato facendo o 11-1 cun disparo dende banda dereita.
Pali de tacón era o encargado de facer un fermoso 12-1.
E Emi pechaba a conta ó enviar ó fondo das redes un rexeite do gardamallas 13-1.

Ó final o que importan son os 3 puntos que permiten ós nósos seguir o ritmo que impón a cabeza da liga formada por Zeus, Parquets e Wapichi. O Cocedero descólgase de novo trala súa derrota ante Acerón.
3 puntos que debemos agradecer á mentalidade e á actitude. Cada partido é unha final e non hai rival sinxelo.

O vindeiro será o Silvafresh, rival da zona morna da táboa. De novo para vencer será necesaria esta mentalidade, xa que un mínimo de relaxación tiraría todo pola borda. Analizaremos ó rival na previa.

Reciban un cordial saúdo!

“Alerta máxima” DCM-PonteAPintar

2011-02-18T13:46:00.002+01:00

Trala victoria ante o Parquets que situou ó DCM 3º e destronou ós amarelos do liderado, os nósos enfróntanse nesta decimo sétima xornada ó colista da división, no que debería ser un partido de trámite para o equipo.

E así o pensaban todos antes de analizar algún dos datos que xa adiantabamos na crónica do postpartido.
O Ponte a Pintar (equipo que rematou o ano pasado 4º clasificado de 2ªB por riba do DCM e que gañou na 1ª volta do curso pasados ós nósos por 5-4), atópase situado colista da división, sendo unha das sorpresas negativas da tempada.
Pero lonxe do que poida parecer, os resultados demostran que non é para nada un equipo fácil de superar. Tras recibir dúas goleadas nas dúas primeiras xornadas desta tempada (unha delas por 5-0 a mans do DCM), o equipo pintor non perdeu ningún outro partido por goleada (o máis recente unha axustada derrota ante o Zeus por 3-4, pero tamén 3-4 ante Cocedero, 3-5 ante Wapichi, 3-4 ante Silvafresh…) e non so iso, senón que sacou puntos importantes ante equipos punteiros (5-5 ante ParquetsEloy, 5-5 ante Lecer e victoria ante Acerón por 4-1).
Por se algún todavía ten dúbidas de que o DCM enfróntase a un rival moi perigoso esta xornada, daremos algún dato máis:
O Ponte a Pintar leva 52 goles a favor nestas 16 xornadas; número similar ó dos 6 primeiros clasificados e atención! dende a 2ª xornada de liga, o colista marcou 3 ou máis goles en todos e cada un dos seus partidos. Fantásticos números ofensivos por tanto, que non dan os seus frutos ó ser o equipo máis goleado do campionato con 71 goles en contra.
Agardo que xa ninguén dubide das dificultades que conleva este partido, moi lonxe da teórica idea de placidez que da enfrontarse ó último clasificado da liga.

Pero por se aínda non fose suficiente para pensar que o encontro debe por ó DCM en alerta máxima, dicir que o equipo chega de gañarlle ó líder da competición, e enfrontarse agora ó colista pode provocar un exceso de confianza nos nósos.
Ademáis, o equipo alzouse á 3ª posición da táboa clasificatoria, e nas 3 ocasións anteriores que o equipo logrou este mesmo posto, saíu derrotado na xornada seguinte.
E xa por último e para deixar de asustar ó persoal, só dicir que o encontro dispútase no Pavillón de Moledo, un lugar onde os nósos non están cómodos (así o demostra os 10 goles que lles meteu BarCocedero esta tempada en dito pavillón).

Queda pois todo dito, encontro de alerta máxima.
Os nósos traballaron moito para voltar a esta 3ª praza; pero un novo tropezo podería ser xa irremediable. É momento de afianzarse. É momento de agarrarse a esta 3ª praza para agardar logo a ocasión para seguir escalando, un esbarón contra o Ponte a Pintar podería ser moi grave.

Para este encontro o equipo poderá contar co seu bloque principal e non agárdanse baixas significativas, así que a aliñación probable sería:
----------Jorge---------
---Vare--------Pali----
----------Pani----------
---------Yago----------
Recorden, sábado ás 16:00 horas no Pavillón de Moledo. Todo apunta a que será un encontro con moitos goles!

2011-02-16T20:37:00.003+01:00

Estes son os partidos seleccionados para a decimo sexta xornada de VAI-Á Porra 2010/2011

Deportes Carlos Miguel Vs. Ponte a Pintar
BarCocedero Vs. Acerón
Caf. Zeus VS. Silvafresh

Recordamos que:

- Para participar en Vai-á Porra débese por un comentario nesta nova.

- A puntuación é a seguinte

+1 punto por acertar o gañador do partido

+2 puntos por acertar o gañador do partido e os goles que marca un dos dous equipos

+5 puntos por acertar o resultado completo

E a continuación a clasificación xeral actualizada. A decimo quinta xornada deixounos uns resultados moi sorprendentes segundo os nosos participantes. Ninguén foi quén de prever a derrota do Wapichi e só Migui foi quen de acertar o signo do Parquets-DCM (e os goles do Parquets), o que o levan de volta ó liderado da clasificación. Orly, DCM#5 (que chega á 4ª posición) e DCM#8 arañaron un punto da victoria do FrutasNieves, namentres Quique e Karr non estiveron acertados esta xornada.

Moitas xornadas por diante, todo pode pasar; sigan participando en Vai-á-Porra!!

“Unha victoria para non esquecer” ParquetsEloy 2-3 DCM

2011-02-14T18:54:00.002+01:00

Dúas dianas dcmistas nas dúas primeiras ocasións do partido foron determinantes para un encontro no que os nósos basearon a victoria nunha sobresaínte defensa que Parquets non foi quen de saber atacar. O equipo aúpase de novo ó 3º posto da clasificación.

Cinco partidos fixéronlle falta ó DCM para poder saber o que é gañarlle ó ParquetsEloy e non só iso, senón facelo cando os amarelos son os líderes da división.
Por iso e porque son 3 puntos que colocan ó equipo 3º na táboa, falamos dunha victoria que perdurará moito tempo na memoria dos dcmistas, dunha victoria para non esquecer.
Ademáis, eran poucos os que confiaban nas posibilidades dos nósos no encontro ante o líder, non só porque o DCM nunca fora capaz de plantarlle cara ó Parquets senón porque ademáis prevíase a baixa do gardamallas Jorge, o que complicaba moito máis o partido. Pero finalmente Jorge entraba na convocatoria in-extremis tras aplazarse a súa viaxe laboral.

Aínda así, o claro favorito do encontro era un Parquets Eloy que está a realizar unha fantástica tempada. Pero os amarelos saíron relaxados co pitido inicial e o DCM soubo aproveitalo moi ben, como xa ven sendo habitual nas últimas datas, o equipo vermello saía a polo partido, cunha presión defensiva a todo campo e un alto ritmo de xogo nos primeiros compases do encontro, o que deu lugar ós dous goles que trocarían radicalmente o encontro. Primeiro Emi tras un roubo e tirar unha parede con Quique e practicamente na seguinte xogada, sería o propio Quique o que acadaría o segundo tras apoiarse en Emi. Apenas transcorreran 5 minutos de xogo e saltaba a sorpresa, 0-2, namentres o Parquets todavía non pasara do mediocampo.
Ese marcador trocou completamente o prantexamento dambolos dous conxuntos o resto do encontro, dando lugar como é lóxico a unha posesión total do esférico para o Parquets e a un DCM atrincherado no seu campo, defendendo a renda obtida.

A pesares da vantaxe, os nósos todavía non estaban convencidos das súas opcións, e é que Parquets comezaba a entrar no partido, o Vasco comezaba a entrar en contacto co esférico, e vellas pantasmas das 4 derrotas precedentes aparecían nas cabezas dos dcmistas. E máis cando o Parquets ía romper o muro defensivo dos branquivermellos para facer o 1-2. Sería con algo de fortuna, nunha xogada volcada pola banda esquerda da nosa defensa, que acababa chegando ó lado oposto a un xogador con tempo para cargar o disparo, un tiro que colábase por debaixo das pernas dun dos nósos e que Jorge chegaba a tocar pero sen poder evitar o gol.

Todo facía indicar que o líder ía poder dar a volta ó marcador inicial.
Pero sen apenas tempo para que o Parquets volvese á carga, o DCM acadaba un novo gol, moi similar ós dous previos, presión na saída do esférico rival, o balón caíalle moi franco a Yago que facía o terceiro e aumentaba de novo a vantaxe a dous goles, así pois mediada a primeira parte chegaba o 1-3.
Ese gol cuadriplicou as opcións dos nósos no encontro e cuadriplicou tamén as gañas, o compromiso e o esforzo de cada un dos nosos xogadores. Ademáis, agora sí que quedaba claro o que había que facer, defender con unllas e dentes a renda optida.
O líder estaba tocado pero quedaba moito encontro por diante. Retomaron a posesión do balón e tentaron recurtar de novo distancias. Pero os minutos comezaron a transcorrer sen que nada ocorrese. Parquets seguía acumulando posesión pero era incapaz de crear ocasións claras de gol, e o DCM cada ataque rival que conseguía frear facíase máis forte. Cada xogada era defendida como se fose a última do encontro por parte do noso equipo e iso complicoulle totalmente a vida ó rival que non atopaba a fórmula para penetrar en tal maraña defensiva e así chegouse ó descanso.

Tralo tempo de refrixerio, as posicións volvéronse máis extremas.
O DCM xa non quería saber nada do esférico, vivía única e exclusivamente para defender. Parquets asumía todo o peso do partido, e tentaba de tódolos xeitos crear ocasións de gol, pero unha e outra vez atopábanse coa defensa dcmista. 5, 10, 15 minutos da segunda metade e sen ocasións claras para os amarelos. Tentouno o Parquets introducindo un dianteiro máis fixo, retrasou a posición do Vasco, volveu buscar a movilidade do seu número 6, probou con disparos lonxanos… pero nada deulles resultado. E non só iso, senón que o DCM comezaba a gozar de contragolpes perigosos aínda que fosen a contagotas.
Os nervos apareceron en ambos conxuntos. Cada acción era unha auténtica final. Cada xogada era protestada ó colexiado, quen tentou non acelerarse ante tanta tensión de ambos equipos.
Quedaban apenas 5 minutos e no único despiste defensivo dos nósos, o balón chegaba a un atacante desmarcado en banda e o seu centrochut petaba en Xmon e introducíase en propia porta. O segundo gol deulles folgos aos homes do Parquets, xa que cando xa vían o partido moi costa arriba encontraban un tanto que os metía de cheo no encontro. Os minutos finais foron de locura, o asedio local incrementouse e a piques estivo de atopar o empate. Chegaba a ocasión máis clara do Parquets nas postrerías do partido, nun balón bombeado que Jorge deixaba pasar e petaba no seu longueiro provocando un principio de infarto a máis de un, por fortuna ninguén esperaba que o balón quedase morto dentro do área e a defensa puido completar a acción defensiva. Chegabase así ao final do encontro, tres puntos no peto Dcmista, que festexou o asubío final coma se dun título se tratase.

Unha victoria para non esquecer.
O equipo principia a segunda volta mellorando o feito na primeira, algo que como xa diciamos na previa é esencial para conseguir o obxectivo.
Ademáis a derrota do Wapichi leva ós nósos ata a 3ª posición, pero coidado! ata o momento as 3 veces que o equipo situouse 3º na clasificación, colleitou unha derrota na xornada seguinte. É o momento de afianzarse. Para iso o equipo debe vencer ó PonteAPintar, colista da división pero que dende que perdeu na 2ª xornada da primeira volta co noso equipo por 0-5 non volveu saír goleado de ningún encontro, perdendo só por dous ou menos goles de diferenza, sendo quen de vencer a Acerón, de empatar a equipos como o ParquetsEloy e o Lecer e de só perder por un tanto nesta xornada ante o potente Caf.Zeus. Polo tanto, para nada partido sinxelo!

Queda todo dito.
Boa semana para todos e ata a previa!

“Principia a 2ª volta. Obxectivo: superar o acadado na 1ª” Parquets-DCM

2011-02-11T19:12:00.003+01:00

Rematou a primeira volta da liga. 15 xornadas que deron para moito; alegrías, ilusión, sorpresas, decepcións…
15 xornadas que deixan a división da seguinte maneira:
§ 4 equipos loitando man a man polas dúas prazas de ascenso a primeira división. ParquetsEloy(34), Caf.Zeus(31), Wapichi(30) e DCM(30).
§ 2 equipos na retagarda por se algún dos 4 favoritos entran en barrena. BarCocedero(24) e Acerón(24)
§ 4 equipos na zona morna da táboa. Silvafresh, Frutas Nieves, Castelao e Lecer
§ 5 equipos loitando por evitar os postos de descenso. DobleCordero, NK, LobisHome, BarKubi e PonteAPintar.

Os nósos rematan a primeira volta cumprindo os seus obxectivos; están na pelexa polo ascenso (a 1 só punto do ascenso directo e a 4 do liderado) e manteñen intactas as súas opcións de refrendar o seu título de campión da deportividade.
30 puntos en 14 partidos, con 10 victorias e 61 goles a favor son números fantásticos (a tempada pasada o equipo tan só conseguíu 8 puntos máis dos que ten agora ó final do campionato (38) e só unha victoria máis tras 26 xornadas (11). Ademáis o equipo está a tan só 27 goles do total marcado a tempada pasada (88) e todavía con 14 encontros por diante).
Pero existen outros números que fan que a euforia non se desate e que reducen bastante o optimismo. As 4 derrotas igualan o número de derrotas na 1ª volta da tempada pasada, e ademáis 3 delas foron ante os 3 primeiros clasificados e con sendas goleadas, polo que o DCM semella ser o rival máis débil dos candidatos ó ascenso. E os 41 goles en contra que superan ós recibidos na tempada pasada a estas alturas son un cifra bastante elevada para un equipo que aspira ó ascenso.

Con todo iso, a situación é clara. O equipo debe mellorar un chisco o conseguido na 1ª volta do campionato se quere alcanzar o seu obxectivo clasificatorio.
Moi difícil pero non imposible.

Para empezar o prato máis forte, o líder da categoría e besta negra do DCM; 4 enfrontamentos directos e 4 derrotas para os nósos. Un Parquets Eloy que comezaba a campaña con dúas baixas importantes (que ficharon polo Galecoi) pero os reforzos levaron ó equipo a ser o máis temido da división, con tan só dúas derrotas (ante Zeus e Lecer) e un empate (ante Ponte a Pintar). Ademáis é o 2º equipo máis goleador e o 2º menos goleado.
Neste 5º enfrontamento entre ambos conxuntos o DCM agarda atopar coa tecla adecuada para gañar ó Parquets, xa que ata o de agora e por máis que estudou os puntos fortes do rival, nunca foi quen de frealo. O Vasco é o seu principal referente, e agardemos que os nósos non volten ter pesadelos unha vez máis con él.
Porén, a situación na que o DCM visitará ó Parquets é a peor posible. A baixa de Jorge marcará claramente o encontro. Todavía non se desvelou se o DCM empregará ós homes que mellor desenvólvense baixo paus ou decidirá non sacrificar a ninguén a dedo, botando a sortes un par de gardamallas que farán o que poidan na porta.
Así que o equipo xa non poderá centrar os seus esforzos en pensar no rival senón que terá que centralos en defender a súa porta con unllas e dentes.
No deporte sempre hai opcións de victoria e os nósos as apurarán con tódalas súas forzas.

O desenlace o domingo ás 19:00 horas en Lavadores.

Reciban un cordial saúdo.
Sigan participando en Vai-á-Porra na entrada de abaixo.

Xornada 15 e Clasificación "Vai-á-Porra"

2011-02-09T21:40:00.004+01:00

Estes son os partidos seleccionados para a decimo quinta xornada de VAI-Á Porra 2010/2011

Parquets Eloy VS. Deportes Carlos Miguel
Wapichi VS. BarCocedero
Lecer VS. Frutas Nieves

Recordamos que:

- Para participar en Vai-á Porra débese por un comentario nesta nova.

- A puntuación é a seguinte

+1 punto por acertar o gañador do partido

+2 puntos por acertar o gañador do partido e os goles que marca un dos dous equipos

+5 puntos por acertar o resultado completo

E a continuación a clasificación xeral actualizada. Aclaramos que o encontro entre Wapichi e Acerón o contabilizamos tal e como o publicou a organización de VigoEnXogo (4-2).
Con todo Orly colócase como novo líder tras acertar o resultado do NK-DCM. Quique baixa á 2ª posición e Migui sitúase 3º.

Moitas xornadas por diante, todo pode pasar; sigan participando en Vai-á-Porra!!

Con paso firme. NK 1-6 DCM

2011-02-06T23:18:00.005+01:00

Con paso firme camiña un DCM que hoxe acadou a súa 4ª victoria consecutiva, o que lle permite rematar a primeira volta cun notable alto de puntuación. Fai 4 xornadas nada facía presaxiar que o equipo DCM'ista remataría en tan bo estado de forma esta primeira volta. De aquelas o equipo adestrado por Ratkovic Varela viña de perder un partido fronte o Cafetería Zeus que nunca se tivo que ter escapado, e firmaba uns números que so invitaban a pensar na zona media da táboa, xa que tiña 6 vitorias e 4 derrotas. Porén tras estes 4 partidos o equipo atópase instalado na parte alta da táboa clasificatoria, no terceiro ou cuarto posto dependendo do resultado de hoxe entre o Parquets Eloy e o Cafetería Zeus, firmando como diciamos unha notable primeira volta onde o equipo firma 10 puntos máis que o ano pasado a estas alturas (o ano pasado contaban con 6 victorias, 2 empates e 5 derrotas, tan só unha derrota máis pero bastantes menos victorias) (cómpre destacar que se tiña xogado un partido menos xa que o partido contra o Decoraciones Costas ó final non computou).

Xa centrándonos no partido de hoxe, o equipo DCM'ista saltaría ó campo cun quinteto inicial formado por Jorge na porta, Vare e Quique en labores defensivas e Emi e Pani con liberdade arriba. No banco agardaba a súa oportunidade Chapela quen finalmente acudiu a un partido onde segue a mostrar claros síntomas de mellora. Máis tarde chegaría Yago que por culpa de compromisos profesionais chegaría mediada a primeira parte.

O partido non podía comezar mellor para os nosos, xa que nos primeiros minutos Emi aproveitaríase dun erro no saque do gardamallas visitante, a quen lle esvarou o balón das mans e fixo un saque defectuoso que foi interceptado por Emi, que non tivo máis que empurrar o balón para conseguir o primeiro gol do partido. Nembargantes o NK non se descomporía con facilidade e non lle puxo as cosas nada sinxelas ós nosos. Tal foi o punto que o partido chegaría con resultado de 0-1 no marcador. O DCM levaba o peso do partido pero non daba a sensación de perigosidade que si que tivera nos partidos anteriores, e o NK podía facer gol en calquera xogada illada, xa que na primeira parte aínda que moi escasas, tamén tivo a oportunidade de facer gol.

Como dicíamos cun 0-1 chegaríase ó inicio da segunda parte onde o DCM por fin foi quen de desatascar o partido. O primeiro paso para desatascalo o puxo Pani quen nunha xogada dentro do área foi obxecto dun penalti que non deixaba lugar a dúbidas, e no que Arango non pensouno dúas veces antes de asubiar e apuntar ó punto de penal. Quique sería o encargado e executalo disparo e con gran mestría poría o 0-2 no marcador. Tamén sería o 9 DCM'ista o encargado de facer o terceiro gol, sería nunha preciosa xogada individual que remataría cun recorte a un defensa visitante e co balón no fondo da portería local. O DCM xa xogaba con máis tranquilidade e o NK abría as liñas na procura dunha xogada que lle permitise recortar distancias. E a verdade e que o NK logrou atopar o camiño para inquedar un pouco a portería visitante, porén o risco que corrían era que o DCM matase aínda máis o partido nunha contra. Pero non foi así, o DCM si que mataría o partido pero o faría nun córner onde Quique esqueceríase xa definitivamente da súa seca goleadora facendo un particular hat-trick ó marcar cun disparo mordido que entraría entre as pernas do gardamallas, quen a pesar do erro no primeiro gol estaba a firmar un partido notable, e que foi un dos causantes de que o DCM non ampliara distancias con anterioridade. O 0-5 sería obra de Yago quen a pesar de chegar tarde ó partido puido anotar un gol máis na súa conta particular, e ademais dunha bela factura xa que o balón entrou na portería por toda a escadra. Con 0-5 no marcador o DCM relaxaríase máis se cabe e o NK dispuxo de 2-3 ocasións bastante claras, e unha delas rematou en gol. 1-5 no marcador e todo facía presaxiar que o partido remataría así, nembargantes na derradeira xogada do partido, nun córner a prol dos nosos Emi sería quen de anotar polo primeiro pau o 1-6 que finalmente reflectiría no imaxinario electrónico do máxico monte da mina.

Victoria importante para os intereses do cadro vermello-branco, xa que consegue afianzarse nos postos altos da táboa e sacarlle 6 puntos a un duro rival como e o Acerón. Ademais esta serie de vitorias fai que o equipo chegue nunha moi boa dinámica ó comezo da segunda volta, onde terá que enfrontarse ó líder da categoría, a un moi regular Parquets Eloy que a falta do que sucedera hoxe sacáballe unha vantaxe de 6 puntos ó segundo clasificado, e que na primeira volta foi quen de derrotar ós nosos por 5 goles a 0. Agardemos que desta vez o equipo, que chega como dicimos con máis confianza, sexa quen de plantarlle cara e por fin lograr unha victoria ante unha das súas bestas negras, o Parquets Eloy. Lino lles contará todos os pomenores na previa.

Un saúdo e grazas ós seareiros que acudiron ó Monte da Mina, nun horario pouco apetecible para animar ós nosos.

“Unha oportunidade de ouro” NK - DCM

2011-02-04T16:29:00.002+01:00

A derradeira xornada da 1ª volta da liga, presenta ó DCM unha ocasión inmellorable para situarse como un dos candidatos a loitar polo ascenso esta tempada, ou alomenos pelexar por unha terceira praza que se ben non otorga o ascenso directo, soe vir acompañada tamén coa mesma recompensa.
E é que esta décimo quinta xornada déixanos dous enfrontamentos directos entre os primeiros clasificados; o líder, o Parquets enfróntase co 2º clasificado, o Caf.Zeus e o Wapichi (3º) terá enfronte ó Acerón (5º), namentres que os nósos, terán en teoría un partido máis asequible ó visitar o 12º clasificado da división, o NK.

A clasificación nestes intres é a seguinte:
1º. Parquets Eloy  34 puntos
2º. Caf. Zeus  28 puntos
3º. Wapichi  27 puntos
4º. DCM  27 puntos
5º. Acerón  24 puntos

Prever o que pasará nesta xornada é moi difícil, e puidera darse o caso de que nin vencendo o seu encontro, os nósos subiran postos na clasificación (se gañasen Zeus e Wapichi), pero recurtarían distancias co Parquets e ampliarían a diferenza co Acerón.
Pero pase o que pase, semella claro que o equipo ten diante unha gran oportunidade para agarrarse ó vagón dos mellores, pero tamén hai que ter presente que é unha xornada na que se corre o risco de no caso de sufrir unha derrota quedar descolgado do grupo dos mellores e tal e como están as cousas terían moi difícil achegarse de novo ós postos de ascenso.

Estamos por tanto ante unha xornada decisiva onde os 3 puntos serán unha obrigación para o equipo se é que pretende ter o ascenso como obxectivo real.

Para conseguilo haberá que gañar a un rival descoñecido ata o momento para os nósos.
O “NK”, procede da 3ªDivisión Grupo A, onde conseguíu o ascenso tras quedar no 3º posto da clasificación.
A súa posición na táboa é a duodécima. Suma 4 victorias, 1 empate e 8 derrotas con 33 goles a favor e 60 en contra (o 2º equipo máis goleado).
Porén, os nosos non deben confiarse, xa que o NK foi quen de empatar co Wapichi e ven de pórlle as cousas difíciles ó Caf.Zeus co que caeu derrotado por 7-4.

Polo tanto o DCM deberá mostrar o seu mellor nivel para que non haxa sorpresas e os 3 puntos queden no peto dcmista.
A convocatoria para o encontro será en parte unha incógnita ata o último intre, aínda que non é algo que preocupe en demasía, xa que manterase o bloque que conformou o quintento inicial na anterior xornada (Jorge, Vare, Pani, Emi, Quique) e como quedou latente nese último encontro ante Lecer, o equipo dá un gran nivel con convocatorias escasas de efectivos. Ademáis regresa Yago trala súa estancia en Londres, aínda que é probable que non poda chegar para os primeiros minutos do encontro, sendo a súa participación máis probable na 2ª metade.

Máis importancia terá a mentalidade e o compromiso dos xogadores. Se o equipo xoga ó seu mellor nivel non debería ter problemas en conseguir a victoria, mais como alguén saia relaxado, a derrota os estará agardando.

En definitiva, a aliñación probabel será:

--------Jorge---------

---Vare------Quique--

---------Pani---------

---------Emi---------

O domingo ás 14:00 horas comprobaremos se o equipo da un golpe sobre a mesa amosando unha boa imaxe e colocándose no grupo dos candidatos ó ascenso, ou pola contra se regala 3 puntos de ouro e esquécese de tan difícil obxectivo.

Agardámosvos!
Un cordial saúdo! E non deixen de participar en Vai-Á-Porra na entrada de abaixo!

Xornada 14 e Clasificación "Vai-á-Porra"

2011-02-02T19:15:00.004+01:00

Estes son os partidos seleccionados para a decimo cuarta xornada de VAI-Á Porra 2010/2011

NK VS. Deportes Carlos Miguel

Wapichi VS. Acerón

Parquets Eloy VS. Caf. Zeus

Recordamos que:

- Para participar en Vai-á Porra débese por un comentario nesta nova.

- A puntuación é a seguinte

+1 punto por acertar o gañador do partido

+2 puntos por acertar o gañador do partido e os goles que marca un dos dous equipos

+5 puntos por acertar o resultado completo

E a continuación a clasificación xeral actualizada!
Quique logrou acadar a 1ª posición nestas 4 xornadas, pasando da 4ª posición a ser o líder da competición. Migui baixou ó 2º caixón onde tamén atópase Orly que conserva a súa posición. Jorge cae do podium e os demáis continúan a súa persecución pero necesitarán acertar alomenos un resultado completo para achegarse ós postos de medallas.

Sobriedade, o camiño cara a regularidade. DCM 6 - 1 Lecer

2011-01-31T23:22:00.003+01:00

Benqueridos lectores, reciban un cordial saúdo, nesta a miña primeira crónica como cronista oficial do blog. Por mor de motivos profesionais que me obrigan durante a semana a traballar na prensa do ámbito económico, vinme obrigado a solicitar a Lino un cambio de posto. Sendo el quen se ocupará das previas e eu das crónicas, a lo menos até finais de abril, onde pode que todo volva a como estaba antes. Sen máis dilación intentaremos contarvos o que foi o partido do DCM, pedíndolles que sexan comprensivos porque nesta primeira crónica non seremos quen de acadar o nivel de Lino, xa que para iso faranos falla moita experiencia.

O DCM disputaba esta domingo, nun escenario inmellorable como é o pavillón de Bembrive, un partido que se antollaba complicado para os nosos, xa que o rival o Lecer é un deses equipos que ós nosos dánselle especialmente mal debido a súa seriedade defensiva. O Lecer é un equipo que gusta de xogar á contra buscando as costas dos defensas rivais, pero os nosos advertidos deste feito, e facendo gala dunha moi boa organización defensiva non deixou lugar as dúbidas e dominou de comezo ó fin o partido.

O Comezo do partido foi positivo para o DCM, o equipo dominaba sen crear excesivas ocasións de gol pero chegando con certa asiduidade ás inmediacións do meta rival, e era quen de manter a súa portería allea ó perigo como xa o fixo nas primeiras partes dos partidos contra o Frutas Neves e o Doble de Cordero sen Cebolla. E iso que o equipo DCM'ista tivo que afrontar este partido con tan so dous defensas na convocatoria e un deles, Chapela que tan só estaba dispoñible para algúns minutos. Como diciamos o DCM dominaba no campo pero non era que de concretar os goles, porén o equipo non caeu na precipitación e con moito oficio e paciencia foi quen de atopar dous goles que farían as delicias das seareiras que onte se atopaban no municipal de Bembrive. Co resultado de 2-0 chegaríase ó descanso, un resultado non moi avultado pero ó que se chegaba con boas sensacións, xa que o Lecer tan só foi quen de crear unha ocasión de perigo, aínda que a piques estivo de ter outra por cortesía do porteiro do DCM, Jorge, que tras evitar que un balón saíse de fondo, fixo por segunda xornada consecutiva un mal pase cara o centro estando el escorado no córner. Por sorte Quique foi quen de emendalo erro e incluso de crear unha ocasión á contra.

Na segunda parte o terceiro gol tardaría en caer, pero unha vez que chegou o Lecer viuse abaixo defensivamente e finalmente caeron goleados. Nesta segunda parte o DCM ademais de seguir mostrando unha sobriedade defensiva que lle pode reportar moitas ledicias nas vindeiras xornadas, mostrou un importantísimo arsenal ofensivo cunhas xogadas que ata o de agora so se podían ver nalgún adestramento e que por segunda xornada consecutiva déronse cita nun partido oficial de Vigo En Xogo. Porén a pesar desta gran segunda parte que faría que os nosos marcasen por terceira xornada consecutiva máis de 5 goles (6 nesta ocasión), a mala nova foi que nunha xogada illada nun erro na saída do balón o Lecer faría o gol da honra, con algunha dose de fortuna xa que rexeite caíalle a un rival que marcaría gol a porta baleira. O Resultado final por tanto foi de 6-1, con 3 goles de Emi, 2 de Quique (moi criticados polos seareiros no comezo do partido pola súa invernal vestimenta, pero que finalmente foise aplaudido polo seu bo rendemento tanto en ataque como en defensa) e 1 gol de Vare.

Polo tanto moi bo partido do DCM, que fan que por unha vez na historia do equipo, o mes de xaneiro sexa un mes de confirmación e non de dores de cabeza. Con este resultado o equipo DCMista mantén a súa posición sen obter ningunha vantaxe xa que os 6 primeiros clasificados gañaron os seus partidos (o Wapichi non xogaba esta xornada pero gañou o seu partido aprazada), pero confírmase como candidato ó ascenso, e arranxa unha primeira volta que ata o de agora estaba sendo irregular pero que finalmente pode pechar con 10 vitorias e 4 derrotas. Pero para iso o equipo DCM'ista deberá superar ó N.K. un rival que como contaravos Lino na previa non lle porá as cousas nada sinxelas ós nosos. Polo tanto boa xornada para o DCM que aínda que non lle permite recortar puntos na clasificación, si que supón un reforzo na autoestima dos nosos que logran encadear 3 partidos a un moi bo nivel, o que fan soñar ós seareiros máis optimistas co ascenso a primeira división. Soñar é gratis, pero a competición é moi dura, polo que de momento tan só nos queda ir partido a partido.

Un saúdo a todos.

“A continuar a xeira ante o mataxigantes da liga”

2011-01-28T21:23:00.002+01:00

O DCM buscará nesta decimo cuarta xornada do campionato prolongar a súa boa xeira de resultados neste ano 2011, onde suma dúas victorias en outros tantos encontros.

Enfronte terá a un rival que destaca pola súa experiencia e polo seu bo facer defensivo (é o 3º equipo menos goleado da división). O Lecer, un dos equipo máis veteranos da competición chega a este encontro 10º na táboa, con 4 victorias, 4 empates e 4 derrotas e amosando ser un mataxigantes; foi o único equipo capaz de vencer ó líder, Parquets Eloy, conseguíu empatar co Wapichi e tamén venceu a Acerón, amosando así ser un equipo que ten opcións de victoria ante calqueira rival. Caracterízase ademais por rendibilizar moito os seus goles, xa que cun golaveraxe de -2 (33 a favor por 35 en contra) tan só perdeu 4 dos 12 partidos xogados. Eses goles chegan na súa maior parte en contragolpes que buscan constantemente; cada ataque errado do rival, convírtese en ocasión de perigo para Lecer, que con gran celeridade busca o saque longo do seu gardamallas para buscar as costas dos defensas e o despiste rival para plantarse na portería rival cunha ocasión clara de gol.
Datos que deixan constancia da gran dificultade do encontro.

Deberá por tanto o DCM buscar a fórmula para superar a unha das mellores defensas do campionato (a velocidade de circulación de pelota e as paredes serán claves) e deberá estar moi atento a eses saques rápidos e en longo que tanto cústalle defender ó noso equipo.

Para logralo, Ratkovic contará cunha convocatoria de 6 ou 7 xogadores, da que causan baixa segura Yago (de viaxe en Londres) e Xmon (de exames en Santiago) e será dúbida Chape.
Así, a alineación probable será:
-------------Jorge--------------
-----Vare-------------Pali-----
--------------Emi--------------
------------Quique-------------

De novo tres puntos fundamentais para seguir con máis aspiracións que o trofeo á deportividade.

Agardamos a súa asistencia o domingo ás 20:00 horas no pavillón de Bembrive.
Reciban un cordial saúdo!

Xornada 13 Vai-á-Porra

2011-01-27T17:38:00.002+01:00

Estes son os partidos seleccionados para a decimo terceira xornada de VAI-Á Porra 2010/2011

Deportes Carlos Miguel VS. Lecer

Acerón VS. Caf.Castelao

Bar Kubi VS. Ponte a Pintar

Recordamos que:

- Para participar en Vai-á Porra débese por un comentario nesta nova.

- A puntuación é a seguinte

+1 punto por acertar o gañador do partido

+2 puntos por acertar o gañador do partido e os goles que marca un dos dous equipos

+5 puntos por acertar o resultado completo

En canto Xaime teña un intre publicará a clasificación xeral, non desesperedes e seguide participando!

“15 minutos de ensoño foron suficientes” Frutas Nieves 3-5 DCM

2011-01-23T20:05:00.002+01:00

O DCM suma a segunda victoria consecutiva neste 2011 grazas a unha saída en tromba cara a portería rival nos primeiros 15 minutos de encontro, onde amosaron o seu mellor fútbol (cicáis dos mellores minutos do equipo na liga) que se traducíu nunha vantaxe de 4 goles a favor que á postre serían decisivos. Tralo 0-4 o DCM desapareceu da pista, comezaron os patadóns en longo sen sentido e Frutas Nieves chegou a meter o medo no corpo a falta de 8 minutos para o final co 3-5. Por fortuna os 3 puntos quedaron no peto dcmista.

Presión, recuperación e saída con paredes. Tres pilares deste deporte que onte o DCM soubo empregar nun arranque fulgurante de encontro que sorprendeu a propios e extranos. O que en ocasións o equipo é quén de facer nos adestramentos, onte por primeira vez foi quén de levalo á cabo na competición. As ocasións sucedíanse e o rival víase impotente ante tal intensidade dos dcmistas. Ós 15 minutos o marcador reflectía un contundente 0-4. Os anotadores foron Yago por partida dobre, Emi e Vare.
Con ese resultado, Frutas solicitaba un tempo morto para curtar a sangría goleadora, e conseguíronno. O DCM trabucouse por completo nas formas ó voltar á pista. Non pode achacarse á relaxación, xa que o equipo estaba desfrutando co xogo despregado nos primeiros intres e quería máis, pero esquecéronse do que ata o momento fixeran de marabilla para caer nos erros de sempre. Comezaron os pases en longo a ningures que ninguén é quén de comprender, deixouse de presionar encima ós rivais, deixándolles recibir e pensar, deixáronse de ofrecer desmarques e opcións de pase en curto para comezar a pedir o balón moi lonxe do pasador e así o partido pasou dun dominio absoluto, a un encontro no que o Frutas comezaba a ter o balón e un par de boas ocasións (balón ó pau incluido) e o DCM limitábase a algunha contra esporádica.

O descanso só servíu para confirmar eses últimos minutos da primeira metade. Por fortuna chegou un 5º gol de Yago que permitíu non sufrir de máis nos intres finais, nos que Frutas conseguíu recurtar distancias ata o 3-5 e todavía con oito minutos por diante. Por sorte, apenas houbo perigo neses derradeiros minutos e o pitido final do colexiado Eladio confirmaba unha victoria dcmista baseada nuns primeiros minutos para enmarcar e emborronada cos habituais vicios negativos do xogo dcmista no resto do encontro.

Este partido deixa moi claro o que se debe facer e o que non se debe facer. O equipo sabe como ten que xogar e cada xogador ten claro cáles son os seus acertos nese xogo colectivo fantástico dos primeiros minutos e cáles son os erros que comete e que perxudican ese xogo colectivo rápido e de precisión.
Só queda estar sempre ó 100% metido no partido é ó servicio do equipo para facer o correcto.

Dous encontros para rematar a primeira volta contra dous equipos da zona media-baixa da táboa; Lecer, un rival cun xogo ó que os nósos cústalles afrontar e finalmente NK.

Despídome ata a próxima, que cicáis sexa a vindeira Previa e non a Crónica, xa que dende o foro estúdiase unha restructuración dos servizos informativos para mellorar a eficacia e a eficiencia desta web.
Reciban un cordial saúdo!

Xornada 12 Vai-á-Porra

2011-01-20T20:47:00.003+01:00

Estes son os partidos seleccionados para a duodécima xornada de VAI-Á Porra 2010/2011

Frutas Nieves VS.Deportes Carlos Miguel

Lecer VS. Caf.Zeus

Silvafresh VS. Acerón

Recordamos que:

- Para participar en Vai-á Porra débese por un comentario nesta nova.

- A puntuación é a seguinte

+1 punto por acertar o gañador do partido

+2 puntos por acertar o gañador do partido e os goles que marca un dos dous equipos

+5 puntos por acertar o resultado completo

Non nos esquecemos da clasificación xeral! Pronto a publicaremos!

Comezo ilusionante. DCM 5-0 DobleDeCordero

2011-01-17T22:48:00.002+01:00

O 2011 principia cunha contundente victoria do DCM que unida ó esvarón de Wapichi e Acerón devolven a ilusión á parroquia dcmista.
Tralas dúbidas existentes dende a última xornada de 2010 coa vergoñenta derrota ante Caf.Zeus e trala súa xornada de descanso, os nósos necesitaban unha victoria para devolver a confianza en si mesmos e comezar o ano cunha nova perspectiva da tempada.
O equipo conseguiuno cun partido moi serio e traballado que custoulle sacar adiante xa que ata ben avanzada a 2ª metade non sería quen de sentenciar o encontro.

A duodécima xornada levábanos ó campo da Mina onde o DCM recibía ó Doble de Cordero sin Cebolla baixo a arbitraxe do máis que discutido Berto.
Chape causaba baixa por unha gripe e Xmon entraba no seu lugar, para completar unha ampla convocatoria.
A primeira metade deixounos escasas ocasións, un tímido dominio dcmista que buscaba o gol e atacaba máis que o rival pero con demasiado respeto, e sen chegar a asoballar ó rival, pero un pequeno dominio que traduciríase nun único gol que chegaba tras un saque de porta de Jorge que finalizaba Yago con algo de fortuna, facendo un importante 1-0. O Doble de Cordero cunha importante baixa, non daba entrado no partido, limitábase a defenderse e non conseguíu inquedar a porta dcmista en todo o primeiro periodo.

Tralo descanso o DCM saía moito máis solto, con máis intensidade e máis convencido de ir decididamente a polo partido.
Os primeiros 10 minutos desta segunda metade desputáronse íntegramente en campo do Cordero, que defendía como podía as continuas acometidas dos dcmistas, que unha vez tras outra estaban moi preto do gol pero a gran actuación do gardamallas rival e a falta de fortuna facían que o marcador mantivésese inalterado. Unha gran presión de todo o equipo permitía recuperar o balón moi cedo, co que se evitaban os ataques rivais e conseguíanse continuas ocasións, mais cun resultado tan curto calquera cousa podía pasar e os nervos comezaban a aparecer.
Por fortuna o 2-0 chegaría mediada esta segunda metade, nunha xogada na que Quique recurtaba ó seu defensor e cun potente disparo cruzado que petaba en ambos paus antes de introducirse na portería rival.
Ese gol levou moita tranquilidade e abriu a lata para que foran chegando máis tantos.
O 3-0 foi obra de Yago; Pani cun gran traballo de esforzo e presión conseguía recuperar un balón preto da área contraria, pasaba cara Vare e este tiraba de recursos para entregar de tacón a Yago que libre de marca batía cun bo disparo ó porteiro rival.
Co 3-0, Cordero tería as súas únicas dúas ocasións en todo o encontro pero ahí aparecía Jorge para deixar a súa portería a 0.
Unha falta en campo rival que o DCM sacaba rápido e marcaba pero o colexiado anulaba o tanto por dicir que era 5 centímetros máis cara diante, era convertida en gol finalmente por Yago cun disparo directo. 4-0.
E Quique redondearía o resultado co 5-0 final tras pase de Emi.

Conseguía así a primeira victoria do ano o DCM nun partido bastante sinxelo pero que o equipo traballou dende o principio ó final para que non se complicase en ningún momento. Con estes 3 novos puntos, o DCM ata a 4ª praza, a un punto do 3º (Zeus) e a 3 do Wapichi que é 2º pero cun encontro máis.
Frutas Nieves, Lecer e NK para rematar a primeira volta, así que vaiamos partido por partido para lograr bos resultados.

Reciban un cordial saúdo e ata a próxima.

Ano novo, ¿vida nova?. DCM Vs. Doble de Cordero

2011-01-14T13:04:00.002+01:00

O 2011 sexa benvido. Comezou o quinto ano de vida do DCM. Un ano que a diferenza de outros, e do que soe ser habitual para a maioría da xente que se plantexa co inicio dos anos novos retos e obxectivos, non deixa no seo dcmista novas esperanzas, novas ilusións, novos proxectos… senón máis do mesmo.
Preténdese alongar un ano máis un proxecto que ata o de agora deu moi bos resultados, a marxe do ascenso e dos títulos, deu 4 anos de desfrutar cada fin de semana do equipo e da competición que é ó fin e ó cabo o fin último deste equipo.
Cinco anos son moitos, polo que só o 2011 diranos se é o mencionado proxecto segue dando froitos ou esgótase e fai necesario cambios na vida dcmista.

Polo momento, o DCM terá que retomar a competición tralo parón navideño e tras cumprir a súa xornada de descanso, polo que sen dúbida o equipo que tan só tivo tres días de preparación durante todo este longo periodo sen liga (un amigábel co Acerón, a copa loiola desputada baixo o nome de Gotream, e o adestramento deste xoves), acusará a falta de ritmo.
Enfronte terá a un vello coñecido, o Doble de Cordero Sen Cebola, un rival temido cando se enfrontaban na 3ª división e que deu lugar a bonitos partidos de moita igualdade e tensión, pero que agora parece estar a acusar a adaptación a unha nova división, xa que tan só foi quen de sumar 4 vitorias nos 11 partidos que desputou ata o momento, que o sitúan na undécima posición da táboa.

A única boa nova para os Dcmistas é o regreso de Emi ós terreos de xogo trala súa lesión de longa duración. O xogador chegará con moitas gañas que agardemos sexa quen de transmitir a un equipo todavía deprimido pola última derrota ante Caf.Zeus nun partido que nunca puido deixarse escapar.
Polo tanto para este encontro o adestrador sen contrato Ratkovic Varela contará previsiblemente con todos os seus efectivos agás Xmon (que terá difícil a súa asitencia por compromisos laborais na capital galega), aínda que a situación de cada un deles é moi particular:
- Jorge chegará tras unha semana de moito desgaste na cidade condal por motivos laborais e tan só terá unhas horas para preparar o partido.
- Chape continúa no parte médico do equipo e o adestrador sabe que non debe empregalo demasiados minutos. Este xoves completou a intensa sesión de adestramento e rematou acusando o esforzo.
- Emi como diciamos regresa trala súa lesión e o seu nivel ó igual que o de Oubiña é unha incógnita.
- Quique volta trala súa depresión futbolística e tralo seu paso polos servicios psicolóxicos do clube que o convenceron para non colgar as botas xd. Onte víuselle plenamente recuperado e mentalizado para o partido do domingo.
- E o resto do plantel (Pali, Pani, Yago e Vare) chegan algúns inmersos na dura época de exames e todos eles moi faltos de ritmo de competición.

Con todo, a aliñación probábel será:
---------Jorge--------- (aínda que ben podería xogar Quique xd)
---Vare-------Pali----
---------Pani----------
---------Emi----------- (imaxinen a cara de felicidade de Emi ó verse de dianteiro aínda que só sexa sobre o papel xd. A outra opción na punta de ataque sería Jorge, pero é menos probabel xa que ten facilidade para mancar os nocellos cando xoga de campo. Os dous teóricos dianteiros do plantel terán que demostrar que comezan o 2011 moito mellor do que remataron o 2010 xd)

Polo tanto partido moi complicado para os nósos, non só polo indiscutible nivel do rival, pola rivalidade entre ambos equipos e sobretodo pola falta de ritmo do equipo tras este longuísimo parón invernal. O DCM terá que superar estas complicacións e sacar os 3 puntos se quere seguir optando a algo máis que o premio da deportividade nesta liga.

Nada máis, agardámosvos a todos o vindeiro Domingo ás 18:00 horas no (como diría Xaime) máxico pavillón do Monte da Mina.

NOTA: SEGUIDE PARTICIPANDO EN VAI-Á-PORRA NA ENTRADA DE ABAIXO

Xornada 11 de Vai-á-Porra

2011-01-12T21:56:00.004+01:00

Estes son os partidos seleccionados para a undécima xornada de VAI-Á Porra 2010/2011

Deportes Carlos Miguel VS. Doble de Cordero sin Cebollla
Bar Codedero VS. Parquets Eloy
Acerón VS. Ponte a Pintar

Recordamos que:
- Para participar en Vai-á Porra débese por un comentario nesta nova.
- A puntuación é a seguinte
+1 punto por acertar o gañador do partido
+2 puntos por acertar o gañador do partido e os goles que marca un dos dous equipos
+5 puntos por acertar o resultado completo

A clasificación será actualizada próximamente.

O DCM Vos Desexa Felices Festas

2010-12-23T13:34:00.003+01:00

Dende o DCM queremos desexarvos que pasedes unhas felices festas e que nos acompañedes no 2011 como o fixechedes neste 2010. Sen o voso apoio e o voso seguimento este blog non sería posible, e sen o esforzo de todos o DCM tampouco o sería, un proxecto colectivo, que aínda que non está quizáis no seu mellor momento, ten perspectivas de continuidade e de mellora. Dende o club seguiremos traballando para que así o sexa.

Grazas de novo polo voso apoio, e polo voso interese neste club de amigos. E ós xogadores grazas por seguir ahí outro ano máis, e xa van cinco.

“Ridículo”. Caf.Zeus 5-2 DCM

2010-12-19T22:25:00.001+01:00

Os xogadores dcmistas despiden o ano con cara de parvos tras perder eles mesmos un encontro que o rival en ningún momento tivo intención de gañar. Por terceira vez os nósos chegaban á xornada na 3ª posición da táboa coa opción de afianzarse como equipo punteiro e por terceira vez fixeron o ridículo. Vaia forma de rematar o ano…

O partido comezaría cun 0-2 a favor dos dcmistas debido á insultante pasividade defensiva do equipo rival, que dende o inicio e ata o final estivo en Bembrive botando unha “pachanga” para pasar o rato, da que ó final saíron victoriosos. Vare nunha contra faría o primeiro, 0-1 e Pani tras un saque dende o curruncho sería o autor do segundo cunha fermosa resolución ante a saída do porteiro, 0-2.
O Zeus xogaba camiñando, é un equipo que non semella preocupado pola clasificación nin polos resultados. Onte, o DCM tampouco. A moitos dos nósos supúñalles o mesmo a victoria que a derrota; nada. E un equipo baseado na mentalidade e nas gañas e non na calidade como é o DCM, cando non se te va a vida pola victoria… é moi difícil gañar.
Caf.Zeus recurtaría distancias nunha das súas múltiples chegadas ó trote cun disparo cruzado que petaba en Vare e introducíase na porta. 2-1.

Tralo descanso, empate do Caf. Zeus 2-2. Despois un feixe de ocasións para os Dcmistas en contragolpes, saques dende o curruncho e disparos lonxanos, onde unha e outra vez escollíase a opción menos axeitada. Continuou camiñando o Zeus, continuou facendo todo mal o DCM. E a falta de 5 minutos para rematar, unha, dúas e tres contras dos locais que supuñan o 3-2, 4-2 e 5-2.

Remataba así o encontro, remata así o ano 2010.

Reciban un cordial saúdo e as crónicas da liga despídense ata 2011!!
Recorden que antes o equipo desputará a habitual copa loiola.
Boas festas para todos!! E Hala Celta!!